‘ಸ್ವಾವಲಂಬಿ ಬದುಕಿಗೆ ಕೌಲಶ ಮುಖ್ಯ’

ಪಟ್ಟಣದ ತಾಲ್ಲೂಕು ಪಂಚಾಯ್ತಿ ಸಭಾಭವನದಲ್ಲಿ ಸೋಮವಾರ ತಾಲ್ಲೂಕು ಆಡಳಿತ, ತಾಲ್ಲೂಕು ಪಂಚಾಯ್ತಿ ಹಾಗೂ ಪುರಸಭೆ ಸಹಯೋಗದಲ್ಲಿ ನಡೆದ ಉದ್ಯೋಗ ಕೌಶಲ ತರಬೇತಿ ಕಾರ್ಯಾಗಾರದ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.

‘ನೌಕರಿಗಾಗಿ ಶಿಕ್ಷಣ ಪಡೆಯುವ ಯುವಕರು ಉನ್ನತ ಪದವಿ ಗಳಿಸುವ ಬದಲಿಗೆ ಬದುಕನ್ನು ರೂಪಿಸುವ ಶಿಕ್ಷಣ ಪಡೆಯುವುದು ಅಗತ್ಯವಾಗಿದೆ’ ಎಂದು ಅಭಿಪ್ರಾಯಪಟ್ಟರು.
‘ನಿರುದ್ಯೋಗ ಸಮಸ್ಯೆ ತಡೆಯುವ ನಿಟ್ಟಿನಲ್ಲಿ ಸರ್ಕಾರ ಕೌಶಲ ಆಧಾರಿತ ತರಬೇತಿಗಾಗಿ ಸುಮಾರು ₹ 5.5 ಕೋಟಿ ವೆಚ್ಚ ಮಾಡುತ್ತಿದೆ.

ನಿರುದ್ಯೋಗಿ ಯುವಕರು ಈ ಯೋಜನೆಯ ಪ್ರಯೋಜನ ಪಡೆಯಬೇಕು. ಅಲ್ಲದೇ ಕೇಂದ್ರ ಸರ್ಕಾರ ಮುದ್ರಾ ಬ್ಯಾಂಕ್‌ ಮೂಲಕ ವಿವಿಧ ಯೋಜನೆಯಡಿ ಸುಮಾರು ₹10 ಸಾವಿರದಿಂದ ₹10ಲಕ್ಷದ ವರೆಗೆ ಸಾಲ ಸೌಲಭ್ಯ ನೀಡುತ್ತಿದೆ. ಅದರ ಸದ್ಬಳಕೆ ಮಾಡಿಕೊಳ್ಳಬೇಕು’ ಎಂದು ಸಲಹೆ ನೀಡಿದರು.

ಶಿರಸ್ತೇದಾರ್‌ ರವಿ ಕೊರವರ ಪ್ರಾಸ್ತಾವಿಕವಾಗಿ ಮಾತನಾಡಿದರು.ತಾಲ್ಲೂಕು ಪಂಚಾಯ್ತಿ ಸದಸ್ಯ ಶ್ರೀಕಾಂತ ಪೂಜಾರ, ಬಿ.ಎಸ್‌.ಹಿರೇಮಠ, ಪುರಸಭೆ ಅಧ್ಯಕ್ಷ ಶಿವಪ್ರಸಾದ ಸುರಗೀಮಠ ಮಾತನಾಡಿದರು.

ತಾಲ್ಲೂಕು ಪಂಚಾಯ್ತಿ ಅಧ್ಯಕ್ಷೆ ಪಾರವ್ವ ಆರೇರ್‌, ತಹಶೀಲ್ದಾರ್ ಶಿವಾನಂದ ರಾಣೆ, ಎಪಿಎಂಸಿ ಅಧ್ಯಕ್ಷ ತಿಪ್ಪಣ್ಣ ಸಾತಣ್ಣವರ, ಸದಸ್ಯ ವೀರಣ್ಣ ಬಡ್ಡಿ, ಅರ್ಜಪ್ಪ ಲಮಾಣಿ, ರಾಜಕುಮಾರ ವರ್ಣೇಕರ, ಪುರಸಭೆ ಮುಖ್ಯಾಧಿಕಾರಿ ಎಸ್‌.ಎಚ್‌.ನಾಯಕರ, ಉಪತಹಶೀಲ್ದಾರ್‌ ಎಸ್‌.ಬಿ.ಚಾಪಗಾವ. ಎಸ್‌.ಎಸ್‌.ನಾಯಕ, ದುಂಡಸಿ ಉಪತಹಶೀಲ್ದಾರ್‌ ಬಸವರಾಜ ಹೊಂಕಳೆಪ್ಪನವರ, ಶ್ರೀನಿವಾಸ್‌ ಮೂರ್ತಿ ಉಪಸ್ಥಿತರಿದ್ದರು.