ಹಳದಿ, ಹಸಿರು, ನೀಲಿ.. ಹೀಗೆ ವಿಭಿನ್ನ ಬಣ್ಣಗಳನ್ನು ಹೊದ್ದುಕೊಂಡಿರುವ ಈ ಮರಕ್ಕೆ ಯಾರೂ ಬಣ್ಣ ಬಳಿದಿಲ್ಲ. ಬದಲಾಗಿ ಇದು ಪ್ರಕೃತಿಯ ಸೃಷ್ಟಿ.
ಯೂಕಲಿಪ್ಟಸ್ ಡಿಗ್ಲುಪ್ಟಾ ಹೆಸರಿನ ಇದು ಉತ್ತರ ಗೋಳದಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. ಈಗ ಇದನ್ನು ಪ್ರಪಂಚದಾದ್ಯಂತ ವ್ಯಾಪಕವಾಗಿ ಬೆಳೆಯಲಾಗುತ್ತಿದೆ.
ನೀಲಗಿರಿ ಜಾತಿಯ ಈ ಮರ ರೆನ್ಬೋ ಯೂಕಲಿಪ್ಟಸ್ (ಕಾಮನಬಿಲ್ಲಿನ ನೀಲಗಿರಿ) ಮರ ಎಂದೇ ಜನಜನಿತ. ಮರದ ತೊಗಟೆ ವಿವಿಧ ಬಣ್ಣಗಳಿಂದ ಕೂಡಿರುವುದು ಇದರ ವಿಶೇಷ. ನೂರರಿಂದ ನೂರಿಪ್ಪತ್ತೈದು ಅಡಿ ಎತ್ತರಕ್ಕೆ ಈ ಮರ ಬೆಳೆಯುತ್ತದೆ.
ಹೊಸದಾಗಿ ಬರುವ ತೊಗಟೆ ಹಸಿರು ಬಣ್ಣದಾಗಿರುತ್ತದೆ. ನಂತರ ಅದು ನೀಲಿ, ನೇರಳೆ ಬಣ್ಣಕ್ಕೆ ತಿರುಗುತ್ತದೆ. ಆಲಂಕಾರಿಕ ಪೀಠೋಪಕರಣ ಮತ್ತು ಪೇಪರ್ ತಯಾರಿಕೆಗೆ ಈ ಮರವನ್ನು ಬಳಸಲಾಗುತ್ತದೆ