‘ರಾಜಕೀಯ ಬೆರೆಸುವುದು ಸಲ್ಲ’

ಮಿರಿಯಾಣದಲ್ಲಿ ಶಹಾಬಾದ ಕಲ್ಲು ಗಣಿಗಾರಿಕೆ ಸ್ಥಗಿತಗೊಂಡಿತ್ತು. ಇದು ತಮ್ಮ ಗಮನಕ್ಕೆ ಬಂದ ಮೇಲೆ ಪುನರ್‌ ಆರಂಭಿಸಲು ಕ್ರಮ ಕೈಗೊಂಡಿದ್ದೇನೆ. ಪ್ರತಿಪಕ್ಷದವರು ಇಲ್ಲಿ ಗಣಿಗಾರಿಕೆ ಹೆಸರಲ್ಲಿ ಲೂಟಿ ನಡೆಯುತ್ತಿದೆ ಎಂದಿದ್ದಾರೆ. ಇಲ್ಲಿ ಗ್ರಾನೈಟ್‌ ಗಣಿಗಾರಿಕೆಯೇನು ನಡೆಯುತ್ತಿಲ್ಲ. ಬಡವರು ಬದುಕಿಗಾಗಿ ನೆಲದಿಂದ ಕಲ್ಲು ತೆಗೆದು ಮಾರಾಟ ಮಾಡುತ್ತಿದ್ದಾರೆ. ಇದನ್ನು ಟೀಕಿಸಿ ರಾಜಕೀಯ ಬೆರೆಸುವುದು ಸಲ್ಲದು ಎಂದರು.

ಚುನಾವಣೆ ಬಂದಾಗ ರಾಜಕೀಯ ಮಾಡಬೇಕು. ಬಡತನ, ನಿರುದ್ಯೋಗದ ಮೇಲೆ ರಾಜಕೀಯ ಸಲ್ಲದು. ಗಣಿ ಬಂದ್‌ ಆದಾಗ ಅನೇಕರು ಊರು ತೊರೆದಿದ್ದರು. ಕೆಲವರು ಕೆಲಸವಿಲ್ಲದೇ ಉಪವಾಸ ಉಳಿಯುವಂತಿತ್ತು. ಇದನ್ನು ಮನಗಂಡು  ಪುನರಾರಂಭಿಸಲಾಗಿದೆ ಎಂದರು.

ಜಿ.ಪಂ ಸದಸ್ಯ ಗೌತಮ ಪಾಟೀಲ, ತಾ.ಪಂ ಸದಸ್ಯ ಜಗನ್ನಾಥ ಈದಲಾಯಿ, ಮುಖಂಡರಾದ ರವುಫ್‌ ಮಿರಿಯಾಣ, ನರಶಿಮ್ಲು ಪೂಜಾರಿ, ದೀಪಕನಾಗ್‌ ಪುಣ್ಯಶೆಟ್ಟಿ, ಆರ್‌.ಗಣಪತರಾವ್‌, ಸಿದ್ದಯ್ಯ ಗೌಡ್‌, ಗೋಪಾಲರಾವ್‌ ಕಟ್ಟಿಮನಿ, ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಕವಿತಾ ಚಂದ್ರಶೇಖರ, ಅಭಿವೃದ್ಧಿ ಅಧಿಕಾರಿ ಲಲಿತಾ, ಶ್ರೀನಿವಾಸರೆಡ್ಡಿ ಪಾಟೀಲ, ಮಧುಸೂದನರೆಡ್ಡಿ  ಪಾಟೀಲ, ಕೆ.ಎಂ.ಬಾರಿ, ನಾಗೇಶ ಗುಣಾಜಿ ಇದ್ದರು.