ಉಪ ನಿರ್ದೇಶಕಿ ವಿರುದ್ಧ ತನಿಖೆ: ದಸಂಸ ಆಗ್ರಹ

‘ಇಲಾಖೆಯ ಉಪನಿರ್ದೇಶಕರು ಹಾಗೂ ಕೆಲ ಅಧಿಕಾರಿಗಳು ಅವ್ಯವಹಾರ ದಲ್ಲಿ ತೊಡಗಿದ್ದಾರೆ. ವಿದ್ಯಾರ್ಥಿ ವೇತನ ಹಾಗೂ ಆಹಾರ ನಿರ್ವಹಣೆಯಲ್ಲೂ ಸುಳ್ಳು ಬಿಲ್ಲು ಸೃಷ್ಟಿಸಿ ಹಣ ದೋಚು ತ್ತಿದ್ದು, ವಾರ್ಡನ್‌ಗಳ ಗಮನಕ್ಕಿಲ್ಲದೆ ವಸತಿ ನಿಲಯಗಳ ಹಣ ಲೂಟಿ ಮಾಡಲಾಗಿದೆ. ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನ ನೀಡದೆ ಅನ್ಯಾಯ ಮಾಡಲಾಗಿದೆ’ ಎಂದು  ಅವರು ದೂರಿದ್ದಾರೆ.

‘ನಿವೇಶನ ಹೆಸರಿನಲ್ಲಿ ಕಟ್ಟಡವನ್ನು ₹1.60 ಕೋಟಿಗೆ ಖರೀದಿ ಮಾಡಲಾಗಿದ್ದು, ಜಿಲ್ಲಾಧಿಕಾರಿ ವಿಚಾರಿಸಿದ್ದರಿಂದ ವಿಷಯ ಬಯಲಾಗಿದೆ. ಜಿಲ್ಲಾಧಿಕಾರಿ ವರದಿ ಆಧಾರದಲ್ಲಿ ತಾಲ್ಲೂಕು ಅಧಿಕಾರಿ ಅಮಾನತುಗೊಂಡಿದ್ದಾರೆ. ಮೇಲ್ವಿಚಾರಕ ದೇವರಾಜ ಕ್ಯಾಷ್‌ ಪುಸ್ತಕ ಬರೆಯದೆ ಸುಳ್ಳು ಬಿಲ್‌ ಮಾಡಿ ಅವ್ಯವಹಾರ ನಡೆಸಿದ್ದಾರೆ.

ಆದರೆ, ಸೇವಾ ಹಿರಿತನ ಹಾಗೂ ಜೇಷ್ಠತೆ ಪರಿಗಣಿಸದೆ ತಾಲ್ಲೂಕು ಅಧಿಕಾರಿಯಾಗಿ ನಿಯುಕ್ತಿಗೊಳಿಸಲಾಗಿದೆ’ ಎಂದ ಅವರು ಆಪಾದಿಸಿದ್ದಾರೆ. ಅವ್ಯವಹಾರದಲ್ಲಿ ತೊಡಗಿರುವ ದೇವರಾಜ ಹಾಗೂ ಜಯಮ್ಮ ವಿರುದ್ಧವೂ ತನಿಖೆ ನಡೆಸಬೇಕು ಎಂದು ಕೋರಿದ್ದಾರೆ.