ಮುನಿಚ್: ಭಾರತದ ಜಿತು ರಾಯ್ ಇಲ್ಲಿ ನಡೆದ ಐಎಸ್‌ಎಸ್‌ಎಫ್‌ ವಿಶ್ವಕಪ್ ಶೂಟಿಂಗ್‌ನಲ್ಲಿ ಸೋಮವಾರ 10ಮೀ ಏರ್‌ ಪಿಸ್ತೂಲ್ ವಿಭಾಗದಲ್ಲಿ ಫೈನಲ್ ತಲುಪಲು ಸಾಧ್ಯವಾಗದೇ ನಿರಾಸೆ ಅನುಭವಿಸಿದರು.
ಜಿತು ರಾಯ್ ಪುರುಷರ ವಿಭಾಗದ ಅರ್ಹತಾ ಸುತ್ತಿನಲ್ಲಿ 10ನೇ ಸ್ಥಾನ ಪಡೆದರು. ಭಾರತದ ಪಿ.ಎನ್‌.ಪ್ರಕಾಶ್‌ ಹಾಗೂ ಅನ್‌ಮೋಲ್ ಜೈನ್ ಕ್ರಮವಾಗಿ 34 ಮತ್ತು 36ನೇ ಸ್ಥಾನದಲ್ಲಿ ಉಳಿದರು.
ಮಹಿಳೆಯರ 50ಮೀ ರೈಫಲ್ ತ್ರಿ ಪೊಸಿಷನ್ ವಿಭಾಗದಲ್ಲೂ ತೇಜಸ್ವಿನಿ ಸಾವಂತ್ ಫೈನಲ್ ತಲುಪಲು ಸಾಧ್ಯವಾಗಲಿಲ್ಲ. ಇವರು ಅರ್ಹತಾ ಸುತ್ತಿನಲ್ಲಿ 15ನೇ ಸ್ಥಾನ ಗಳಿಸಿದರು.
