ಪ್ರಮೋಟರ್ ಅಪಹರಣ: ನಿರ್ದೇಶಕರ ಸೆರೆ

ಆರೋಪಿಗಳು

ಅಪಹರಿಸಿ ಥಳಿತ: ‘ಮೇ 24ರ ಮಧ್ಯಾಹ್ನ ಪರಮೇಶ್‌ಗೆ ಕರೆ ಮಾಡಿದ್ದ ಚಲಪತಿ, ‘ನಾನು ವೇಗ ಎಂಬ ಸಿನಿಮಾ ಮಾಡುತ್ತಿದ್ದೇನೆ. ಅದರ ಪ್ರಚಾರ ಕೆಲಸವನ್ನು ನೀನೇ ಮಾಡು. ಈ ಬಗ್ಗೆ ಮಾತನಾಡಬೇಕು. ತಕ್ಷಣ ಬಸವೇಶ್ವರನಗರ 8ನೇ ಮುಖ್ಯರಸ್ತೆಯ ಗಣೇಶ ದೇವಸ್ಥಾನದ ಬಳಿ ಬಾ’ ಎಂದಿದ್ದರು. ಅಂತೆಯೇ ಅಲ್ಲಿಗೆ ತೆರಳಿದ್ದ ಅವರನ್ನು ಐದೂ ಮಂದಿ ಕಾರಿನಲ್ಲಿ ಅಪಹರಿಸಿದ್ದರು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಮದನ್ ಅವರ ತೋಟದ ಮನೆಗೆ ಕರೆದೊಯ್ದ ಆರೋಪಿಗಳು, ಅವರನ್ನು 2 ದಿನ ಅಕ್ರಮ ಬಂಧನದಲ್ಲಿರಿಸಿದ್ದರು. ಈ  ಅವಧಿಯಲ್ಲಿ ಕ್ರಿಕೆಟ್ ಬ್ಯಾಟ್, ವಿಕೆಟ್ ಹಾಗೂ ಬೆಲ್ಟ್‌ನಿಂದ ಮನಸೋ ಇಚ್ಛೇ ಹಲ್ಲೆ ನಡೆಸಿದ್ದರು.

ಮೇ 26ರ ಮಧ್ಯಾಹ್ನ 12 ಗಂಟೆ ಸುಮಾರಿಗೆ ಪರಮೇಶ್ ತಂದೆ ಗುರುಸಿದ್ದಯ್ಯ ಅವರಿಗೆ ಕರೆ ಮಾಡಿದ್ದ ಆರೋಪಿಗಳು, ‘ನಿಮ್ಮ ಮಗನನ್ನು ಅಪಹರಿಸಿದ್ದೇವೆ. ₹ 8 ಲಕ್ಷ ತೆಗೆದುಕೊಂಡು ಸಂಜೆಯೊಳಗೆ ಹೆಬ್ಬಾಳಕ್ಕೆ ಬನ್ನಿ. ಇಲ್ಲದಿದ್ದರೆ ಮಗ ಜೀವಂತವಾಗಿ ಇರುವುದಿಲ್ಲ’ ಎಂದಿದ್ದರು. ಇದರಿಂದ ಕಂಗಾಲದ ತಂದೆ, ಸಂಬಂಧಿ ಶಂಕರ್ ಜತೆ ಮಧ್ಯಾಹ್ನ 2 ಗಂಟೆಗೆ ಠಾಣೆಯ ಮೆಟ್ಟಿಲೇರಿದ್ದರು.

ತನಿಖೆ ಪ್ರಾರಂಭ: ಮೊಬೈಲ್ ಕರೆ ವಿವರ (ಸಿಡಿಆರ್) ಆಧರಿಸಿ ಪೊಲೀಸರ ಒಂದು ತಂಡ ಅಪಹರಣಾಕಾರರ ಪತ್ತೆ ಕಾರ್ಯದಲ್ಲಿ ತೊಡಗಿತ್ತು. ಮತ್ತೊಂದು ತಂಡ ಫಿರ್ಯಾದಿದಾರರ ಜತೆ ಮಫ್ತಿಯಲ್ಲಿ ಸಂಜೆ 4 ಗಂಟೆಗೆ ಹೆಬ್ಬಾಳಕ್ಕೆ ತೆರಳಿತ್ತು. ಅಲ್ಲಿಗೆ ಹೋಗಿ ಆರೋಪಿಗಳಿಗೆ ಕರೆ ಮಾಡಿದರೆ, ಸಾದರಹಳ್ಳಿ ಗೇಟ್ ಬಳಿ ಬರುವಂತೆ ಹೇಳಿದ್ದರು. ಅದರಂತೆ ತಂಡ ಅಲ್ಲಿಗೆ ಹೋಯಿತು. ಮತ್ತೆ ಸ್ಥಳ ಬದಲಿಸಿದ ಅಪಹರಣಕಾರರು, ಕನ್ನಮಂಗಲ ಗೇಟ್ ಬಳಿ ಕಾಯುತ್ತಿರುವುದಾಗಿ ತಿಳಿಸಿದ್ದರು.

ಇತ್ತ ಸಿಡಿಆರ್ ಆಧರಿಸಿ ಕಾರ್ಯಾಚರಣೆಗೆ ಇಳಿದಿದ್ದ ಇನ್ನೊಂದು ತಂಡ, ಸಂಜೆ 6 ಗಂಟೆ ಸುಮಾರಿಗೆ ತೋಟದ ಮನೆಯಲ್ಲೇ ಮೂರು ಮಂದಿಯನ್ನು ವಶಕ್ಕೆ ಪಡೆಯಿತು. ಇನ್ನಿಬ್ಬರನ್ನು ದೇವನಹಳ್ಳಿಯ ಕಾಡಯರ್ರಪ್ಪನಹಳ್ಳಿಯಲ್ಲಿ ಬಂಧಿಸಿದ ಮಫ್ತಿಯಲ್ಲಿದ್ದ ತಂಡ, ಪರಮೇಶ್ ಅವರನ್ನು ರಕ್ಷಿಸುವ ಮೂಲಕ ಪ್ರಕರಣ ಸುಖಾಂತ್ಯಗೊಳಿಸಿತು.
*
ಹಲ್ಲೆಯಿಂದ ಗಾಯಗೊಂಡಿರುವ ಪರಮೇಶ್‌ಗೆ 2 ದಿನ ವಿಶ್ರಾಂತಿ ಬೇಕೆಂದು ವೈದ್ಯರು ಹೇಳಿದ್ದಾರೆ. ಹೀಗಾಗಿ, ಅವರ ಹೇಳಿಕೆ ಪಡೆದಿಲ್ಲ. ಹೆಚ್ಚಿನ ವಿಚಾರಣೆಗಾಗಿ ಬಂಧಿತರನ್ನು ಕಸ್ಟಡಿಗೆ ಪಡೆದಿದ್ದೇವೆ.
ತನಿಖಾಧಿಕಾರಿ