‘ಕಾಯಕಕ್ಕೆ ಗೌರವ ತಂದ ಶರಣರು’

ಇಲ್ಲಿನ ಬಸವ ಮಂಟಪದಲ್ಲಿ ಈಚೆಗೆ ನಡೆದ 466ನೇ ಶಿವಾನುಭವದಲ್ಲಿ ಮಾತನಾಡಿ, ‘ಅರಿವಿಗೆ ಉತ್ತಮ ಆಚಾರ ಸಹಕಾರಿಯಾಗಬೇಕು. ಕೌಟುಂಬಿಕ ಬದುಕನ್ನು ಮಾಡುತ್ತಲೇ ಉತ್ತಮ ಶರಣ ಸಾಧನೆ ಮಾಡಬಹುದು. ವಚನಗಳು ವೈದಿಕತೆ ಹಾಗೂ ಮೌಢ್ಯಗಳನ್ನು ವಿರೋಧಿಸುತ್ತ ವೈಚಾರಿಕ ಬೆಳಕನ್ನು ತೋರಿದವು. ಕಾಯಕಕ್ಕೆ ಗೌರವನ್ನು ಶರಣರು ತಂದರು. ಉತ್ತಮ ಚಿಂತನೆಯಿಂದ ಕೂಡಿದ ಬಾಳಿನ ಪಥ ನಮ್ಮದಾಗಬೇಕು’ ಎಂದರು.

  ಡಾ.ಮಹಾಂತ ಸ್ವಾಮೀಜಿ ಸಾನ್ನಿಧ್ಯ, ಡಾ.ಬಸವಲಿಂಗ ಸ್ವಾಮೀಜಿ ನೇತೃತ್ವ ಮತ್ತು ಗುರುಮಹಾಂತ ಸ್ವಾಮೀಜಿ ಅಧ್ಯಕ್ಷತೆ ವಹಿಸಿದ್ದರು. ಮುರಳಿಧರ ದೇಶಪಾಂಡೆ, ಮುತ್ತಣ್ಣ ಡಂಬಳ, ಬಸವರಾಜ ಜಮಾದಾರ, ಶಿವಪುತ್ರಪ್ಪ ಹುನಗುಂದ, ಮೊಹಮ್ಮದಸಾಬ್ ಆದವಾನಿ, ವೆಂಕಣ್ಣ ದಾದ್ಮಿ ಮತ್ತು ಮುದಿಯಪ್ಪ ಅಂಬಿಗೇರ ಇದ್ದರು. ಇದೇ ಸಂದರ್ಭದಲ್ಲಿ ಅನೇಕ ಸಾಧಕರನ್ನು ಸತ್ಕರಿಸಲಾಯಿತು.

  ಮುಂಜಾನೆ 6 ನೇ ವಾರ್ಡಿನಲ್ಲಿ ಸ್ವಾಮೀಜಿಗಳ ನೇತೃತ್ವದಲ್ಲಿ ಜನಜಾಗೃತಿ ಜಾಥಾ ನಡೆಯಿತು. ದೇವು ಡಂಬಳ ಸ್ವಾಗತಿಸಿದರು. ಎಸ್.ಜಿ.ಎಮ್ಮಿ ನಿರೂಪಿಸಿದರು. ಶೃತಿ ಅಂಗಡಿ ಪ್ರಾರ್ಥಿಸಿದರು. ಮೌನೇಶ ಕಮ್ಮಾರ ವಂದಿಸಿದರು. ಸರಸ್ವತಿ, ಸವಿತಾ, ಭಾಗ್ಯ ಕಮ್ಮಾರ, ಚೈತ್ರಾ ಸಂಗಡಿಗರಿಂದ ವಚನ ನೃತ್ಯ ಪ್ರದರ್ಶನ ಆಯಿತು.