ಸರ್ವೀಸ್ ರೈಫಲ್‍ಗಳನ್ನು ತೆಗೆದುಕೊಂಡು ಓಡಿ ಹೋಗಿದ್ದ ಪೊಲೀಸ್ ಪೇದೆ ಹಿಜ್ಬುಲ್ ಮುಜಾಹಿದ್ದೀನ್ ಸಂಘಟನೆಗೆ ಸೇರ್ಪಡೆ

ಶನಿವಾರ ಸಯೀದ್ ನವೀದ್ ಮುಷ್ತಾಕ್ ಎಂಬ ಪೊಲೀಸ್ ಪೇದೆ  ಭಾರತೀಯ ಆಹಾರ ನಿಗಮ (ಎಫ್‍ಸಿಐ) ವೇರ್ ಹೌಸ್‍ನಿಂದ ನಾಲ್ಕು ಸರ್ವೀಸ್ ರೈಫಲ್‍ಗಳನ್ನು ತೆಗೆದುಕೊಂಡು ಓಡಿಹೋಗಿದ್ದಾರೆ.

ದಕ್ಷಿಣ ಕಾಶ್ಮೀರದ ಶೋಪಿಯಾನ್ ಜಿಲ್ಲೆಯ ನಜ್ನೀನ್‍ಪೊರ ಗ್ರಾಮದ ನಿವಾಸಿಯಾದ ಮುಷ್ತಾಕ್  2012ರಲ್ಲಿ ಪೊಲೀಸ್ ಇಲಾಖೆಗೆ ಸೇರಿದ್ದರು.

ಮುಷ್ತಾಕ್ ಅವರು ಹಿಬ್ಜುಲ್ ಮುಜಾಹಿದ್ದೀನ್ ಉಗ್ರ ಸಂಘಟನೆಗೆ ಸೇರಿರುವ ಬಗ್ಗೆ ಹಿಬ್ಜುಲ್ ಸಂಘಟನೆಯ ವಕ್ತಾರ ಬುರ್ಹಾನ್ ಉದ್ ದಿನ್ ಸ್ಥಳೀಯ ಸುದ್ದಿ ಸಂಸ್ಥೆಯೊಂದಕ್ಕೆ ಇಮೇಲ್ ಕಳುಹಿಸಿದ್ದಾರೆ. ಸ್ವಾತಂತ್ರ್ಯ ಹೋರಾಟಕ್ಕಾಗಿ ಇನ್ನಷ್ಟು ಪೊಲೀಸರು ನಮ್ಮ ಸಂಘಟನೆಯನ್ನು ಸೇರುವ ನಿರೀಕ್ಷೆಯಿದೆ ಎಂದು ಇಮೇಲ್‍ನಲ್ಲಿ ಉಲ್ಲೇಖಿಸಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.