ಹಳ್ಳದಕೇರಿ: ಎರಡು ಬಣಗಳ ನಡುವೆ ವಾಗ್ವಾದ, ಘರ್ಷಣೆ

ವಿವಾದ ಸೃಷ್ಟಿಸಿದ ಗರಡಿಮನೆ ಕಾಂಪೌಂಡ್‌

ಗರಡಿಮನೆ ಸುರಕ್ಷತೆಗಾಗಿ 10 ಅಡಿ ಎತ್ತರದ 60 ಅಡಿ ಉದ್ದದ ಗೋಡೆಯನ್ನು ಶೇ 22.75 ಅನುದಾನ ಹಾಗೂ ನಾಯಕ ಸಮಾಜದವರ ದೇಣಿಗೆಯಿಂದ ಕಾಮಗಾರಿ ಪೂರ್ಣಗೊಳಿಸಲು ನಿರ್ಧರಿಸಲಾಗಿದೆ

ಹರಿಹರ:  ಇಲ್ಲಿನ ಹಳ್ಳದಕೇರಿಯ ಮಾರುತಿ ಗರಡಿ ಮನೆ ಕಾಂಪೌಂಡ್ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಎರಡು ಬಣಗಳ ನಡುವೆ ಗುರುವಾರ ವಾಗ್ವಾದ ಘರ್ಷಣೆಗೆ ತಿರುಗಿದೆ.
 
ಹಳ್ಳದಕೇರಿಯ ಹಳ್ಳಕ್ಕೆ ಸಂಪರ್ಕ ಸೇತುವೆ ನಿರ್ಮಾಣದ ಸಂದರ್ಭದಲ್ಲಿ ಗರಡಿಮನೆಯ ಕಾಂಪೌಂಡ್ ಕುಸಿದಿತ್ತು. ಕಾಂಪೌಂಡ್‌ ನಿರ್ಮಿಸಲು ಮುಂದಾದಾಗ ನೂತನ ವಾಲ್ಮೀಕಿ ಸಮುದಾಯ ಭವನ ಹಾಗೂ ಪರಿಶಿಷ್ಟ ಪಂಗಡದ ಕಾಲೊನಿಗೆ ಸಂಪರ್ಕ ರಸ್ತೆಗೆ ಸ್ಥಳಾವಕಾಶ ನೀಡಬೇಕು ಎಂದು ಒಂದು ಗುಂಪಿನವರು ಒತ್ತಾಯಿಸಿದರು. ಇನ್ನೊಂದು ಗುಂಪು ಯಥಾಸ್ಥಿತಿ ಕಾಪಾಡಬೇಕು ಎಂದು ಪಟ್ಟು ಹಿಡಿಯಿತು.
 
‘ಗರಡಿ ಮನೆಗೆ ಕಾಂಪೌಂಡ್‌ ಇಲ್ಲದಿರುವುದರಿಂದ ಈ ರಸ್ತೆಯಲ್ಲಿ ಹೆಣ್ಣುಮಕ್ಕಳು ಓಡಾಡದಂತಹ ಸ್ಥಿತಿ ನಿರ್ಮಾಣವಾಗಿದೆ. ಸ್ಥಳೀಯರಿಂದ ಬಂದ ದೂರು ಹಾಗೂ ಗರಡಿ ಮನೆಯಲ್ಲಿ ಶಿಸ್ತು ಕಾಪಾಡಲು ಕಾಂಪೌಂಡ್ ನಿರ್ಮಿಸಲು ತೀರ್ಮಾನ ಕೈಗೊಂಡಿದ್ದೇವೆ’ ಎಂದು ನಾಯಕ ಸಮಾಜದ ನಗರ ಘಟಕದ ಅಧ್ಯಕ್ಷ ಕಳ್ಳೇರ ಮಂಜಣ್ಣ ತಿಳಿಸಿದರು. 
 
‘ಸರ್ಕಾರಿ ಜಾಗದಲ್ಲಿ ಎಸ್‌ಟಿ ಕಾಲೊನಿ ಹಾಗೂ ವಾಲ್ಮೀಕಿ ಸಮುದಾಯ ಭವನಕ್ಕೆ ಸಂಪರ್ಕ ರಸ್ತೆ ನಿರ್ಮಿಸಲು ಸಾರ್ವಜನಿಕರು ನಿರ್ಧರಿಸಿದ್ದರು. ಇದಕ್ಕಾಗಿ ವಾಲ್ಮೀಕಿ ಸಮುದಾಯ ಭವನ ನಿರ್ಮಾಣಕ್ಕೆ ಬಿಡುಗಡೆಯಾದ ಅನುದಾನದಲ್ಲಿ ಕಾಂಪೌಂಡ್‌ ನಿರ್ಮಿಸಲು ನಾಯಕ ಸಮಾಜ ಮುಂದಾಗಿತ್ತು.
 
ಇದಕ್ಕೆ ಕಾಂಗ್ರೆಸ್ ಮುಖಂಡ ಎಸ್.ರಾಮಪ್ಪ ಅವರೂ ಸಹಮತ ವ್ಯಕ್ತಪಡಿಸಿದ್ದರು. ಆದರೆ, ಅವರ ಕುಟುಂಬದ ಸದಸ್ಯರು ಹಾಗೂ ಕೆಲವರು ಗುಂಡಿ ತೆಗೆಯುತ್ತಿದ್ದ ಕಾರ್ಮಿಕರನ್ನು ಬೆದರಿಸಿ, ಕಾಮಗಾರಿ ತಡೆದಿದ್ದಾರೆ’ ಎಂದು ದೂರಿದರು. 
 
ಗರಡಿಮನೆ ಸುರಕ್ಷತೆಗಾಗಿ 10 ಅಡಿ ಎತ್ತರದ 60 ಅಡಿ ಉದ್ದದ ಗೋಡೆಯನ್ನು ಶೇ 22.75 ಅನುದಾನ ಹಾಗೂ ನಾಯಕ ಸಮಾಜದವರ ದೇಣಿಗೆಯಿಂದ ಕಾಮಗಾರಿ ಪೂರ್ಣಗೊಳಿಸಲು ನಿರ್ಧರಿಸಲಾಗಿದೆ. ಇದರ ಹಿಂದೆ ವೈಯಕ್ತಿಕ ಪ್ರತಿಷ್ಠೆಯಿಲ್ಲ. ಎಲ್ಲರೂ ಸಹಕಾರ ನೀಡಬೇಕು ಎಂದು ಮನವಿ ಮಾಡಿದರು.
 
ಹಂಚಿನಮನೆ ದೇವೇಂದ್ರಪ್ಪ, ದಿನೇಶ್‌ಬಾಬು, ರಾವುಗಪ್ಪ, ಮಕ್ರಿ ಪಾಲಾಕ್ಷಪ್ಪ, ಆಟೋರಾಜು, ಬಂದರ್ಕಿ ಬಸವರಾಜ್, ನಿಂಗೇಶ್, ಎಂ.ಎಚ್. ಪರಶುರಾಮ, ಬಸವರಾಜು, ಕುಮಾರ, ಮಾಳಗಿ ನಿಂಗಪ್ಪ, ಎಡೆಹಳ್ಳಿ ಲಕ್ಷ್ಮಣಪ್ಪ, ಹಂಚಿನಮನಿ ಕೃಷ್ಣ ಹಾಜರಿದ್ದರು. 
 
ಕಾಮಗಾರಿಗೆ ಆಕ್ಷೇಪ: ಗರಡಿಮನೆ ಕಾಂಪೌಂಡ್ ಕಾಮಗಾರಿ ತಡೆಯುವಂತೆ ಆಗ್ರಹಿಸಿ ಜಯ ಕರ್ನಾಟಕ ಸಂಘಟನೆ ಕಾರ್ಯಕರ್ತರು ಗುರುವಾರ ನಗರ ಪೊಲೀಸ್ ಠಾಣೆಗೆ ಮನವಿ ಸಲ್ಲಿಸಿದರು. 
 
ಈ ಕುರಿತು ವಿಚಾರಣೆ ನಡೆಸಿದ ಪಿಎಸ್ಐ ಹನುಮಂತಪ್ಪ ಎಂ. ಶಿರೀಹಳ್ಳಿ, ನಗರಸಭೆಯಿಂದ ಪರವಾನಗಿ ಪಡೆದು ಕಾಮಗಾರಿ ನಡೆಸುವಂತೆ ಕಳ್ಳೇರ ಮಂಜಣ್ಣ ಅವರಿಗೆ ಸೂಚಿಸಿದ್ದಾರೆ. 
Comments
ಈ ವಿಭಾಗದಿಂದ ಇನ್ನಷ್ಟು
ನದಿಯಿಂದ ನೀರು, ಮುಖದಲ್ಲಿ ಮಂದಹಾಸ

ದಾವಣಗೆರೆ
ನದಿಯಿಂದ ನೀರು, ಮುಖದಲ್ಲಿ ಮಂದಹಾಸ

26 Jul, 2017

ಚನ್ನಗಿರಿ
ಕುಡಿಯುವ ನೀರಿನ ಸಮಸ್ಯೆ: ಎರಡು ಸರ್ಕಾರಿ ಶಾಲೆಗಳಿಗೆ ರಜೆ

‘ನೀರಿನ ಸಮಸ್ಯೆಯಿಂದಾಗಿ ಇಂದು ಬಿಸಿಯೂಟ ತಯಾರಿಸಲು ಸಾಧ್ಯವಾಗಿಲ್ಲ. ಶಾಲೆಯಲ್ಲಿ ಇರುವ ಕೊಳವೆಬಾವಿಯಲ್ಲಿ ಅಂತರ್ಜಲ ಮಟ್ಟ ಕುಸಿದಿದೆ. ಟ್ಯಾಂಕರ್ ಮೂಲಕ ನೀರು ತರಿಸಿಕೊಂಡು ಬಿಸಿಯೂಟ ಮಾಡಿಸಲು...

26 Jul, 2017

ಹರಿಹರ
‘ಕಾನೂನು ಸುವ್ಯವಸ್ಥೆಗೆ ನಗರಸಭೆ ಸಹಕಾರ ಅಗತ್ಯ’

ಸುರಕ್ಷತೆಗಾಗಿ ದ್ವಿ ಚಕ್ರ ಗಸ್ತು ವ್ಯವಸ್ಥೆ ಹಾಗೂ ಸಂಚಾರ ನಿಯಂತ್ರಣಕ್ಕೆ ಗೃಹ ರಕ್ಷಣಾ ಸಿಬ್ಬಂದಿಗಳನ್ನು ನೇಮಿಸಲು ಅವಕಾಶ ನೀಡಲಾಗುವುದು

26 Jul, 2017
ಕಚೇರಿಯಲ್ಲೇ ಕುಳಿತರೆ ಗುರಿ ಸಾಧನೆ ಕಷ್ಟ

ದಾವಣಗೆರೆ
ಕಚೇರಿಯಲ್ಲೇ ಕುಳಿತರೆ ಗುರಿ ಸಾಧನೆ ಕಷ್ಟ

25 Jul, 2017
‘ಹಿರಿಯ ನಾಗರಿಕರ ನಿರ್ಲಕ್ಷ್ಯ ಸಲ್ಲದು’

ದಾವಣಗೆರೆ
‘ಹಿರಿಯ ನಾಗರಿಕರ ನಿರ್ಲಕ್ಷ್ಯ ಸಲ್ಲದು’

25 Jul, 2017