ಶಿಮ್ಲಾ: ಭಾರತ–ಟಿಬೆಟ್‌ ರಾಷ್ಟ್ರೀಯ ಹೆದ್ದಾರಿಯ ಕನೇರಿಯಲ್ಲಿ ಖಾಸಗಿ ಬಸ್‌ ಸುಮಾರು 500 ಅಡಿ ಆಳದ ಕಮರಿಗೆ ಉರುಳಿಬಿದ್ದಿದ್ದರಿಂದ 28 ಜನರು ಮೃತಪಟ್ಟಿದ್ದು 8 ಮಂದಿ ಗಾಯಗೊಂಡಿದ್ದಾರೆ.
ಕಿನೌರ್‌ನ ರೆಕ್ಕಾಂಗ್‌ ಪಿಯೊಯಿಂದ ಸೊಲನ್‌ನ ನೌನಿಗೆ ತೆರಳುತ್ತಿದ್ದ ಬಸ್‌ನಲ್ಲಿ ಒಟ್ಟು 36 ಪ್ರಯಾಣಿಕರಿದ್ದರು. ಮೃತರಲ್ಲಿ 18 ಪುರುಷರು, 9 ಮಹಿಳೆಯರು. ಅಲ್ಲದೆ ಒಂದು ಮಗು ಸಹ ಸತ್ತಿದೆ.
ಅಪಘಾತಕ್ಕೆ ಕಾರಣ ತಿಳಿಯಲು ಮ್ಯಾಜಿಸ್ಟ್ರಿಯಲ್‌ ತನಿಖೆಗೆ ಆದೇಶಿಸಲಾಗಿದೆ. ಟೈರ್‌ ಸ್ಫೋಟಗೊಂಡಿದ್ದರಿಂದ ಅಪಘಾತ ಸಂಭವಿಸಿರುವ ಸಾಧ್ಯತೆ ಇದೆ.
