ಮಾಹಿತಿ ರಕ್ಷಣೆ

ಮೊಬೈಲ್‌ನಲ್ಲಿ ಫಿಂಗರ್‌ಪ್ರಿಂಟ್‌ ಸೆನ್ಸರ್‌ ಬಳಕೆ

ಪ್ರಸ್ತುತ ಮಾರುಕಟ್ಟೆಗೆ ಬಿಡುಗಡೆಯಾಗುತ್ತಿರುವ ಬಹುತೇಕ ಮೊಬೈಲ್‌ಗಳಲ್ಲಿ ಫಿಂಗರ್‌ಪ್ರಿಂಟ್‌ ಸೆನ್ಸರ್‌ ಕಡ್ಡಾಯವಾಗಿ ಇರುತ್ತದೆ. ಇದನ್ನು ಮೊಬೈಲ್‌ ಅನ್‌ಲಾಕ್‌ ಮಾಡುವುದಕ್ಕೆ ಮಾತ್ರ ಉಪಯೋಗಿಸುತ್ತಿದ್ದೇವೆ. ಇದರಿಂದ ಇನ್ನೂ ಹಲವು ಕೆಲಸಗಳನ್ನು ಮಾಡಬಹುದು ಈ ಕುರಿತು ಒಂದಿಷ್ಟು ಮಾಹಿತಿ.

ಮೊಬೈಲ್‌ನಲ್ಲಿ ಫಿಂಗರ್‌ಪ್ರಿಂಟ್‌ ಸೆನ್ಸರ್‌ ಬಳಕೆ

ತಂತ್ರಾಂಶಗಳಿಗೆ ಬೀಗ

ಸ್ನೇಹಿತರು ಅಥವಾ ಮನೆಯವರು ನಿಮ್ಮ ಮೊಬೈಲ್‌ ಕೇಳಿದಾಗ ಅದರಲ್ಲಿರುವ ಮಾಹಿತಿಯನ್ನು ಎಲ್ಲಿ ನೋಡುತ್ತಾರೋ... ಎಂಬ ಭಯ ಕಾಡುವುದು ಸಹಜ. ಆದರೆ, ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನೋಡದಂತೆ ನಿರ್ಬಂಧ ವಿಧಿಸಿ (ಲಾಕ್‌)  ಕೊಟ್ಟರೆ ಈ ಸಮಸ್ಯೆಯೇ ಎದುರಾಗುವುದಿಲ್ಲ.  ಇದಕ್ಕೆಂದೇ 'AppLock-Fingerprint Unlock ಎಂಬ ತಂತ್ರಾಂಶವೊಂದು ಲಭ್ಯವಿದೆ. ಇದನ್ನು ನಿಮ್ಮ ಮೊಬೈಲ್‌ನಲ್ಲಿ ಅಳವಡಿಸಿಕೊಂಡು, ಲಾಕ್‌ ಮಾಡಲು ಉದ್ದೇಶಿಸಿರುವ ತಂತ್ರಾಂಶಗಳನ್ನು ಆಯ್ಕೆಮಾಡಿಕೊಂಡು ರಹಸ್ಯಪದ ಮತ್ತು ನಿಮ್ಮ ಬೆರಳಚ್ಚನ್ನು ನೀಡಿದರೆ ಸಾಕು. ನಿಮ್ಮ ಬೆರಳಚ್ಚು ಇಲ್ಲದೆ ಕಿರು ತಂತ್ರಾಂಶಗಳು ತೆರೆದುಕೊಳ್ಳುವುದೇ ಇಲ್ಲ.

**

ಚಿತ್ರಗಳನ್ನು ಬಚ್ಚಿಡಲು

ಸ್ನೇಹಿತರೊಂದಿಗೆ ಸೆರೆಹಿಡಿದ ಸ್ವಂತಿ, ಛಾಯಾಚಿತ್ರಗಳು ಇನ್ನೊಬ್ಬರ ಕಣ್ಣಿಗೆ ಬೀಳದಂತೆ ಫಿಂಗರ್‌ಪ್ರಿಂಟ್‌ ಮೂಲಕ ಸೂಕ್ತ ರಕ್ಷಣೆ ಕಲ್ಪಿಸಬಹುದು. Solo Photo ಎಂಬ ತಂತ್ರಾಂಶದ ಮೂಲಕ ಇದನ್ನು ಮಾಡಬಹುದು. ಇದು ಮೊಬೈಲ್‌ನಲ್ಲಿರುವ ಗ್ಯಾಲರಿ ತಂತ್ರಾಂಶದಂತೆಯೇ ಇರುತ್ತದೆ. ಇದನ್ನು ಅಳವಡಿಸಿಕೊಂಡು ನಿಮ್ಮ ಛಾಯಾಚಿತ್ರಗಳನ್ನು ಬಚ್ಚಿಡಬಹುದು. ಇದಕ್ಕೆ ರಕ್ಷಣೆಯಾಗಿ ನಿಮ್ಮ ಬೆರಳಚ್ಚನ್ನು ಉಪಯೋಗಿಸಿಕೊಳ್ಳಬಹುದು.

**

ಡೈರಿಗೆ ರಕ್ಷಣೆ

ಜೀವನದ ಅತಿ ಮುಖ್ಯ ಸಂಗತಿಗಳು, ಆಸಕ್ತಿಕರ ಘಟನೆಗಳನ್ನು ಮೊಬೈಲ್‌ ಡೈರಿಯಲ್ಲಿ ಬರೆಯುವ ಅಭ್ಯಾಸ ನಿಮಗೆ ಇದ್ದರೆ. ಅದು ಮತ್ತೊಬ್ಬರ ಕಣ್ಣಿಗೆ ಬೀಳದಂತೆ ಗೋಪ್ಯವಾಗಿ ಇಟ್ಟುಕೊಳ್ಳುವುದು ಅನಿವಾರ್ಯ. ಇದಕ್ಕೂ ಬೆರಳಚ್ಚಿನ ರಕ್ಷಣೆ ಒದಗಿಸಿದರೆ ಈ ಸಮಸ್ಯೆ ಇರುವುದಿಲ್ಲ. ಇದಕ್ಕೆಂದೇ ಜರ್ನಿ ಎಂಬ ವಿಶೇಷ ತಂತ್ರಾಂಶ ಲಭ್ಯವಿದೆ. ಇದರ ಮೂಲಕ ನಿಮ್ಮ ಡೈರಿಗೆ ಪ್ಯಾಟ್ರನ್‌, ಪಾಸ್‌ವರ್ಡ್‌, ಫಿಂಗರ್‌ಫ್ರಿಂಟ್‌ ರಕ್ಷಣೆ ಕಲ್ಪಿಸಬಹುದು. ಇದನ್ನು ಅಳವಡಿಸಿಕೊಂಡ ನಂತರ ಸೆಟ್ಟಿಂಗ್ಸ್‌ಗೆ ಹೋಗಿ ಫಿಂಗರ್‌ಪ್ರಿಂಟ್‌ ಸೌಲಭ್ಯಆಯ್ಕೆಮಾಡಿಕೊಳ್ಳಬಹುದು.

**

ಮುಟ್ಟಿದರೆ ತಂತ್ರಾಂಶ

ಫಿಂಗರ್‌ಪ್ರಿಂಟ್‌ ಸೆನ್ಸರ್‌ ಅನ್ನು ಒಮ್ಮೆ ಮುಟ್ಟಿದರೆ ಫೇಸ್‌ಬುಕ್‌ ತೆರೆದುಕೊಳ್ಳಬೇಕು, ಎರಡು ಬಾರಿ ಮುಟ್ಟಿದರೆ ವಾಟ್ಸ್‌ ಆಪ್‌ ತೆರೆದುಕೊಳ್ಳಬೇಕು. ಇಂತಹ ಆಸೆ ನಿಮಗೂ ಇದೆಯೇ? ಹಾಗಾದರೆ ನಿಮ್ಮ ಮೊಬೈಲ್‌ನಲ್ಲಿ Fingerprint Gestures ತಂತ್ರಾಂಶ ಅಳವಡಿಸಿಕೊಂಡರೆ ಸಾಕು. ಇದು ಸೆನ್ಸರ್‌ ಅನ್ನು ಸ್ಪರ್ಶಿಸಿದಾಗ ಯಾವ ತಂತ್ರಾಂಶ ತೆರೆದುಕೊಳ್ಳಬೇಕು ಎಂದು ಕೇಳುತ್ತದೆ. ಆಗ ನಿಮಗಿಷ್ಟದ ತಂತ್ರಾಂಶವನ್ನು ಆಯ್ಕೆಮಾಡಿಕೊಂಡು ಸಿಂಗಲ್‌ ಟಚ್‌, ಡಬಲ್‌ ಡಬಲ್‌ ಟಚ್‌, ಸ್ವೈಪ್‌  ಲಾಕ್‌ ಸೌಲಭ್ಯಗಳನ್ನು ಆಯ್ಕೆಮಾಡಿಕೊಳ್ಳಬಹುದು.

Comments
ಈ ವಿಭಾಗದಿಂದ ಇನ್ನಷ್ಟು
ಮದರ್‌ಬೋರ್ಡ್‌ನಲ್ಲಿದೆ ಚಿನ್ನ

ಡೆಲ್‌ ಕಂಪನಿ
ಮದರ್‌ಬೋರ್ಡ್‌ನಲ್ಲಿದೆ ಚಿನ್ನ

18 Jan, 2018
ಬದುಕು ಬದಲಿಸುವ ತಂತ್ರಜ್ಞಾನ

ಹೊಸತುಗಳ ಸಡಗರ
ಬದುಕು ಬದಲಿಸುವ ತಂತ್ರಜ್ಞಾನ

18 Jan, 2018
ರೀಸ್ಟಾರ್ಟ್‌ ಪರಿಹಾರ

ತಂತ್ರೋಪನಿಷತ್ತು
ರೀಸ್ಟಾರ್ಟ್‌ ಪರಿಹಾರ

18 Jan, 2018
ಸ್ವಯಂ ಚಾಲಿತ ವಾಹನಕ್ಕೆ ಮೆದುಳು

ಪ್ರೊಸೆಸರ್ ಬಳಕೆ
ಸ್ವಯಂ ಚಾಲಿತ ವಾಹನಕ್ಕೆ ಮೆದುಳು

18 Jan, 2018
ಬರಲಿವೆ ಹೊಸ ತಂತ್ರಜ್ಞಾನಗಳು

ಮಾಹಿತಿ
ಬರಲಿವೆ ಹೊಸ ತಂತ್ರಜ್ಞಾನಗಳು

10 Jan, 2018