ಬಳ್ಳಾರಿ

ಪರಭಾಷೆ ಸಿನಿಮಾಗಳ ಡಬ್ಬಿಂಗ್: ಪ್ರೇಕ್ಷಕರ ಅಭಿಲಾಷೆ

ಕನ್ನಡ ಚಲನಚಿತ್ರ ಮಂಡಳಿಯು ಡಬ್ಬಿಂಗ್ ಸಿನಿಮಾಗಳಿಗೆ ಅವಕಾಶ ನೀಡುವುದಿಲ್ಲ ಎಂದು ಹೇಳುತ್ತಿದೆ. ಮುಂದಿನ ದಿನದಲ್ಲಿ ಅದಕ್ಕೆ ಸೂಕ್ತ ಪರಿಹಾರ ದೊರಕುವ ವಿಶ್ವಾಸ ತಮಗಿದೆ.

ಬಳ್ಳಾರಿ: ಪರಭಾಷೆಯ ಸಿನಿಮಾಗಳ ಡಬ್ಬಿಂಗ್ ಮಾಡುವುದು ನಿರ್ದೇಶಕರ ಅಭಿಲಾಷೆಯಲ್ಲ; ಅದು ಪ್ರೇಕ್ಷಕರ ಅಭಿಲಾಷೆ ಮತ್ತು ಅಭಿರುಚಿ ಆಗಿದೆ ಎಂದು ನಿರ್ದೇಶಕ ರಾಜಮೌಳಿ ಅಭಿಪ್ರಾಯಪಟ್ಟರು.

ನಗರದ ಗಡಿಗಿ ಚೆನ್ನಪ್ಪ ವೃತ್ತದ ಬಳಿಯಿರುವ ರಾಧಿಕಾ ಚಿತ್ರಮಂದಿರದಲ್ಲಿ ಶನಿವಾರ ಸಂಜೆ ಕುಟುಂಬ ಸದಸ್ಯರೊಂದಿಗೆ ಬಾಹುಬಲಿ 2 ಸಿನಿಮಾ ವೀಕ್ಷಣೆ ಮಾಡಿ, ಬಳಿಕ ಸುದ್ದಿಗಾರರಿಗೆ ಈ ವಿಷಯ ತಿಳಿಸಿದರು.

ಕನ್ನಡ ಚಲನಚಿತ್ರ ಮಂಡಳಿಯು ಡಬ್ಬಿಂಗ್ ಸಿನಿಮಾಗಳಿಗೆ ಅವಕಾಶ ನೀಡುವುದಿಲ್ಲ ಎಂದು ಹೇಳುತ್ತಿದೆ. ಮುಂದಿನ ದಿನದಲ್ಲಿ ಅದಕ್ಕೆ ಸೂಕ್ತ ಪರಿಹಾರ ದೊರಕುವ ವಿಶ್ವಾಸ ತಮಗಿದೆ. ಪೈರಸಿ ಹಾವಳಿ ಎಲ್ಲ ಭಾಷೆಯ ಸಿನಿಮಾಗಳಲ್ಲಿದೆ. ಕಾನೂನಾತ್ಮಕ ಹೋರಾಟದಿಂದ ಪೈರಸಿ ತಡೆಯಲು ಸಾಧ್ಯವಿಲ್ಲ ಎಂದರು.

ಬಾಹುಬಲಿ ಮತ್ತು ಬಾಹುಬಲಿ 2 ಸಿನಿಮಾಗಳನ್ನು ಪ್ರತ್ಯೇಕವಾಗಿ ಗಮನಿಸುವ ಅಗತ್ಯತೆ ಇಲ್ಲ. ಎರಡೂ ಸಿನಿಮಾಗಳು ಒಂದೇ ಕಥೆಯನ್ನಾಧರಿಸಿವೆ. ಮೊದಲನೇ ಭಾಗಕ್ಕಿಂತಲೂ ಎರಡನೇ ಭಾಗವು ಅಲ್ಪಮಟ್ಟಿಗೆ ಉತ್ತಮ ಕಲೆಯನ್ನು ಹೊಂದಿದೆ.

ಈ ಸಿನಿಮಾದ ಪಾತ್ರಗಳೇ ಚಿತ್ರ ನಿರ್ಮಾಣಕ್ಕೆ ಸ್ಫೂರ್ತಿಯಾಗಿದೆ. ಸಿನಿಮಾ ಗಳಿಕೆ ಕುರಿತು ಈಗಾಗಲೇ ವೆಬ್‌ಸೈಟ್‌ನಲ್ಲಿ ಮಾಹಿತಿಯನ್ನು ಬಹಿರಂಗ ಪಡಿಸಲಾಗಿದೆ. ಗಳಿಕೆಗಿಂತಲೂ ಪ್ರೇಕ್ಷಕರ ಪ್ರೀತಿ ಕಂಡು ತುಂಬಾ ಸಂತಸವಾಗಿದೆ ಎಂದರು.

ಬಾಹುಬಲಿ ಸಿನಿಮಾವು ಹೊಸ ಇತಿಹಾಸವನ್ನು ಸೃಷ್ಠಿಸಲಿದೆ ಎಂಬ ನಿರೀಕ್ಷೆ ತಮಗೆ ಇರಲಿಲ್ಲ. ಅದೆಲ್ಲ ಪ್ರೇಕ್ಷಕರಿಂದ ಸಾಧ್ಯವಾಗಿದೆ. ಅದರ ಯಶಸನ್ನು ಖುಷಿಯಿಂದ ಸ್ವೀಕರಿಸಿದ್ದೇನೆ. ಪ್ರಸ್ತುತ ಅನ್ಯ ಸಿನಿಮಾಗಳ ಚಿತ್ರೀಕರಣದ ಕುರಿತು ಆಲೋಚನೆಯಿಲ್ಲ. ಎರಡು, ಮೂರು ತಿಂಗಳ ನಂತರ ಹೊಸ ಸಿನಿಮಾದ ಚಿತ್ರೀಕರಣ ಕುರಿತು ಚಿಂತನೆ ನಡೆಸುವುದಾಗಿ ಅವರು ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ಧರ್ಮದಿಂದ ಸುಭಿಕ್ಷೆ: ಆನಂದ ಗುರೂಜಿ

ಸಂಡೂರು
ಧರ್ಮದಿಂದ ಸುಭಿಕ್ಷೆ: ಆನಂದ ಗುರೂಜಿ

20 Nov, 2017

ಬಳ್ಳಾರಿ
ಬಯಲು ಶೌಚಕ್ಕೆ ಅಂತ್ಯ: ಡಿಸೆಂಬರ್‌ ಗಡುವು

‘ಅಧಿಕಾರಿಗಳು ಜನರ ಮನೆ ಬಾಗಿಲಿಗೆ ತೆರಳಿ ಶೌಚಾಲಯ ನಿರ್ಮಿಸುವಂತೆ ಪ್ರೇರಿಸಬೇಕು. ಜಿಲ್ಲೆಯ ಶಾಲೆಗಳಲ್ಲಿ ವಿದ್ಯಾರ್ಥಿಗಳಿಗೆ ಶೌಚಾಲಯದ ಬಗ್ಗೆ ಅರಿವು ಮೂಡಿಸಲು ಸಮವಸ್ತ್ರದ ಬಣ್ಣಗಳನ್ನು ಬದಲಾಯಿಸುವ...

20 Nov, 2017

ಬಳ್ಳಾರಿ
ಸಂಘಟಿತರಾದರೆ ಮಾತ್ರ ಅಧಿಕಾರ ಕೈವಶ

‘ಪರಿಶಿಷ್ಟ ಸಮುದಾಯದ ಬೋವಿಗಳು, ಲಂಬಾಣಿಗಳು ಸಂಘಟಿತರಾಗಿ ಸಮಾವೇಶ ಮಾಡುತ್ತಿದ್ದಾರೆ.

20 Nov, 2017
ಪದವೀಧರ ಕ್ಷೇತ್ರದ ಚುನಾವಣೆ ಮುಂದೂಡಲು ಕಾಂಗ್ರೆಸ್‌ ಮುಖಂಡರ ಮನವಿ

ಬಳ್ಳಾರಿ
ಪದವೀಧರ ಕ್ಷೇತ್ರದ ಚುನಾವಣೆ ಮುಂದೂಡಲು ಕಾಂಗ್ರೆಸ್‌ ಮುಖಂಡರ ಮನವಿ

20 Nov, 2017
ಶೌಚಾಲಯ: ಪ್ರಗತಿಯ ದಾರಿ ದೂರ...!

ಬಳ್ಳಾರಿ
ಶೌಚಾಲಯ: ಪ್ರಗತಿಯ ದಾರಿ ದೂರ...!

19 Nov, 2017