₹6.5 ಲಕ್ಷ ನೆರವು: ಗ್ಯಾಂಗ್ಮನ್ ಮಗಳಾದ ಶಿಲ್ಪಾ ಅವರು ಫಿಲಿಪೈನ್ಸ್ನಲ್ಲಿ ಪಿಎಚ್.ಡಿ ಮಾಡುತ್ತಿದ್ದಾರೆ. ಅವರಿಗೆ ಬಿಬಿಎಂಪಿ ವತಿಯಿಂದ ₹6.5 ಲಕ್ಷ ಸಹಾಯಧನ ನೀಡಲಾಯಿತು. ಬಿಬಿಎಂಪಿ ಆಯುಕ್ತ ಎನ್. ಮಂಜುನಾಥ ಪ್ರಸಾದ್ ಮಾತನಾಡಿ, ‘2015–16ನೇ ಸಾಲಿನಲ್ಲಿ ಪಾಲಿಕೆ ವ್ಯಾಪ್ತಿಯ ಎಂಟು ವಲಯಗಳ ಕಲ್ಯಾಣ ಕಾರ್ಯಕ್ರಮಗಳಿಗೆ ₹14.89 ಕೋಟಿ ಮೀಸಲಿಟ್ಟಿದ್ದು, ಅದರ ಆಧಾರದ ಮೇಲೆ ಯೋಜನೆಗಳನ್ನು ರೂಪಿಸಿದ್ದೇವೆ. ನಿರುದ್ಯೋಗಿಗಳಿಗೆ ಕಾರು ಕೊಳ್ಳಲು ₹1 ಲಕ್ಷ ಸಬ್ಸಿಡಿ, ಆಟೊರಿಕ್ಷಾಗೆ ₹38 ಸಾವಿರ ಹಾಗೂ ಅಂಗವಿಕಲರು ತ್ರಿಚಕ್ರ ವಾಹನ ಖರೀದಿಸಲು ₹86 ಸಾವಿರ ಸಬ್ಸಿಡಿ ನೀಡಲಾಗಿದೆ’ ಎಂದರು.