ಸಲ್ಮಾನ್ ಖಾನ್ ಹೇಳಿಕೆ ಕುರಿತು ಹಲವರು ಅಸಮಾಧಾನ ವ್ಯಕ್ತಪಡಿಸಿದ್ದರು. ಈ ಕುರಿತು ‘ಟ್ಯೂಬ್ಲೈಟ್’ ನಿರ್ದೇಶಕ ಕಬೀರ್ ಖಾನ್ ಮಾತನಾಡಿ, ‘ಸಾರ್ವಜನಿಕರು ವದಂತಿಗಳಿಗೆ ಹೆಚ್ಚು ಮಹತ್ವ ನೀಡುತ್ತಾರೆ. ಒಂದು ವಿಚಾರದ ಬಗ್ಗೆ ಇತರರು ಏನಾದರೂ ಹೇಳಿದರೆ ಅದನ್ನು ವಿವೇಚನೆಯಿಂದ ಪರಿಶೀಲಿಸದೆ ಏಕಾಏಕಿ ಕಿರುಚಾಡುವುದು ಸರಿಯಲ್ಲ. ಅವರ ವಿಚಾರದಲ್ಲಿರುವ ಗಟ್ಟಿತನವನ್ನು ಅರ್ಥ ಮಾಡಿಕೊಳ್ಳಬೇಕು’ ಎಂದು ಹೇಳುವ ಮೂಲಕ ಸಲ್ಮಾನ್ ಖಾನ್ ಅವರ ಅಭಿಪ್ರಾಯ ಸರಿಯಾಗಿದೆ ಎಂದು ಬೆಂಬಲ ಸೂಚಿಸಿದ್ದಾರೆ.