ಶುಕ್ರವಾರ, 21–7–1967

ಕಾಂಗ್ರೆಸ್‌ನ 36 ಶಾಸಕರು ನಿನ್ನೆ ವಿರೋಧಪಕ್ಷವನ್ನು ಸೇರಿದ್ದು, ಇದರಿಂದ 296 ಸದಸ್ಯಬಲದ ವಿಧಾನಸಭೆಯಲ್ಲಿ 155 ಸದಸ್ಯರನ್ನು ತಾವು ಹೊಂದಿರುವುದಾಗಿ ಸಂಯುಕ್ತ ವಿರೋಧಪಕ್ಷ ಹೇಳಿದೆ.

ಸಂಯುಕ್ತ ವಿರೋಧಪಕ್ಷವನ್ನು ಸೇರಿರುವ 36 ಕಾಂಗ್ರೆಸ್‌ ಶಾಸಕರೂ ಸೇರಿದಂತೆ ವಿರೋಧ ಪಕ್ಷದ ಎಲ್ಲ ಸದಸ್ಯರು ರಾಷ್ಟ್ರಪತಿಯವರನ್ನು ಭೇಟಿಮಾಡಲು ಇಂದು ದೆಹಲಿಗೆ ತೆರಳಲಿದ್ದಾರೆ ಎಂದೂ ತಿಳಿಸಲಾಗಿದೆ.

ಪಶ್ಚಿಮ ಬಂಗಾಳ: ಶಾಸಕರ ಮಾತಿನ ಚಕಮಕಿ
ಕಲ್ಕತ್ತ, ಜುಲೈ 20– ‘ಬಾಂಗ್ಲಾ ಕಾಂಗ್ರೆಸ್‌ನ ಕಾರ್ಯಕರ್ತರೊಬ್ಬರ ಅಪಹರಣದ ಹಿಂದೆ ಕಾಂಗ್ರೆಸ್‌ ಕಾರ್ಯಕರ್ತರ ಕೈವಾಡವಿದೆ’ ಎಂದು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಶ್ರೀ ಅಜಯ್‌ ಕುಮಾರ್‌ ಮುಖರ್ಜಿ ಅವರು ನೀಡಿದ ಹೇಳಿಕೆ ವಿಧಾನಸಭೆಯಲ್ಲಿ ಇಂದು ಮಾತಿನ ಚಕಮಕಿಗೆ ಕಾರಣವಾಯಿತು.