ಮೇಕ್‌ ಇನ್‌ ಇಂಡಿಯಾ

ದೇಶದಲ್ಲಿ ಎಫ್‌–16 ಯುದ್ಧ ವಿಮಾನ ಉತ್ಪಾದನೆಗೆ ಅಮೆರಿಕ ಸಂಸ್ಥೆಯ ಒಪ್ಪಂದ

ದೇಶದ ವಾಯುಪಡೆಯ ಹಳೆಯ ಯುದ್ಧ ವಿಮಾನಗಳನ್ನು ಬದಲಿಸಲು ಮುಂದಾಗಿದ್ದು, ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿರುವ ನೂರಾರು ವಿಮಾನಗಳ ಅಗತ್ಯವಿದೆ.

ದೇಶದಲ್ಲಿ ಎಫ್‌–16 ಯುದ್ಧ ವಿಮಾನ ಉತ್ಪಾದನೆಗೆ ಅಮೆರಿಕ ಸಂಸ್ಥೆಯ ಒಪ್ಪಂದ

ಲಂಡನ್‌: ಭಾರತದಲ್ಲಿ ಅತ್ಯಾಧುನಿಕ ಎಫ್‌–16 ಬ್ಲಾಕ್‌ 70 ಯುದ್ಧವಿಮಾನಗಳನ್ನು ಜಂಟಿಯಾಗಿ ತಯಾರಿಸುವ ಸಂಬಂಧ ಟಾಟಾ ಸಮೂಹ ಮತ್ತು ಅಮೆರಿಕದ ವೈಮಾಂತರಿಕ್ಷ ದೈತ್ಯ ಸಂಸ್ಥೆ ಲಾಕ್‌ಹೀಡ್‌ ಮಾರ್ಟಿನ್‌ ಏರೋನಾಟಿಕ್ಸ್‌ ಸೋಮವಾರ ಒಪ್ಪಂದ ಮಾಡಿಕೊಂಡಿವೆ.

ಪ್ರಧಾನಿ ನರೇಂದ್ರ ಮೋದಿ  ಅವರು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರನ್ನು ಮೊದಲ ಬಾರಿಗೆ ಭೇಟಿಯಾಗುವುದಕ್ಕೂ ಮೊದಲು ಈ ಒಪ್ಪಂದಕ್ಕೆ ಸಹಿ ಬಿದ್ದಿದೆ.

ಪ್ಯಾರಿಸ್‌ ಏರ್‌ಷೋನಲ್ಲಿ ಟಾಟಾ ಅಡ್ವಾನ್ಸ್ಡ್‌ ಸಿಸ್ಟಮ್ಸ್‌ ಲಿಮಿಟೆಡ್‌ (ಟಿಎಎಸ್‌ಎಲ್‌) ಮತ್ತು ಲಾಕ್‌ಹೀಡ್‌ ಮಾರ್ಟಿನ್‌ ಸಂಸ್ಥೆಗಳು ಈ ಒಪ್ಪಂದದ ಘೋಷಣೆ ಮಾಡಿವೆ.
ಇದು ಮೋದಿ ಸರ್ಕಾರದ ಮಹತ್ವಾಕಾಂಕ್ಷೆಯ ‘ಭಾರತದಲ್ಲೇ ತಯಾರಿಸಿ’ ಯೋಜನೆಗೆ ಉತ್ತೇಜನ ನೀಡಲಿದೆ.

ಈ ಒಪ್ಪಂದದ ಅಡಿಯಲ್ಲಿ ಲಾಕ್‌ ಹೀಡ್‌ ಸಂಸ್ಥೆ ಟೆಕ್ಸಾಸ್‌ನಲ್ಲಿರುವ ತನ್ನ ವಿಮಾನ ತಯಾರಿಕಾ ಘಟಕವನ್ನು ಭಾರತಕ್ಕೆ ಸ್ಥಳಾಂತರಿಸಲಿದೆ. ಇದರಿಂದ ಅಮೆರಿಕದ ಉದ್ಯೋಗಗಳ ಮೇಲೆ ನೇರ ಪರಿಣಾಮ ಬೀರುವುದಿಲ್ಲ ಎಂದು ಹೇಳಲಾಗಿದೆ.

ರಕ್ಷಣಾ ತಂತ್ರಜ್ಞರ ಪ್ರಕಾರ ಭಾರತೀಯ ವಾಯುಸೇನೆಗೆ ಮಧ್ಯಮ ತೂಕದ ವಿಭಾಗದಲ್ಲಿ 200 ಯುದ್ಧವಿಮಾನಗಳ ಅಗತ್ಯವಿದೆ. ಈಗ ನಡೆದಿರುವ ಒಪ್ಪಂದವು ವಾಯುಪಡೆಗೆ ಬೇಕಾಗಿರುವ ಒಂದು ಎಂಜಿನ್ನಿನ  ಯುದ್ಧವಿಮಾನಗಳ ಬೇಡಿಕೆಗೆ ಅನುಗುಣವಾಗಿಯೇ ಇದೆ.

ಟಿಎಎಸ್‌ಎಲ್‌ನ ಸಿಇಒ ಸುಖರಣ್‌ ಸಿಂಗ್‌ ಮತ್ತು ಲಾಕ್‌ಹೀಡ್‌ ಮಾರ್ಟಿನ್‌ ಏರೋನಾಟಿಕ್ಸ್‌ನ ಕಾರ್ಯತಂತ್ರ ಮತ್ತು ವ್ಯಾಪಾರ ಅಭಿವೃದ್ಧಿ ವಿಭಾಗದ ಉಪಾಧ್ಯಕ್ಷ ಜಾರ್ಜ್‌ ಸ್ಟ್ಯಾಂಡ್ರಿಜ್‌ ಒಪ್ಪಂದಕ್ಕೆ ಸಹಿ ಹಾಕಿದರು. ಟಾಟಾ ಸನ್ಸ್‌ನ ನಿವೃತ್ತ ಗೌರವ ಅಧ್ಯಕ್ಷ ರತನ್‌ ಟಾಟಾ, ಲಾಕ್‌ಹೀಡ್‌ ಮಾರ್ಟಿನ್‌ನ ಕಾರ್ಯನಿರ್ವಾಹಕ ಉಪಾಧ್ಯಕ್ಷ ಓರ್ಲಾಂಡೊ ಕಾರ್ವಾಲೋ ಈ ಸಂದರ್ಭದಲ್ಲಿ ಇದ್ದರು.

ಭಾರತಕ್ಕೆ ಏನು ಲಾಭ?: ಜಗತ್ತಿನ ಅತ್ಯಂತ ದೊಡ್ಡ ರಕ್ಷಣಾ ಗುತ್ತಿಗೆದಾರ ಸಂಸ್ಥೆಯೊಂದಿಗೆ ನಡೆದಿರುವ ಈ ಒಪ್ಪಂದವು, ಅತ್ಯಾಧುನಿಕ, ಬಹು ಪಾತ್ರ ನಿರ್ವಹಿಸುವ ಮತ್ತು ಯುದ್ಧ ರಂಗದಲ್ಲಿ ಈಗಾಗಲೇ ಸಾಮರ್ಥ್ಯ ಸಾಬೀತು ಪಡಿಸಿರುವ ‘ಎಫ್‌–16 ಬ್ಲಾಕ್‌ 70’ ಯುದ್ಧವಿಮಾನಗಳ ತಯಾರಿಕೆ, ನಿರ್ವಹಣೆ ಹಾಗೂ ರಫ್ತು ಮಾಡುವ ಅವಕಾಶವನ್ನು ಭಾರತಕ್ಕೆ ನೀಡಲಿದೆ ಎಂದು ಟಾಟಾ ಕಂಪೆನಿ ಹೇಳಿಕೊಂಡಿದೆ.

**

ಎಫ್‌–16 ಹೆಗ್ಗಳಿಕೆ
* ಲಾಕ್‌ಹೀಡ್‌ ಮಾರ್ಟಿನ್‌ ಏರೋನಾಟಿಕ್ಸ್‌, ಇದುವರೆಗೆ 4,500 ಎಫ್‌–16 ಯುದ್ಧಮಾನಗಳನ್ನು ತಯಾರಿಸಿದೆ
* ಸದ್ಯ, 26 ರಾಷ್ಟ್ರಗಳಲ್ಲಿ 3,200 ಯುದ್ಧವಿಮಾನಗಳು ಕಾರ್ಯ ನಿರ್ವಹಿಸುತ್ತಿವೆ
* ಈವರೆಗೆ ನಿರ್ಮಿಸಲಾಗಿರುವ ಜಗತ್ತಿನ ಅತ್ಯಂತ ಯಶಸ್ವಿ, ಬಹುಪಾತ್ರ ನಿರ್ವಹಿಸುವ ಸಾಮರ್ಥ್ಯದ ಯುದ್ಧವಿಮಾನ

Comments
ಈ ವಿಭಾಗದಿಂದ ಇನ್ನಷ್ಟು
ಟೊರೊಂಟೊದಲ್ಲಿರುವ ಹಿಂದೂ ದೇಗುಲದಲ್ಲಿ ಪೂಜೆ ನೆರವೇರಿಸಿದ ಕೆನಡಾ ಪ್ರಧಾನಿ ಜಸ್ಟಿನ್‌ ಟ್ರುಡೇಯು

ದೇಸಿ ದಿರಿಸಿನಲ್ಲಿ ಕೆನಡಾ ಪ್ರಧಾನಿ
ಟೊರೊಂಟೊದಲ್ಲಿರುವ ಹಿಂದೂ ದೇಗುಲದಲ್ಲಿ ಪೂಜೆ ನೆರವೇರಿಸಿದ ಕೆನಡಾ ಪ್ರಧಾನಿ ಜಸ್ಟಿನ್‌ ಟ್ರುಡೇಯು

23 Jul, 2017
173 ಆತ್ಮಹತ್ಯಾ ಬಾಂಬರ್‌ಗಳ ಪಟ್ಟಿ ಬಿಡುಗಡೆ

‘ಗಾರ್ಡಿಯನ್‌’ ವರದಿ
173 ಆತ್ಮಹತ್ಯಾ ಬಾಂಬರ್‌ಗಳ ಪಟ್ಟಿ ಬಿಡುಗಡೆ

23 Jul, 2017

ಸಂಶೋಧಕರ ತಂಡದಿಂದ ಅಭಿವೃದ್ಧಿ
ನಡೆದಾಡಿದರೆ ಮೊಬೈಲ್‌ ಚಾರ್ಜ್‌!

‘ಬ್ಯಾಟರಿ ತಂತ್ರಜ್ಞಾನ ಮತ್ತು ಕಪ್ಪು ರಂಜಕದಿಂದ ನಿರ್ಮಿಸಿರುವ ಅತಿ ತೆಳುವಾದ ಪದರಗಳನ್ನು ಬಳಸಿರುವ ಈ ಉಪಕರಣವು ಮನುಷ್ಯರು ನಡೆದಾಡಿದಾಗ, ಬಾಗಿದಾಗ ಸಣ್ಣ ಪ್ರಮಾಣದಲ್ಲಿ ವಿದ್ಯುತ್‌...

23 Jul, 2017
ಬ್ರಿಟನ್: ಉನ್ನತ ಹುದ್ದೆಗೆ ಸಿಖ್ ನ್ಯಾಯಾಧೀಶ ನೇಮಕ

ಲಂಡನ್
ಬ್ರಿಟನ್: ಉನ್ನತ ಹುದ್ದೆಗೆ ಸಿಖ್ ನ್ಯಾಯಾಧೀಶ ನೇಮಕ

23 Jul, 2017

ಭಾರತ –ಚೀನಾ
‘ನೇರ ಮಾತುಕತೆಯೇ ಪರಿಹಾರ’

ಕಳೆದೊಂದು ವಾರದಿಂದ ಅಮೆರಿಕ ರಕ್ಷಣಾ ಇಲಾಖೆಯೂ ಇದೇ ಧಾಟಿಯಲ್ಲಿ ಹಲವು ಸಲ ಹೇಳಿಕೆಗಳನ್ನು ನೀಡಿವೆ. ಎರಡು ರಾಷ್ಟ್ರಗಳ ನಡುವಿನ ಉದ್ವಿಗ್ನತೆ ಕೊನೆಗೊಳಿಸಲು ನೇರ ಮಾತುಕತೆಯನ್ನು...

23 Jul, 2017