ನವದೆಹಲಿ: ಈ ವರ್ಷದ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ ಸ್ಮಾರ್ಟ್ಫೋನ್ ‘ಶಿಯೋಮಿ ರೆಡ್ಮಿ ನೋಟ್ 4’ ಎಂದು ಮಾರುಕಟ್ಟೆ ಸಂಶೋಧನಾ ಸಂಸ್ಥೆ ‘ಇಂಟರ್ನ್ಯಾಷನಲ್ ಡೇಟಾ ಕಾರ್ಪೊರೇಷನ್ (ಐಡಿಸಿ)’ ತಿಳಿಸಿದೆ.
ಕಳೆದ ವರ್ಷದ ಮೊದಲ ತ್ರೈಮಾಸಿಕ ಅವಧಿಗೆ ಹೋಲಿಸಿದರೆ ಈ ಬಾರಿ ಸ್ಮಾರ್ಟ್ಫೊನ್ ಮಾರುಕಟ್ಟೆಯ ವಹಿವಾಟು ಶೇಕಡ 14.8ರಷ್ಟು ಬೆಳವಣಿಗೆ ಸಾಧಿಸಿದೆ. 2.7 ಕೋಟಿ ಸ್ಮಾರ್ಟ್ಫೋನ್ಗಳು ಮಾರಾಟವಾಗಿವೆ ಎಂದು ಐಡಿಸಿ ತಿಳಿಸಿದೆ.
ಚೀನಾ ಮೂಲದ ಕಂಪೆನಿಯ ಸ್ಮಾರ್ಟ್ಫೋನ್ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾಗಿರುವುದು ಇದೇ ಮೊದಲು ಎನ್ನಲಾಗಿದೆ. 2016ರ ನಾಲ್ಕನೇ ತ್ರೈಮಾಸಿಕ ಅವಧಿಯಲ್ಲಿ ಸಾಮ್ಸಂಗ್ ಗ್ಯಾಲಕ್ಸಿ ಜೆ12 ಮಾದರಿಯ ಸ್ಮಾರ್ಟ್ಫೋನ್ ಹೆಚ್ಚು ಮಾರಾಟವಾಗಿತ್ತು. ಇದೀಗ ಅದನ್ನು ಶಿಯೋಮಿ ರೆಡ್ಮಿ ನೋಟ್ 4 ಹಿಂದಿಕ್ಕಿದೆ.