‘ಅಯ್ಯೋ ಅದು ನಿಮ್ಮ ಸಂದೇಶವೇ?’

ಇತ್ತೀಚೆಗಷ್ಟೇ ಸೋನಂ ಕಪೂರ್‌ಗೆ ತರಾಟೆಗೆ ತೆಗೆದುಕೊಂಡಿದ್ದ ಅಮಿತಾಬ್‌, ಇದೀಗ ರಣವೀರ್ ಸಿಂಗ್‌ ಅವರ ಮೇಲೆ ರೇಗಿದ್ದಾರೆ.

ಆಗಿದ್ದಿಷ್ಟು: ರಣವೀರ್‌ ಸಿಂಗ್‌ ಹುಟ್ಟುಹಬ್ಬಕ್ಕೆ ಅಮಿತಾಬ್ ಬಚ್ಚನ್ ಕಳಿಸಿದ ಸಂದೇಶಕ್ಕೆ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ. ಅಮಿತಾಬ್ ಈ ಬಗ್ಗೆ ಖುದ್ದಾಗಿ ರಣವೀರ್ ಸಿಂಗ್‌ ಬಳಿ ಕಾರಣ ಕೇಳಿದ್ದಾರೆ. ಅದಕ್ಕೆ ಪ್ರತಿಕ್ರಿಯಿಸಿರುವ ರಣವೀರ್ ‘ಹೌದು ನಾನು ನಿಮ್ಮ ಸಂದೇಶ ನೋಡಿದೆ. ಆದರೆ ನೀವು ನನಗೆ ಸಂದೇಶ ಕಳುಹಿಸುತ್ತೀರಿ ಎಂಬುದನ್ನು ನಂಬಲಾಗಲಿಲ್ಲ’ ಎಂದಿದ್ದಾರೆ.

ಅಷ್ಟೇ ಅಲ್ಲ, ‘ನಿಮ್ಮಂತಹ ಮೇರುನಟ ನನ್ನಂತಹ ಸಾಮಾನ್ಯ ನಟನೊಬ್ಬ ಚಿತ್ರರಂಗದಲ್ಲಿ ಇದ್ದಾನೆ ಎಂದು ಗುರುತಿಸುವುದೇ ನನಗೆ ಭಾರಿ ದೊಡ್ಡ ವಿಷಯ’ ಎಂದು ಮನತುಂಬಿ ಹೇಳಿದ್ದಾರೆ.