ಹೈದರಾಬಾದ್: ಅಗ್ರಿ ಗೋಲ್ಡ್‌ ಸಂಸ್ಥೆಯ ಆಸ್ತಿಗಳನ್ನು ಹೆಚ್ಚಿನ ಮೌಲ್ಯಕ್ಕೆ ಖರೀದಿ ಮಾಡುವವರನ್ನು ಹುಡುಕುವಂತೆ ಹೈದರಾಬಾದ್ ಹೈಕೋರ್ಟ್‌ ಸಂಸ್ಥೆಗೆ ನಿರ್ದೇಶನ ನೀಡಿದೆ.
ಎರಡು ವಾರದೊಳಗೆ ಖರೀದಿದಾರರ ಹೆಸರನ್ನು ಕೋರ್ಟ್‌ಗೆ ನೀಡುವಂತೆ ತಿಳಿಸಿದೆ. ಆ ಬಳಿಕ ಆನ್‌ಲೈನ್‌ ಹರಾಜು ಪ್ರಕ್ರಿಯೆಗೆ ಆಕ್ಷೇಪ ಸಲ್ಲಿಸಲು ಸಂಸ್ಥೆಗೆ ಅವಕಾಶ ಇರುವುದಿಲ್ಲ ಎಂದೂ ಸ್ಪಷ್ಟಪಡಿಸಿದೆ.
ಈ ಹಿಂದೆ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಆಸ್ತಿಯ ನೈಜ ಮೌಲ್ಯಕ್ಕಿಂತಲೂ ಕಡಿಮೆಗೆ ಬಿಡ್ ಸಲ್ಲಿಕೆಯಾಗಿದೆ ಎಂದು ಅಗ್ರಿಗೋಲ್ಡ್ ಸಂಸ್ಥೆ ಆಕ್ಷೇಪ ವ್ಯಕ್ತಪಡಿಸಿತ್ತು.
