ಸಮೀಪದ ಚಿಮ್ಮಡ ಗ್ರಾಮದ ರಮೇಶ ಬೆಳಗಾಂವಕರ್ ತಮ್ಮ ಹತ್ತು ಗುಂಟೆ ಜಮೀನಿನಲ್ಲಿ ಕೊತ್ತಂಬರಿ ಬೆಳೆದಿದ್ದರು. ‘ಒಂದು ಕೆ.ಜಿ. ಕೊತ್ತಂಬರಿ ಬೀಜಕ್ಕೆ ₹ 85ರಿಂದ ₹90. ಒಂದು ತಿಂಗಳ ಬೆಳೆಯಾದ ಇದಕ್ಕೆ ನೀರು, ಕಸ ತೆಗೆಯುವ ಕಾರ್ಮಿಕರ ಕೂಲಿ, ಗೊಬ್ಬರ ಸೇರಿದಂತೆ ಹತ್ತು ಗುಂಟೆಗೆ ಅಂದಾಜು ₹ 15 ಸಾವಿರದಷ್ಟು ಖರ್ಚು ಬರುತ್ತದೆ. ಆದರೆ ಈಗ ಮಾರುಕಟ್ಟೆಯಲ್ಲಿ ಕೇವಲ ಒಂದು ಇಲ್ಲವೆ ಎರಡು ರೂಪಾಯಿಗೆ ಕೊತ್ತಂಬರಿ ಮಾರಾಟವಾಗುತ್ತಿದೆ. ನಾವು ಹಾಕಿದ ಖರ್ಚೂ ನಮಗೆ ತಿರುಗಿ ಬರುತ್ತಿಲ್ಲ’ ಎಂದು ಪತ್ರಿಕೆಗೆ ತಿಳಿಸಿದರು.