ಕೈರೊ: ದಕ್ಷಿಣ ಈಜಿಪ್ಟ್‌ನಲ್ಲಿ ಕ್ರಿಶ್ಚಿಯನ್ನರನ್ನು ಗುರಿಯಾಗಿರಿಸಿ ಬಸ್‌ವೊಂದರ ಮೇಲೆ ನಡೆದಿದ್ದ ದಾಳಿಯ ಹೊಣೆಯನ್ನು ಐಸಿಸ್‌ ಉಗ್ರ ಸಂಘಟನೆ ಹೊತ್ತುಕೊಂಡಿದೆ.
ಶುಕ್ರವಾರ ಕ್ರಿಶ್ಚಿಯನ್ನರಿದ್ದ ಬಸ್‌ ಮೇಲೆ ಮುಸುಕುಧಾರಿಗಳ ಗುಂಪು ಏಕಾಏಕಿ ಗುಂಡಿನ ದಾಳಿ ನಡೆಸಿತ್ತು. ಘಟನೆಯಲ್ಲಿ 29ಮಂದಿ ಸಾವಿಗೀಡಾಗಿದ್ದಾರೆ ಎಂದು ಈಜಿಪ್ಟ್‌ ಪ್ರಧಾನ ಮಂತ್ರಿ ನಿನ್ನೆ ಹೇಳಿಕೆ ನೀಡಿದ್ದರು.
‘ಕ್ರಿಶ್ಚಿಯನ್ನರ ಮೇಲೆ ದಾಳಿ ಮಾಡುವುದು ನಮ್ಮ ಉದ್ದೇಶವಾಗಿತ್ತು. ಬಸ್‌ನಲ್ಲಿದ್ದ 31ಮಂದಿ ಈಜಿಪ್ಟ್‌ ಕ್ರಿಶ್ಚಿಯನ್ನರನ್ನು ಹತ್ಯೆ ಮಾಡುವ ಸಲುವಾಗಿ ಈ ದಾಳಿ ಸಂಘಟಿಸಿದ್ದೆವು’ ಎಂದು ಸಹ ಸಂಘಟನೆ ಹೇಳಿಕೊಂಡಿದೆ.
