ಈ ಪೋರನಿಗೆ ಇನ್ನೂ ಹದಿನಾಲ್ಕು ವರ್ಷ. ಆತನ ಹೆಸರು ಕರ್ಸನ್ ಹ್ಯೂ ಯು. ವಯಸ್ಸು ಚಿಕ್ಕದಾದರೆ ಏನಂತೆ ಭೌತವಿಜ್ಞಾನದಲ್ಲಿ ಆತ ಘನವಾದ ಪಾಂಡಿತ್ಯ ಹೊಂದಿದ್ದಾನಂತೆ. ಎಂತಹ ಕ್ಲಿಷ್ಟ ಪ್ರಶ್ನೆಗಳಿಗೂ ಆತನಲ್ಲಿ ಉತ್ತರಗಳಿವೆಯಂತೆ. ಟೆಕ್ಸಾಸ್ ಕ್ರಿಶ್ಚಿಯನ್ ವಿಶ್ವವಿದ್ಯಾಲಯ ಆತನ ವಿದ್ವತ್ತಿಗೆ ಬೆರಗಾಗಿ ವಿ.ವಿಯ ಘಟಿಕೋತ್ಸವದಲ್ಲಿ ಭೌತವಿಜ್ಞಾನದಲ್ಲಿ ಪದವಿ ಪ್ರದಾನ ಮಾಡಿದೆ.
****
ಮೀನುಗಳ ರಂಗೋಲಿ
ಟೊಟೊ ಟಯಾಂಗೊ ಎಂಬ ಈ ಮೀನುಗಾರ ತನ್ನ ಬಲೆಗೆ ಬಿದ್ದ ಮೀನುಗಳನ್ನು ಮನಿಲಾದ ಮಾರುಕಟ್ಟೆಗೆ ಸಾಗಿಸಬೇಕಿತ್ತು. ಅದಕ್ಕಿಂತ ಮುಂಚೆ ಅವುಗಳನ್ನು ಬಿಸಿಲಲ್ಲಿ ಒಣಗಿಸಬೇಕಿತ್ತಲ್ಲ? ಅದಕ್ಕಾಗಿ ಆತ ಅಂಗಳದಲ್ಲಿ ಮೀನುಗಳ ಚಿತ್ತಾಕರ್ಷಕವಾದ ರಂಗೋಲಿಯನ್ನೇ ಬಿಡಿಸಿದ್ದ!