ಪ್ಯಾರಿಸ್ ಒಪ್ಪಂದ ಹಿಂದೆ ಸರಿಯದಿರಿ

‘ಜಿ–7’ ಶೃಂಗಸಭೆಗೆ ಒಂದು ವಾರ ಇರುವಾಗ ಈ ವಿಚಾರ ಪ್ರಸ್ತಾಪಿಸಿರುವ ಸಂಸದರು, ‘ಹಸಿರುಮನೆ ತ್ಯಾಜ್ಯ ಹೊರಸೂಸುವ ಪ್ರಮುಖ ರಾಷ್ಟ್ರಗಳಾದ ಭಾರತ ಮತ್ತು ಚೀನಾ ಸೇರಿದಂತೆ ಅನೇಕ ದೇಶಗಳು ಐತಿಹಾಸಿಕ ಹವಾಮಾನ ಬದಲಾವಣೆ ಒಪ್ಪಂದಕ್ಕೆ ಬದ್ಧವಾಗಿವೆ.  ಒಪ್ಪಂದ ಮುರಿದರೆ ಬೇರೆ ರಾಷ್ಟ್ರಗಳಿಂದ ಭಿನ್ನವಾಗಿ ಉಳಿಯುವ ಅಮೆರಿಕ ಏಕಾಂಗಿಯಾಗಬೇಕಾಗುತ್ತದೆ’ ಎಂದು ವಾದಿಸಿದ್ದಾರೆ.

‘ಬೇರೆ ರಾಷ್ಟ್ರಗಳು ಮೂಲಸೌಕರ್ಯ ಅಭಿವೃದ್ಧಿ, ಕಡಿಮೆ ಇಂಗಾಲ ಸೂಸುವ ಇಂಧನ, ಸುಸ್ಥಿರ ಕೃಷಿ ಮತ್ತು ಹೊಸ ತಂತ್ರಜ್ಞಾನ ಅಭಿವೃದ್ಧಿಗೆ ಹೆಚ್ಚಿನ ಬಂಡವಾಳ ಹೂಡುತ್ತಿವೆ. ಈ ಸಂದರ್ಭದಲ್ಲಿ ಒಪ್ಪಂದದಿಂದ ಹಿಂದೆ ಸರಿದರೆ ಅದು ಅಮೆರಿಕದ ಆರೋಗ್ಯ ಮತ್ತು ರಕ್ಷಣಾ ಕ್ಷೇತ್ರದ ಮೇಲೆ ಪರಿಣಾಮ ಬೀರಲಿದೆ’ ಎಂದು ಅವರು ಎಚ್ಚರಿಸಿದ್ದಾರೆ.