ಶೋಷಣೆ ಮುಕ್ತ ಮಾರುಕಟ್ಟೆ ವ್ಯವಸ್ಥೆಯತ್ತ ಧೃಡ ಹೆಜ್ಜೆ

ಗದಗ ಎಪಿಎಂಸಿಯಲ್ಲಿ ಸೋಮವಾರ ಅವರು ಇ–ಪಾವತಿ ವ್ಯವಸ್ಥೆಗೆ ಚಾಲನೆ ನೀಡಿ ಮಾತನಾಡಿದರು.

‘ರೈತರು ಕೃಷಿ ಉತ್ಪನ್ನಗಳನ್ನು ಮಾರಾಟ ಮಾಡಿ, ಅದರ ಹಣ ಪಡೆಯಲು ಪರದಾಡಬೇಕಾದ ಪರಿಸ್ಥಿತಿ ಇತ್ತು. ಆದರೆ, ಇ–ಪಾವತಿ ವ್ಯವಸ್ಥೆಯಡಿ ವೇತನ ಪಾವತಿಯಲ್ಲಿ ಆಗುತ್ತಿದ್ದ ವಿಳಂಬ ತಪ್ಪಲಿದೆ. ಎಪಿಎಂಸಿಗೆ ರೈತರು ತರುವ ಉತ್ಪನ್ನಗಳನ್ನು ಗ್ರೇಡಿಂಗ್‌ ಮೂಲಕ  ಖರೀದಿದಾರರು, ದಲ್ಲಾಳಿಗಳು ಪರಿಶೀಲಿಸಿ ದರ ನಮೂದು ಮಾಡಬಹುದು.

ತಕ್ಷಣವೇ ರೈತರ ದೂರವಾಣಿ ಸಂಖ್ಯೆಗೆ ದರ  ಮಾಹಿತಿ ವಿವರ ರವಾನೆಯಾಗುತ್ತದೆ. ಅವರು ಒಪ್ಪಿಗೆ ಸೂಚಿಸಿದ ನಂತರ ಖರೀದಿ ನಡೆಯುತ್ತದೆ.  ಖರೀದಿದಾರರು ರೈತರಿಗೆ ಪಾವತಿ ಮಾಡಬೇಕಾದ ಮೊತ್ತವನ್ನು ಸಂಬಂಧಿಸಿದ ಎಪಿಎಂಸಿ ಖಾತೆಗೆ ಮರು ದಿನ ಮುಂಜಾನೆ 11 ಗಂಟೆ ಒಳಗೆ ಜಮೆ ಮಾಡಬೇಕಾಗುತ್ತದೆ’ ಎಂದರು.

ಗದಗ ಎಪಿಎಂಸಿ ಅಧ್ಯಕ್ಷ ಸಿ.ಬಿ.ಬಡ್ನಿ, ಉಪಾಧ್ಯಕ್ಷರ ಅಜ್ಜಪ್ಪ ಹಿರೇಮನಿಪಾಟೀಲ, ಜಿ.ಪಂ.ಸದಸ್ಯ ಸಿದ್ದು ಪಾಟೀಲ, ಮಾಜಿ ಶಾಸಕ ಡಿ.ಆರ್.ಪಾಟೀಲ ಇದ್ದರು.