ಸ್ಕಾಟ್ಲೆಂಡ್‌ನಲ್ಲಿ ಅತಿ ಎತ್ತರದ ‘ತೇಲುವ ಪವನ ವಿದ್ಯುತ್ ಯಂತ್ರ’

ನೀರಿನ ಆಳದಲ್ಲಿ ಪವನ ವಿದ್ಯುತ್ ಉತ್ಪಾದಿಸಲು ಈ ತಂತ್ರಜ್ಞಾನ ಅನುವು ಮಾಡಿಕೊಡುತ್ತದೆ. ಸದ್ಯ ಇರುವ ತಂತ್ರಜ್ಞಾನದಲ್ಲಿ ಸಿಗುವುದಕ್ಕಿಂತ ಹೆಚ್ಚು ವಿದ್ಯುತ್ ಉತ್ಪಾದಿಸುವ ಸಾಮರ್ಥ್ಯ ಇದಕ್ಕಿದೆ ಎಂದು ನಾರ್ವೆಯ ಸಂಸ್ಥೆಯೊಂದು ಹೇಳಿದೆ. ಇದು ಪ್ರಾಯೋಗಿಕ ಯೋಜನೆಯಾಗಿದ್ದು, 20,000 ಮನೆಗಳಿಗೆ ವಿದ್ಯುತ್ ಒದಗಿಸಬಲ್ಲದು.

‘ಸಮುದ್ರದ ವಾತಾವರಣದಲ್ಲೂ ಈ ತಂತ್ರಜ್ಞಾನ ಕಾರ್ಯ ನಿರ್ವಹಿಸಬಲ್ಲದು ಎಂದು ಖಚಿತಪಡಿಸಿಕೊಳ್ಳುವ ತಾಂತ್ರಿಕ ಅಭಿವೃದ್ಧಿ ಯೋಜನೆ ಇದು.

ಇದೊಂದು ಕ್ರಾಂತಿಕಾರಕ ಬದಲಾವಣೆ ತರುವ ಯೋಜನೆ ಮತ್ತು ವೆಚ್ಚ ಕಡಿತಕ್ಕೆ ಖಂಡಿತ ಸಹಕಾರಿಯಾಗುತ್ತದೆ ಎಂಬುದು ನಮ್ಮ ಬಲವಾದ ನಂಬಿಕೆ’ ಎಂದು ಯೋಜನೆಯ ನಿರ್ದೇಶಕ ಲೆಯಿಪ್ ಡೆಲ್ಪ್ ಆಶಾವಾದ ವ್ಯಕ್ತಪಡಿಸಿದ್ದಾರೆ. ಈ ಟರ್ಬೈನ್‌ಗಳು ನೀರಿನಲ್ಲಿ ಒಂದು ಕಿಲೊ ಮೀಟರ್ ಆಳದಲ್ಲೂ ಕಾರ್ಯ ನಿರ್ವಹಿಸಬಲ್ಲವು.

***

* ದಪ್ಪವಾದ ಸರಪಳಿಗಳು ಈ ಗೋಪುರಗಳನ್ನು ನೀರಿನಲ್ಲಿ ಕೆಳಕ್ಕೆ ಎಳೆದು ಹಿಡಿದುಕೊಳ್ಳುತ್ತವೆ.
* ರೆಕ್ಕೆಗಳ ಹಿಂಭಾಗದಲ್ಲಿರುವ ಯಂತ್ರದ ಎಂಜಿಪೆಟ್ಟಿಗೆಯ ಮೇಲೆ ಎರಡು ಡಬಲ್ ಡೆಕ್ಕರ್ ಬಸ್‌ಗಳನ್ನು ನಿಲ್ಲಿಸಬಹುದು!
* ನಾರ್ವೆಯ ಸ್ಟ್ಯಾಟಾಯ್ಲ್ ಕಂಪೆನಿ ಯಂತ್ರಗಳನ್ನು ತಯಾರಿಸುತ್ತಿದೆ
* ಅಪಾರ ಸಂಖ್ಯೆಯಲ್ಲಿ ಪಕ್ಷಿಗಳು ಸಾಯುವ ಸಾಧ್ಯತೆ ಇರುವ ಕಾರಣಕ್ಕೆ ಯೋಜನೆಯನ್ನು ಆರ್‌ಎಸ್‌ಪಿವಿ ಸ್ಕಾಟ್ಲಂಡ್ ಸಂಸ್ಥೆವಿರೋಧಿಸಿದೆ

***

75 ಮೀಟರ್– ಪ್ರತೀ ರೆಕ್ಕೆಯ ಉದ್ದ– ಇದು ಏರ್‌ಬಸ್ ವಿಮಾನದ ರೆಕ್ಕೆಗೆ ಸಮ

175 ಮೀಟರ್– ರೆಕ್ಕೆಗಳನ್ನೂ ಒಳಗೊಂಡು ಗೋಪುರದ ಒಟ್ಟು ಎತ್ತರ

11,500 ಟನ್– ಪ್ರತೀ ಗೋಪುರದ ತೂಕ