ಚೆನ್ನೈ: ಸ್ಥಳೀಯ ಪ್ರತಿಭೆ ಜಿ. ಸತ್ಯನ್ ಅವರ ಅಮೋಘ ಅಟದ ಬಲದಿಂದ ಇಲ್ಲಿ ನಡೆಯುತ್ತಿರುವ ಅಲ್ಟಿಮೇಟ್ ಟೇಬಲ್ ಟೆನಿಸ್(ಯುಟಿಟಿ) ಟೂರ್ನಿಯಲ್ಲಿ ಗುರುವಾರ ದಬಂಗ್ ಸ್ಮ್ಯಾಷರ್ಸ್ ಶುಭಾರಂಭ ಮಾಡಿತು.
ಆರ್ಪಿಎಸ್ಜಿ ಮೆವರಿಕ್ಸ್ ತಂಡದ ಎದುರು ನಡೆದ ಪಂದ್ಯದ ಪುರುಷರ ಸಿಂಗಲ್ಸ್ನಲ್ಲಿ ದಬಂಗ್ ತಂಡದ ಸತ್ಯನ್ 11–5, 11–9, 10-11ರಿಂದ ಎದುರಾಳಿ ತಂಡದ ಸ್ಟೀಫನ್ ಫೆಗರ್ ವಿರುದ್ಧ ಜಯಿಸಿದರು.
ಮಹಿಳೆಯರ ಸಿಂಗಲ್ಸ್ನಲ್ಲಿ ಮೆವರಿಕ್ಸ್ ತಂಡದ ಅರ್ಚನಾ ಕಾಮತ್ 11–10, 7–11, 8–11ರಿಂದ ತೆತ್ಯಾನಾ ಬೈಲೆಂಕೊ ವಿರುದ್ಧ ಸೋತರು.
ಮಿಶ್ರ ಡಬಲ್ಸ್ನಲ್ಲಿ ಮೆವರಿಕ್ಸ್ನ ಅಚಂತ ಶರತ್ ಕಮಲ್ ಮತ್ತು ಸೋಫಿಯಾ ಪೊಲ್ಕಾನೊವಾ ಅವರು 11–5, 11–7, 11–5ರಿಂದ ಸತ್ಯನ್ ಮತ್ತು ಕಿಮ್ ಸಂಗ್ ಜೋಡಿಯನ್ನು ಸೋಲಿಸಿದರು.
ನಾಲ್ಕನೇ ಪಂದ್ಯದಲ್ಲಿ ಟಿಯಾಗೊ ಅಪೊಲೊನಿಯಾ ಅವರು 3–11, 11–10, 10–11 ರಿಂದ ದಬಂಗ್ನ ಕೌಲ್ ಲೀ ವಿರುದ್ಧ ಪರಾಭವಗೊಂಡರು.