ನುಗ್ಗೆಸೊಪ್ಪಿನಲ್ಲಿ ವಿಟಮಿನ್ ಸಿ ಮತ್ತು ಕಬ್ಬಿಣ ಅಂಶವಿರುವುದರಿಂದ ಇದು ಚರ್ಮದ ಆರೈಕೆಯನ್ನು ಮಾಡಿ, ಜೀವಕೋಶಕ್ಕೆ ಪೋಷಕಾಂಶಗಳನ್ನು ನೀಡುತ್ತದೆ.
*ಪ್ರತಿದಿನ ಮಲಗುವ ಮುನ್ನ ನುಗ್ಗೆ ಸೊಪ್ಪಿನ ರಸದೊಂದಿಗೆ ನಿಂಬೆಹಣ್ಣಿನ ರಸ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ. 20 ನಿಮಿಷದ ನಂತರ ತಣ್ಣೀರಿನಿಂದ ತೊಳೆಯಿರಿ. ಇದು ಚರ್ಮದ ಬಣ್ಣವನ್ನು ತಿಳಿಯಾಗಿಸುತ್ತದೆ.
*ನುಗ್ಗೆ ಸೊಪ್ಪಿನ ರಸ ಲೋಳೆಸರ (ಅಲೋವೆರಾ) ಸಮಪ್ರಮಾಣದಲ್ಲಿ ಮಿಶ್ರಣ ಮಾಡಿ ಹಚ್ಚಿ ಇದು ಚರ್ಮದಲ್ಲಿನ ನರಿಗೆ ಕಡಿಮೆ ಮಾಡುತ್ತದೆ.
*ಸೌತೆಕಾಯಿ ರಸದೊಂದಿಗೆ ನುಗ್ಗೆಸೊಪ್ಪಿನ ರಸ ಮಿಶ್ರಣ ಮಾಡಿ ಹಚ್ಚಿದರೆ ಕಲೆಗಳು ನಿವಾರಣೆಯಾಗುತ್ತವೆ.
*ನುಗ್ಗೆ ಸೊಪ್ಪಿನ ರಸದೊಂದಿಗೆ ಕ್ಯಾರೆಟ್ ರಸ ಸೇರಿಸಿ ಹಚ್ಚಿದರೆ ಬಿಸಿಲಿನಿಂದ ಕಪ್ಪಾದ ಚರ್ಮ ತಿಳಿಯಾಗುತ್ತದೆ.
*ಒಂದು ಚಮಚ ನುಗ್ಗೆ ಸೊಪ್ಪಿನ ರಸ, ಒಂದು ಚಮಚ ಮೊಸರು, ಒಂದು ಚಮಚ ಅಕ್ಕಿ ಹಿಟ್ಟಿನ ಪುಡಿ ಮಿಶ್ರಣ ಮಾಡಿ ಒರಟಾದ ಚರ್ಮವನ್ನು ಸ್ಕ್ರಬ್ ಮಾಡಿದರೆ ಚರ್ಮ ನುಣುಪಾಗುತ್ತದೆ.
*ಪ್ರತಿದಿನ ಮಲಗುವ ಮುನ್ನ ಮುಖಕ್ಕೆ ನುಗ್ಗೆ ಸೊಪ್ಪಿನ ರಸ, ಗುಲಾಬಿ ಜಲವನ್ನು ಮುಖಕ್ಕೆ ಹಚ್ಚಿ ಬೆಳಿಗ್ಗೆ ತಣ್ಣೀರಿನಲ್ಲಿ ತೊಳೆಯಿರಿ.
