ದೇವರ ಹಿಪ್ಪರಗಿ : ಪಟ್ಟಣದ ಕರಿಸಿದ್ಧೇಶ್ವರ ಜಾತ್ರಾ ಮಹೋತ್ಸವದ ಅಂಗವಾಗಿ 11 ಗ್ರಾಮಗಳ 16 ದೇವರುಗಳ ಪಲ್ಲಕ್ಕಿ ಮೆರವಣಿಗೆ ಭಕ್ತಿ ಭಾವದೊಂದಿಗೆ ಅದ್ಧೂರಿಯಾಗಿ ಜರುಗಿತು.
ಶನಿವಾರದಂದು ಕಲ್ಮೇಶ್ವರ ದೇವಸ್ಥಾನದ ಆವರಣದಲ್ಲಿ ಸ್ಥಳೀಯ ಕಾಶೀಲಿಂಗ, ಕರಿಸಿದ್ಧೇಶ್ವರ ದೇವರುಗಳ ಪಲ್ಲಕ್ಕಿಗಳ ಜೊತೆ ಅಂಕಲಗಿ, ತಾಂಬಾ, ಹಚ್ಯಾಳ, ಮಣೂರ, ಇಂಗಳಗಿ, ಪಡಗಾನೂರ, ಬಿಸನಾಳ, ಕಾಮನಕೇರಿ ಬೂದಿಹಾಳ, ಜಾಲವಾದ, ರಾಮನಹಟ್ಟಿ ಗ್ರಾಮಗಳ ದೇವರುಗಳ ಪಲ್ಲಕ್ಕಿಗಳು ಸೇರಿ ಬೆಳಿಗ್ಗೆ ಗಂಗಸ್ಥಳ ಕಾರ್ಯ ಮುಗಿಸಿಕೊಂಡು ವಿವಿಧ ವಾಧ್ಯ ವೈಭವಗಳೊಂದಿಗೆ ಹೊರಟ ಮೆರವಣಿಗೆ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಹೊರಟು ಕರಿಸಿದ್ಧೇಶ್ವರ ದೇವಸ್ಥಾನ ತಲುಪಿತು.