ಬೇರೆ ಬೇರೆ ದೇಶಗಳಲ್ಲಿ ಇರುವ ಸಂವಿಧಾನಗಳನ್ನು ಅಧ್ಯಯನ ಮಾಡಿ ಭಾರತಕ್ಕೆ ಸೂಕ್ತ ಆಗುವಂಥ ಸಂವಿಧಾನವನ್ನು ರಚಿಸಲು ಅವರಿಗೆ ತಿಳಿಸಲಾಗಿತ್ತು. ಅದರಂತೆ ರಾವ್‌ ಅವರು ಸುದೀರ್ಘ ಅಧ್ಯಯನ ನಡೆಸಿ ಕರಡನ್ನು ತಯಾರಿಸಿದರು.
ಅದರಲ್ಲಿ 243 ಪರಿಚ್ಛೇದ(ಆರ್ಟಿಕಲ್‌) ಮತ್ತು 13 ಶೆಡ್ಯೂಲ್ ಇದ್ದುವು. ಡಾ.ಬಿ.ಆರ್‌.ಅಂಬೇಡ್ಕರ್‌ ಅವರು 1947ರಲ್ಲಿ ಕರಡು ಸಮಿತಿಯ ಅಧ್ಯಕ್ಷರಾದ ಮೇಲೆ ಕರಡು ಪ್ರತಿಗಳನ್ನು ತಿದ್ದಿ ತೀಡಿ 395 ಪರಿಚ್ಛೇದ ಮತ್ತು 8 ಶೆಡ್ಯೂಲ್ ರೂಪಿಸಿದರು. ರಾವ್‌ ಅವರು ಕರಡು ಪ್ರತಿ ಸಿದ್ಧಪಡಿಸಲು ಒಂದು ರೂಪಾಯಿ
ಯನ್ನೂ ಪಡೆಯಲಿಲ್ಲ ಎನ್ನುತ್ತದೆ ದಾಖಲೆ. ರಾವ್‌ ಅವರ ಈ ಕೊಡುಗೆ ಬಗ್ಗೆ ಸ್ವತಃ ಅಂಬೇಡ್ಕರ್‌ ಅವರೇ ಭಾಷಣಗಳಲ್ಲಿ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.
