ಕುಸಿಯುವ ಸ್ಥಿತಿ: ಸಿಬ್ಬಂದಿ ಆತಂಕ

ಮೊದಲನೆ ಮಹಡಿಯಲ್ಲಿ ಭೂಮಾಪನ ಇಲಾಖೆ, ಚುನಾವಣಾ ಕಚೇರಿ,  ಕಂದಾಯ ಇಲಾಖೆಯ ಕಡತ ಗಳು  ಮತ್ತು ಭೂದಾಖಲೆಗಳ ಕಚೇರಿ  ಕೆಲಸ ನಿರ್ವಹಿಸುತ್ತಿವೆ. ಮಳೆ ಬಿದ್ದ ಕೂಡಲೇ ಮಳೆಯ ನೀರೆಲ್ಲ ಕಚೇರಿಯ ಒಳಗೆ ಹರಿದು ನಿಲ್ಲುತ್ತಿದೆ. ನಿತ್ಯ ಕಚೇರಿಯ ಮೇಲ್ಛಾವಣಿಯಿಂದ ಮಣ್ಣು ಕುಸಿದು ಬೀಳುತ್ತಿದೆ. ಮಳೆಯ ನೀರಿನಿಂದ ಅಮೂಲ್ಯವಾದ ಭೂದಾಖಲೆ ನಾಶವಾಗುತ್ತಿವೆ ಎಂದು ಆತಂಕ ವ್ಯಕ್ತಪಡಿಸಿದರು.

ಕಚೇರಿಯ ಒಳಗೆ ನೀರು ತೊಟ್ಟಿಕ್ಕುತ್ತಿದೆ ಎಂದು ಹೆಸರು ಹೇಳಲು ಇಚ್ಛಿಸದ ನೌಕರರು ಆತಂಕ ವ್ಯಕ್ತಪಡಿಸಿದ್ದಾರೆ. ದಂಡಾಧಿಕಾರಿಗಳ ಕಚೇರಿಯೇ ಕಳಪೆಯಿಂದ ಕೂಡಿದೆ ಎಂದರೆ ದೂರುವುದಾದರೂ ಯಾರನ್ನು ? ಎಲ್ಲಾ ಇಲಾಖೆಗಳ ಹಣದ ಬಿಲ್‌ ಪಾಸು ಮಾಡುವ ಖಜಾನೆ ಇಲಾಖೆಯ ಕಚೇರಿ ಸಹ ಇಲ್ಲಿಯೇ ಕರ್ತವ್ಯ ನಿರ್ವಹಿಸುತ್ತಿದೆ.

ನಿತ್ಯ ಸರ್ಕಾರ  ಕಚೇರಿಯ ಒಳಗೆ ಕರ್ತವ್ಯ ನಿರ್ವಹಿಸುತ್ತಿರುವ ನೌಕರರಲ್ಲಿ ಆತಂಕ ಮೂಡಿದೆ. ದುರಸ್ತಿಗೊಳಿಸಲು ನೌಕರರು ಮನವಿ ಮಾಡಿದ್ದಾರೆ. ರಾಜಧಾನಿಯಿಂದ ಕೇವಲ 50 ಕಿ.ಮಿ.ದೂರದ ಚಾರಿತ್ರಿಕ ನಗರಿಯ ದುರಂತ ಚಿತ್ರಣವಿದು ಎಂದು ಮಹಿಳಾ ನೌಕರರು ಕಚೇರಿ ಬಗ್ಗೆ ಸಮಾಧಾನ ವ್ಯಕ್ತಪಡಿಸಿದ್ದಾರೆ.