ಬಾಸ್ಕೆಟ್‌ಬಾಲ್‌, ವಾಲಿಬಾಲ್‌ಗಳನ್ನು ಕೈಬೆರಳಿನ ಮೇಲೆ ತಿರುಗಿಸುವುದನ್ನು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ಯುವಕ ಬಾಯಲ್ಲಿ ಟೂತ್‌ಬ್ರಶ್‌ ಇಟ್ಟುಕೊಂಡು ಅದರ ತುದಿಯಲ್ಲಿ ಬಾಸ್ಕೆಟ್‌ಬಾಲ್‌ ಇರಿಸಿ ಗಿರಗಿರ ತಿರುಗಿಸಿ ಗಿನ್ನೆಸ್‌ ವಿಶ್ವದಾಖಲೆ ಮಾಡಿದ್ದಾನೆ.
ಪಂಜಾಬ್‌ನ ಸಂದೀಪ್‌ ಸಿಂಗ್‌ ಈ ದಾಖಲೆ ಮಾಡಿದವರು. ಈಗಿನ್ನೂ 25ರ ಹರೆಯಲ್ಲಿರುವ ಅವರು ಊರ ಜನರ ಎದುರು 53 ಸೆಕೆಂಡ್‌ಗಳ ಕಾಲ ಬಾಲ್ ತಿರುಗಿಸಿದರು. ಈ ಮುಂಚೆ ಭಾರತದ ಮೊಹನಿಶ್ ನಿಖಂ ಅವರು 46.16 ಸೆಕೆಂಡ್‌ ಬಾಲ್ ತಿರುಗಿಸಿದ್ದು ದಾಖಲೆಯಾಗಿತ್ತು.
ಸಂದೀಪ್‌ ಅವರು ಮೊದಲು ಬೆರಳಲ್ಲಿ ಬಾಲ್ ತಿರುಗಿಸಿ, ನಂತರ ಬ್ರಶ್‌ ಮೇಲೆ ಬಿಡುತ್ತಾರೆ. ಆ ಟೂತ್‌ಬ್ರಶ್‌ಅನ್ನು ಬಾಯಲ್ಲಿಟ್ಟುಕೊಳ್ಳುತ್ತಾರೆ.
