ವಿಮೆ ಹಣ ಜಮೆಗೆ ರೈತರ ಆಗ್ರಹ

‘ವೆಬ್‌ಸೈಟ್‌ನಲ್ಲಿ ಹತ್ತಿ ಹಾಗೂ ಮೆಣಸಿನಕಾಯಿ ಬೆಳೆಗೆ ಇಂತಿಷ್ಟು ವಿಮೆ ಹಣ ಮಂಜೂರಾತಿ ಪಡೆದಿದೆ ಎಂದು ತೋರಿಸಲಾಗುತ್ತಿದೆ. ಇದರ ಪ್ರತಿ ಹಿಡಿದು ಆಯಾ ಬ್ಯಾಂಕುಗಳಿಗೆ ತೆರಳಿದರೆ ನಿಮ್ಮ ಖಾತೆಗೆ ಹಣ ಜಮೆ ಆಗಿಲ್ಲ ಕೃಷಿ ಇಲಾಖೆ ಆಧಿಕಾರಿಗಳನ್ನು ಕೇಳಿ ಎನ್ನುತ್ತಿದ್ದಾರೆ’ ಎಂದು ತಾಲ್ಲೂಕಿನ ರೈತರು ದೂರಿದರು.

‘ಕೃಷಿ ಇಲಾಖೆಯ ಅಧಿಕಾರಿಗಳನ್ನು ಕೇಳಿದರೆ ನಿಮ್ಮ ಹಣ ಟಾಟಾ ವಿಮೆ ಕಂಪೆನಿಯವರು ಜಮೆ ಮಾಡುತ್ತಾರೆ. ಈಗಾಗಲೇ ಅವರಿಗೆ ಬೇಗ ಜಮೆ ಮಾಡುವಂತೆ ತಿಳಿಸಿದ್ದೇವೆ ಎಂದು ಅಧಿಕಾರಿಗಳು ಹೇಳುತ್ತಾರೆ. ಕಂಪೆನಿ ಎಲ್ಲಿದೆ ಎಂಬ ಮಾಹಿತಿಯೂ ಇಲಾಖೆ ಬಳಿ ಇಲ್ಲ’ ಎಂದು ರೈತರು ಅಸಮಾಧಾನ ವ್ಯಕ್ತಪಡಿಸಿದರು.