ಮನೆ ಮಂದಿಯೆಲ್ಲ ನೆಮ್ಮದಿಯಿಂದ ಕಾಲ ಕಳೆಯುವ ತಾಣ ಲಿವಿಂಗ್ ಕೋಣೆ. ಇಲ್ಲಿ ಸದಾ ಖುಷಿಯೇ ತುಂಬಿರಬೇಕು. ಹಾಗಿದ್ದರೆ ಈ ಕೋಣೆ ಮನೆಯ ಯಾವ ದಿಕ್ಕಿನಲ್ಲಿರಬೇಕು, ಎಲ್ಲೆಲ್ಲಿ ಯಾವ ವಸ್ತುಗಳನ್ನು ಇಡಬೇಕು ಎಂಬುದಕ್ಕೆ ವಾಸ್ತುವಿನಲ್ಲಿ ಕೆಲವು ನಿಯಮಗಳಿವೆ.
* ಲಿವಿಂಗ್ ರೂಮ್ ಮನೆಯ ಪೂರ್ವ ಅಥವಾ ಉತ್ತರ ದಿಕ್ಕಿನಲ್ಲಿರಲಿ.
* ಕೋಣೆಯ ಆಗ್ನೇಯ ದಿಕ್ಕಿನಲ್ಲಿ ಟೀವಿ ಇರಿಸಬೇಕು.
* ಪೂರ್ವ ಅಥವಾ ಈಶಾನ್ಯದಲ್ಲಿ ಅಕ್ವೇರಿಯಂ ಇರಿಸಿ.
* ನೈಋತ್ಯ ಅಥವಾ ಪಶ್ಚಿಮದಲ್ಲಿ ಮೆಟ್ಟಿಲುಗಳಿರಲಿ.
* ಪೂರ್ವ, ಆಗ್ನೇಯ ಅಥವಾ ಉತ್ತರ ದಿಕ್ಕಿನಲ್ಲಿ ದೂರವಾಣಿಯನ್ನು ಇಡಬೇಕು.
* ನೈಋತ್ಯ ಮತ್ತು ವಾಯವ್ಯ ದಿಕ್ಕಿನಲ್ಲಿ ದೂರವಾಣಿ ಇಡಬಾರದು.
* ಕೃತಕ, ಒಣಗಿದ ಹೂವುಗಳನ್ನು ಈ ಕೋಣೆಯಲ್ಲಿ ಇರಿಸಬಾರದು.
* ಏರ್ ಕಂಡಿಷನರ್ ದಕ್ಷಿಣ, ವಾಯವ್ಯ, ಪೂರ್ವ ದಿಕ್ಕಿನಲ್ಲಿ ಇರಿಸಬೇಕು.
* ಈಶಾನ್ಯ ದಿಕ್ಕಿನಲ್ಲಿ ದೇವರ ಚಿತ್ರ, ಪೇಂಟಿಂಗ್ ಇರಿಸಬಹುದು.
* ಗೋಡೆಗಳಿಗೆ ಬಿಳಿ, ತಿಳಿ ಹಳದಿ, ನೀಲಿ ಹಸಿರು ಬಣ್ಣವನ್ನು ಬಳಿಯಬೇಕು.
* ಕಪ್ಪು ಮತ್ತು ಕೆಂಪು ಬಣ್ಣವನ್ನು ಗೋಡೆಗೆ ಹಚ್ಚಬಾರದು.
* ಈಶಾನ್ಯ ಭಾಗ ಯಾವಾಗಲೂ ಸ್ವಚ್ಛ ಮತ್ತು ಖಾಲಿಯಾಗಿರಬೇಕು.
* ಈಶಾನ್ಯ ಭಾಗದ ಕಿಟಕಿಗೆ ತಿಳಿ ಬಣ್ಣ, ನೈಋತ್ಯಕ್ಕೆ ದಪ್ಪ ಕರ್ಟನ್ ಹಾಕಬೇಕು.