700 ವಿದ್ಯಾರ್ಥಿಗಳಿರುವ ಶಾಲೆಯಲ್ಲಿ ದೈಹಿಕ ಶಿಕ್ಷಕರೇ ಇಲ್ಲ !

ಚಿಕ್ಕಬಾಣಾವರದ ಮಾದರಿ ಪ್ರಾಥಮಿಕ ಶಾಲೆಯ ಪರಿಸ್ಥಿತಿ ಇದು.

ಒಂದರಿಂದ ಏಳನೇಯ ತರಗತಿಯ ತನಕ ಶಿಕ್ಷಣ ನೀಡುತ್ತಿರುವ ಇಲ್ಲಿನ ದೈಹಿಕ ಶಿಕ್ಷಣ ಶಿಕ್ಷಕರನ್ನು ಎರಡು ವರ್ಷಗಳ ಹಿಂದೆ ವರ್ಗಾವಣೆ ಮಾಡಲಾಗಿದೆ. ಇದುವರೆಗೂ ಹೊಸ ಶಿಕ್ಷಕರನ್ನು ನೇಮಿಸಿಲ್ಲ. ಹಾಗಾಗಿ ಈ ಶಾಲೆಯಲ್ಲಿ ಕ್ರೀಡಾ ಚಟುವಟಿಕೆ ಬಹುತೇಕ ಸ್ಥಗಿತವಾಗಿದೆ.

‘ಈ ಭಾಗದಲ್ಲಿರುವ ಏಕೈಕ ಶಾಲೆ ಇದಾಗಿದೆ. ಕೆಂಪಾಪುರ, ದ್ವಾರಕಾ ನಗರ, ಮಾರುತಿ ನಗರಗಳ ವಿದ್ಯಾರ್ಥಿಗಳು ಇಲ್ಲಿ ಕಲಿಯುತ್ತಾರೆ. ಶಾಲೆಯಲ್ಲಿರುವ ಕೇರಂ, ಫುಟ್‌ಬಾಲ್, ಕ್ರಿಕೆಟ್, ಡಿಸ್ಕ್‌ ಥ್ರೋ ಕ್ರೀಡಾ ಸಾಮಗ್ರಿಗಳು ಮೂಲೆಗುಂಪಾಗಿವೆ.   ಸರ್ಕಾರ ಈ ವರ್ಷವಾದರೂ ಶಿಕ್ಷಕರನ್ನು ನೇಮಿಸಬೇಕು’ ಎಂದು ವಿದ್ಯಾರ್ಥಿಗಳ ಪೋಷಕರು  ಒತ್ತಾಯಿಸಿದ್ದಾರೆ.