ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ ಹೂಳು ತುಂಬಿ ಹಾಳಾಗುತ್ತಿರುವ ಕೆರೆಗಳು

ಜೀವಂತಿಕೆ ಕಳೆದುಕೊಂಡ ಸೀಬಿನಕೆರೆ

ಪ್ರಕೃತಿಪ್ರಿಯರು, ಸಂಘ ಸಂಸ್ಥೆಗಳು ವಿಶ್ವ ಪರಿಸರ ದಿನ ಕೆರೆಯ ಸುತ್ತಲಿನ ಕಸ–ಕಡ್ಡಿಗಳನ್ನು, ಪ್ಲಾಸ್ಟಿಕ್‌ ರಾಶಿಯನ್ನು ಆಯ್ದು ಶುಚಿಗೊಳಿಸಲು ಮುಂದಾಗುತ್ತಾರೆ.

ತೀರ್ಥಹಳ್ಳಿ: ಹೂಳು ತುಂಬಿದ ಮೈದಾನದಂತೆ ಕಾಣುವ ಈ ಪ್ರದೇಶವನ್ನು ಕೆರೆ ಎನ್ನುವುದಕ್ಕೆ ಯಾವುದೇ ಕುರುಹು ಇಲ್ಲ.  ದಂಡೆ ಮೇಲಿನ ಡಾಂಬರು ರಸ್ತೆಯಲ್ಲಿ ಓಡಾಡುವ ಪಾದಚಾರಿಗಳು, ದ್ವಿಚಕ್ರ ವಾಹನ ಸವಾರರು ಪ್ಲಾಸ್ಟಿಕ್‌ ಕವರ್‌ನಲ್ಲಿ ತಂದ ಕಸ ಸುರಿಯುವ ಜಾಗವೂ ಇದೇ. ಸೀಬಿನ ಕೆರೆಯ ದುಃಸ್ಥಿತಿ ಇದು. 
 
ಕೆರೆಯಲ್ಲಿ ಹೂಳು ತುಂಬಿ, ಹುಲ್ಲು ಬೆಳೆದಿದೆ. ಅದನ್ನು ಮೇಯಲು ಹೋಗುವ ಜಾನುವಾರು ಹೂತುಹೋಗಿ, ಪ್ರಾಣ ಕಳೆದುಕೊಂಡಿವೆ. ಸ್ಥಳೀಯ ಆಡಳಿತ ಇಂದಿಗೂ ಹೂಳು ತೆಗೆಸಿಲ್ಲ. ಕೆರೆಯು ಸೊಳ್ಳೆ ಉತ್ಪಾದನಾ ಕೇಂದ್ರದಂತಾಗಿದೆ. 
 
ಪಟ್ಟಣದ ವ್ಯಾಪ್ತಿಯಲ್ಲಿ ನಾಲ್ಕು ಪ್ರಮುಖ ಕೆರೆಗಳಿದ್ದು, ಮುಸಾಫಿರ್‌ ಖಾನ್‌ಕೆರೆ, ಕೊರ್ಲುಕೆರೆ, ತಮ್ಮಡಿ ಕೆರೆ ಹಾಗೂ ಸೀಬಿನಕೆರೆ ಪರಿಸ್ಥಿತಿ ಒಂದೇ ರೀತಿ ಇದೆ. ಪ್ರಕೃತಿಪ್ರಿಯರು, ಸಂಘ ಸಂಸ್ಥೆಗಳು ವಿಶ್ವ ಪರಿಸರ ದಿನ ಕೆರೆಯ ಸುತ್ತಲಿನ ಕಸ–ಕಡ್ಡಿಗಳನ್ನು, ಪ್ಲಾಸ್ಟಿಕ್‌ ರಾಶಿಯನ್ನು ಆಯ್ದು ಶುಚಿಗೊಳಿಸಲು ಮುಂದಾಗುತ್ತಾರೆ. 

ಆದರೆ, ಇದರಿಂದ ಮಾತ್ರ ಕೆರೆಗಳ ಸ್ವಚ್ಛತೆ ಸಾಧ್ಯವಿಲ್ಲ. ಪಟ್ಟಣ ಪಂಚಾಯ್ತಿ ಆಸಕ್ತಿ ವಹಿಸದೇ ಇದ್ದರೆ ಕೆಲವೇ ವರ್ಷಗಳಲ್ಲಿ 
ಕೆರೆಗಳು ಮಾಯವಾಗಲಿವೆ ಎಂಬ ಆತಂಕದಲ್ಲಿ ಜನರಿದ್ದಾರೆ.
 
ಕೆರೆಗಳ ಪುನಶ್ಚೇತನ ಹಾಗೂ ಸಣ್ಣ ನೀರಾವರಿ ಇಲಾಖೆಯಿಂದ ಸೀಬಿನಕೆರೆ ಅಭಿವೃದ್ದಿಗೆ 2016–17ನೇ ಸಾಲಿನಲ್ಲಿ ₹ 55 ಲಕ್ಷ ಅನುದಾನ ಲಭ್ಯವಿದೆ. ಪಟ್ಟಣ ಪಂಚಾಯ್ತಿ ಉದ್ಯಮ ನಿಧಿಯಿಂದ ₹ 30 ಲಕ್ಷ ಕಾಯ್ದಿರಿಸಲಾಗಿದೆ. ಕೆರೆ ಅಭಿವೃದ್ಧಿಗೆ ಕನಿಷ್ಠ ₹ 2ಕೋಟಿಯಿಂದ ₹ 3 ಕೋಟಿ ಅನುದಾನ ಬೇಕಾಗಿದ್ದು, ಹೆಚ್ಚಿನ ನೆರವು ನಿರೀಕ್ಷಿಸಲಾಗುತ್ತಿದೆ ಎನ್ನುತ್ತಾರೆ ಪಟ್ಟಣ ಪಂಚಾಯ್ತಿ ಅಧ್ಯಕ್ಷ  ಸಂದೇಶ್‌ ಜವಳಿ. 
-ಶಿವಾನಂದ ಕರ್ಕಿ
Comments
ಈ ವಿಭಾಗದಿಂದ ಇನ್ನಷ್ಟು
ಆಶ್ರಯ ಹಗರಣ ಸಿಐಡಿಗೆ ವಹಿಸಲು ನಿರ್ಣಯ

ಶಿವಮೊಗ್ಗ
ಆಶ್ರಯ ಹಗರಣ ಸಿಐಡಿಗೆ ವಹಿಸಲು ನಿರ್ಣಯ

27 Jul, 2017

ಸೊರಬ
ಕಾನೂನು ಅನುಷ್ಠಾನದಲ್ಲಿ ಹಿನ್ನಡೆ ಸಲ್ಲದು

ನಸಂಖ್ಯೆ ಹೆಚ್ಚುತ್ತಿರುವಂತೆ ಅಪರಾಧಗಳ ಸಂಖ್ಯೆಯೂ ಜಾಸ್ತಿಯಾಗುತ್ತಿದೆ. ಹೀಗಾಗಿ ಉತ್ತಮ ಸಮಾಜ ನಿರ್ಮಾಣಕ್ಕೆ ನೈತಿಕ ಶಿಕ್ಷಣದ ಅವಶ್ಯಕತೆ ಇದೆ

27 Jul, 2017

ಶಿವಮೊಗ್ಗ
ರೈಗೆ ಗೃಹ ಖಾತೆ ನೀಡಿದರೆ ಕಳ್ಳನ ಕೈಗೆ ಬೀಗ ಕೊಟ್ಟಂತೆ: ಈಶ್ವರಪ್ಪ

‘ಗೃಹ ಖಾತೆ ಜವಾಬ್ದಾರಿ ನಿರ್ವಹಿಸುವ ವ್ಯಕ್ತಿ ಯಾವುದೇ ಪಕ್ಷ, ಜಾತಿ, ಧರ್ಮದ ಮೇಲೆ ಪ್ರೀತಿ ಹೊಂದಿರಬಾರದು. ಕಳಂಕಿತನಾಗಿರ ಬಾರದು. ರಮಾನಾಥ್ ರೈ ಅವರಿಗೆ ಇಂತಹ...

27 Jul, 2017

ಭದ್ರಾವತಿ
ಫಲಾನುಭವಿಗಳಿಗೆ ನಿವೇಶನ ಹಂಚಿಕೆ ವಿಳಂಬಕ್ಕೆ ಆಕ್ಷೇಪ

ಗುತ್ತಿಗೆ ಕೆಲಸಕ್ಕೆ ಜನರನ್ನು ನೇಮಿಸಿಕೊಳ್ಳುವವರು ಅವರನ್ನು ಕೆಲಸದಿಂದ ತೆಗೆಯುವಾಗ ಸಭೆಯ ಗಮನಕ್ಕೆ ತರಬೇಕು ಎಂಬುದೂ ಸೇರಿ 88 ವಿಷಯಗಳಿಗೆ ಸಭೆ ಅನುಮೋದನೆ ನೀಡಿತು.

27 Jul, 2017
ಕೆಸರು ಗದ್ದೆಯಾದ ವಿದ್ಯಾನಗರ ಮುಖ್ಯರಸ್ತೆ

ಶಿವಮೊಗ್ಗ
ಕೆಸರು ಗದ್ದೆಯಾದ ವಿದ್ಯಾನಗರ ಮುಖ್ಯರಸ್ತೆ

26 Jul, 2017