ನಮ್ಮನೆ ಹೆಸರು ಸುಮನ. ಮನೆ ಕಟ್ಟಿ ಮುಗಿಸಿದ ಮೇಲೆ ಮನೆಗೆ ಏನೆಂದು ಹೆಸರಿಡುವುದು ಎಂಬ ಚರ್ಚೆ ಆರಂಭವಾಯಿತು. ಒಳ್ಳೆಯ ಅರ್ಥವಿರುವ ಹೆಸರು ಇಡಬೇಕು ಎಂಬುದು ನಮ್ಮ ಬಯಕೆಯಾಗಿತ್ತು.
ನಾನು ಮತ್ತು ಪತಿ ಇಬ್ಬರೂ ಯೋಚಿಸಿ ಈ ಹೆಸರನ್ನು ಇರಿಸಿದ್ದೇವೆ. ಸುಮನ ಎಂದರೆ ಒಳ್ಳೆಯ ಮನಸ್ಸು ಎಂದು ಅರ್ಥ. ಜೊತೆಗೆ ಸರಸ್ವತಿಯ ಹೆಸರು ಇದು.
ನಾನು ಮತ್ತು ಪತಿ ಶಿಕ್ಷಕರು. ನಮ್ಮನೆಯಲ್ಲಿ ಯಾವಾಗಲೂ ಸರಸ್ವತಿ ನೆಲೆಸಿರಬೇಕು. ಮನೆಯ ಮಂದಿಗೆಲ್ಲ ಒಳ್ಳೆಯ ಮನಸ್ಸಿರಬೇಕು ಎಂಬುದು ಈ ಹೆಸರಿನ ಉದ್ದೇಶ. ‘ಸುಮನ’ ನೆಲೆಯಲ್ಲಿ ನಾವೆಲ್ಲ ಸಂತೋಷವಾಗಿ ಇದ್ದೇವೆ.