‘ಸಿ.ಟಿ.ರವಿ ಅನುಕೂಲಸಿಂಧು ರಾಜಕಾರಣಿ’

‘ಗೃಹ ಸಚಿವರೂ ಆಗಿದ್ದ ಪರ ಮೇಶ್ವರ ಅವರೊಂದಿಗೆ ರವಿ ಸಲುಗೆಯಿಂದ ಇದ್ದರು. ಅವರ ಕಾರ್ಯವೈಖರಿ ಬಗ್ಗೆ ಹಲವು ಬಾರಿ ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿದ್ದರು. ಆಗ ಪರಮೇಶ್ವರ ಅವರನ್ನು ಹೊಗಳಿ, ಈಗ ಟೀಕಿಸುವ ಮೂಲಕ ಅನುಕೂಲಸಿಂಧು ರಾಜಕಾರಣ ಮಾಡುತ್ತಿದ್ದಾರೆ’ ಎಂದು ಪತ್ರಿಕಾಗೋಷ್ಠಿಯಲ್ಲಿ ಕಟಕಿಯಾಡಿದರು.

‘ಪರಮೇಶ್ವರ್‌ ಅವರು ಸರಿಯಾಗಿ ಹೊಣೆಗಾರಿಕೆಯನ್ನು ನಿಭಾಯಿಸಿಲ್ಲ ಎಂದು  ಟೀಕಿಸಿದ್ದಾರೆ. ಆಗ ಮಾತನಾ ಡದೆ, ಈಗ ಹೇಳಿಕೆ ನೀಡುತ್ತಿರುವುದು ಖಂಡನೀಯ. ಆಗ ರವಿ ಭೂಗತವಾಗಿದ್ದರೇ’ ಎಂದು ಪ್ರಶ್ನಿಸಿದರು.

‘ಡಿವೈಎಸ್ಪಿ ಕಲ್ಲಪ್ಪ ಹಂಡಿಭಾಗ್‌ ಆತ್ಮಹತ್ಯೆ, ಕ್ರಿಕೆಟ್‌ ಬೆಟ್ಟಿಂಗ್‌ ಪ್ರಕರಣ ಗಳಲ್ಲಿಯೂ ರವಿ ಹೆಸರು ಥಳಕು ಹಾಕಿ ಕೊಂಡಿತ್ತು. ರವಿ ಅವರು ಗ್ರಾಮವಾಸ್ತವ್ಯ ಮಾಡಿ ಕಬಡ್ಡಿ, ಕುಣಿತದ ಮೂಲಕ ಮನರಂಜನೆ ರಾಜಕಾರಣ ಮಾಡುತ್ತಿದ್ದಾರೆ. ಜನರ ಸಮಸ್ಯೆ ಪರಿಹರಿಸಲು ಗಮನಹರಿಸದೆ, ಅಸ್ತಿತ್ವ ಪ್ರದರ್ಶಿಸುತ್ತಿದ್ದಾರೆ. ಬೇರೆಯವರ ಮೇಲೆ ಅಪವಾದಗಳನ್ನು ಹೊರಿಸುವುದನ್ನು ಬಿಟ್ಟು, ತಮ್ಮನ್ನು ತಾವು ತಿದ್ದಿಕೊಂಡು ಮುನ್ನಡೆಯಬೇಕು’ ಎಂದು ಹೇಳಿದರು.

‘ಸಂಸದೆ ಶೋಭಾ ಕರಂದ್ಲಾಜೆ ಅವರು ಮಂಗಳೂರಿನಲ್ಲಿ ಅರಾಜಕತೆ, ಶಾಂತಿ ಕದಡವುದನ್ನು ಕೈ ಬಿಡಬೇಕು. ಉಡುಪಿ–ಚಿಕ್ಕಮಗಳೂರು ಕ್ಷೇತ್ರದ ಅಭಿವೃದ್ಧಿಗೆ ಗಮನ ಹರಿಸಬೇಕು’ ಎಂದು ಒತ್ತಾಯಿಸಿದರು. ಕಾಂಗ್ರೆಸ್‌ ಮುಖಂಡರಾದ ಎಚ್‌.ಪಿ. ಮಂಜೇಗೌಡ, ರೂಬಿನ್‌ ಮೊಸೆಸ್‌, ಹಿರೇಮಗಳೂರು ರಾಮಚಂದ್ರ ಇದ್ದರು.