, ಮಾಜಿ ಕ್ರಿಕೆಟಿಗ ಜೋಗಿಂದರ್ ಶರ್ಮಾರ ಅಪ್ಪನ ಮೇಲೆ ದುಷ್ಕರ್ಮಿಗಳಿಂದ ಹಲ್ಲೆ, ದರೋಡೆ | ಪ್ರಜಾವಾಣಿ
ರೋಹ್ಟಕ್‍ನಲ್ಲಿ ಘಟನೆ

ಮಾಜಿ ಕ್ರಿಕೆಟಿಗ ಜೋಗಿಂದರ್ ಶರ್ಮಾರ ಅಪ್ಪನ ಮೇಲೆ ದುಷ್ಕರ್ಮಿಗಳಿಂದ ಹಲ್ಲೆ, ದರೋಡೆ

ಭಾರತದ ಮಾಜಿ ಕ್ರಿಕೆಟಿಗ ಜೋಗಿಂದರ್ ಶರ್ಮಾ ಅವರ ಅಪ್ಪನ ಮೇಲೆ ದುಷ್ಕರ್ಮಿಗಳು ಹಲ್ಲೆ ನಡೆಸಿ ಅಂಗಡಿಯಿಂದ ಹಣ ದೋಚಿದ ಘಟನೆ ನಡೆದಿದೆ.

ಜೋಗಿಂದರ್ ಶರ್ಮಾ

ರೋಹ್ಟಕ್:  ಭಾರತದ ಮಾಜಿ ಕ್ರಿಕೆಟಿಗ ಜೋಗಿಂದರ್ ಶರ್ಮಾ ಅವರ ಅಪ್ಪನ ಮೇಲೆ ದುಷ್ಕರ್ಮಿಗಳು ಹಲ್ಲೆ ನಡೆಸಿ ಅಂಗಡಿಯಿಂದ ಹಣ ದೋಚಿದ ಘಟನೆ ನಡೆದಿದೆ.

ಶನಿವಾರ ರಾತ್ರಿ ಜೋಗಿಂದರ್ ಅವರ ಅಪ್ಪ 68ರ ಹರೆಯದ ಓಂ ಪ್ರಕಾಶ್ ಅವರು ರೋಹ್ಟಕ್‍ ಸಮೀಪದ ಕಥ್‍ಮಂಡಿಯಲ್ಲಿರುವ ತಮ್ಮ ಅಂಗಡಿಗೆ ಬಾಗಿಲು ಹಾಕಿ ಹೊರಡುವ ಹೊತ್ತಿಗೆ 20ರ ಹರೆಯದ ಇಬ್ಬರು ಯುವಕರು ಬಂದು ಸಿಗರೇಟ್ ಮತ್ತು ತಂಪು ಪಾನೀಯ ಖರೀದಿಸಿ ಹೋಗಿದ್ದರು. ಸ್ವಲ್ಪ ಹೊತ್ತಾದ ಮೇಲೆ ಮರಳಿ ಬಂದ ಅದೇ ಯುವಕರು ಓಂ ಪ್ರಕಾಶ್ ಮೇಲೆ ಹಲ್ಲೆ ನಡೆಸಿದ್ದಾರೆ.

ದೂರಿನಲ್ಲಿ ಏನಿದೆ?
ದುಷ್ಕರ್ಮಿಗಳು ಮೊದಲು ನನ್ನ ಜೇಬಿನಿಂದ ಹಣ ತೆಗೆಯಲು ಯತ್ನಿಸಿದರು. ಆಗ ನಾನು ಅದನ್ನು ತಡೆದೆ. ಅಷ್ಟೊತ್ತಿಗೆ ಒಬ್ಬ ಹುಡುಗ ಚಾಕು ತೋರಿಸಿ ನನ್ನ ಹೊಟ್ಟೆಗೆ ಇರಿಯಲು ಯತ್ನಿಸಿದ. ನಾನು ಅವನ ಕೈಯನ್ನು ಬಲವಂತವಾಗಿ ಹಿಡಿದುಕೊಂಡೆ. ಆಮೇಲೆ ಅವರಿಬ್ಬರು ನನ್ನ ಅಂಗಡಿಯೊಳಗೆ ಹೊಕ್ಕು ಅಲ್ಲಿಂದ ಸುಮಾರು ₹7,000 ನಗದು ದೋಚಿದರು.

ಅಷ್ಟೇ ಅಲ್ಲದೆ ಆ ದುಷ್ಕರ್ಮಿಗಳು ಓಂ ಪ್ರಕಾಶ್ ಅವರನ್ನು ಅಂಗಡಿಯೊಳಗೆ ನೂಕಿ ಹೊರಗಿನಿಂದ ಬೀಗ ಹಾಕಿ ಓಡಿ ಹೋಗಿದ್ದಾರೆ. ಓಂ ಪ್ರಕಾಶ್ ಅವರು ಮಗ ದೀಪಕ್‍ಗೆ ಕರೆ ಮಾಡಿದ್ದು, ಅವರು ಬಂದು ಬೀಗ ಮುರಿದು ಅಪ್ಪನನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ಕೈಗೆ ಚಾಕು ತಾಗಿ ಗಾಯವಾಗಿತ್ತು, ಅವರನ್ನೀಗ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ ಎಂದು ದೀಪಕ್ ಹೇಳಿದ್ದಾರೆ.

ಓಂ ಪ್ರಕಾಶ್ ಅವರ ಆರೋಪ ಆಧರಿಸಿ ಹಲ್ಲೆ ನಡೆಸಿದ ಆಗಂತುಕರ ವಿರುದ್ಧ ಐಪಿಸಿ 342 ಮತ್ತು 379 ಬಿ ಸೆಕ್ಷನ್ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.
ಪ್ರಕರಣದ ತನಿಖೆ ಆರಂಭವಾಗಿದ್ದು, ಸಿಸಿಟಿವಿ ದೃಶ್ಯವಳಿಗಾಗಿ ಪೊಲೀಸರು ಶೋಧ ನಡೆಸುತ್ತಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ವಿದ್ಯುತ್ ಮೇಲ್ಮನವಿ ನ್ಯಾಯಮಂಡಳಿಗೆ ಎನ್.ಕೆ. ಪಾಟೀಲ ನೇಮಕ

ನವದೆಹಲಿ
ವಿದ್ಯುತ್ ಮೇಲ್ಮನವಿ ನ್ಯಾಯಮಂಡಳಿಗೆ ಎನ್.ಕೆ. ಪಾಟೀಲ ನೇಮಕ

23 Sep, 2017
ಕಡಿಮೆ ತೂಕದಿಂದ ನವಜಾತಶಿಶುಗಳ ಮರಣ

ಆತಂಕಕಾರಿ ಸಂಗತಿ
ಕಡಿಮೆ ತೂಕದಿಂದ ನವಜಾತಶಿಶುಗಳ ಮರಣ

23 Sep, 2017
ದಾವೂದ್‌ ಪಾಕ್‌ನಲ್ಲಿದ್ದಾನೆ: ಕಸ್ಕರ್‌

ವಿಚಾರಣೆ ವೇಳೆ ಪೊಲೀಸರಿಗೆ ಮಾಹಿತಿ
ದಾವೂದ್‌ ಪಾಕ್‌ನಲ್ಲಿದ್ದಾನೆ: ಕಸ್ಕರ್‌

23 Sep, 2017

ಚೆನ್ನೈ
ಆರ್‌ಎಸ್‌ಎಸ್‌ ವಿರುದ್ಧ ಪಿಣರಾಯಿ ವಾಗ್ದಾಳಿ

ವಿದುತಲೈ ಚಿರುದಗಳ್‌ ಕಚ್ಚಿ (ವಿಸಿಕೆ) ಇಲ್ಲಿ ಶುಕ್ರವಾರ ಆಯೋಜಿಸಿದ್ದ ರಾಜ್ಯ ಸ್ವಾಯತ್ತ ಸಮ್ಮೇಳನ ಉದ್ದೇಶಿಸಿ ಮಾತನಾಡಿದ ಅವರು, ‘ಆರ್‌ಎಸ್‌ಎಸ್‌ ಮತ್ತು ಬಿಜೆಪಿ ದೇಶದ ಒಕ್ಕೂಟ...

23 Sep, 2017

ಲಖನೌ
ಅಂಗವಿಕಲ ಯುವತಿ ಮೇಲೆ ಅತ್ಯಾಚಾರ

‘ಹಲವು ಬಾರಿ ಬಾಬಾ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದ. ಗರ್ಭಿಣಿಯಾದ ಮೇಲೆ ಆಶ್ರಮದಿಂದ ಹೊರ ಹಾಕಿದ್ದಾರೆ’ ಎಂದು ಯುವತಿ ಆರೋಪಿಸಿದ್ದಾರೆ.

23 Sep, 2017