ನವದೆಹಲಿ: ಮುಂದಿನ ಎರಡು ಹಣಕಾಸು ವರ್ಷಗಳಲ್ಲಿ ಭಾರತದ ಆರ್ಥಿಕ ವೃದ್ಧಿ ದರವು (ಜಿಡಿಪಿ) ಚೀನಾದ ವೃದ್ಧಿ ದರಕ್ಕಿಂತ ಹೆಚ್ಚಿಗೆ ಇರಲಿದೆ ಎಂದು ಅಂತರರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್‌) ಅಂದಾಜಿಸಿದೆ.
ಪ್ರಸಕ್ತ ಹಣಕಾಸು ವರ್ಷದಲ್ಲಿ ಜಿಡಿಪಿ ದರ ಶೇ 7.2ರಷ್ಟು ಇರಲಿದೆ. ಇದು 2018–19ರಲ್ಲಿ ಶೇ 7.7ಕ್ಕೆ ಏರಲಿದೆ ಎಂದು ಐಎಂಎಫ್‌ ಸಿದ್ಧಪಡಿಸಿರುವ ಜಾಗತಿಕ ಆರ್ಥಿಕ ಮುನ್ನೋಟ ವರದಿಯಲ್ಲಿ ಅಭಿಪ್ರಾಯಪಡಲಾಗಿದೆ.
ಏಪ್ರಿಲ್ ತಿಂಗಳಲ್ಲಿ ನೀಡಿದ್ದ ವರದಿಯಲ್ಲಿ ಉಲ್ಲೇಖಿಸಿದ್ದ ಭಾರತದ ಆರ್ಥಿಕ ವೃದ್ಧಿ ದರವನ್ನೇ ಐಎಂಎಫ್‌ ಈಗಲೂ ಉಳಿಸಿಕೊಂಡಿದೆ.
