ನವದೆಹಲಿ: ವೃತ್ತಿಯಲ್ಲಿ ವೈದ್ಯೆಯಾಗಿರುವ ಆಕೆ ತುಂಬು ಗರ್ಭಿಣಿ. ಪ್ರಸವ ವೇದನೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಅದೇ ವೇಳೆ, ಸಮೀಪದ ಇನ್ನೊಂದು ಕೊಠಡಿಯಿಂದ ಹೆರಿಗೆ ನೋವಿನಿಂದ ಕೂಗುತ್ತಿರುವ ಸದ್ದು ಕೇಳಿ ಬಂದಿತು. ಆದರೆ, ಅಲ್ಲಿ ವೈದ್ಯರಿರಲಿಲ್ಲ. ವೈದ್ಯರು ಬರುವುದಕ್ಕೆ ಇನ್ನೂ ಸ್ವಲ್ಪ ಸಮಯವಿತ್ತು. ತಡಮಾಡದ ವೈದ್ಯೆ ತಮ್ಮ ಪ್ರಸವದ ಸಮಯ ಸಮೀಪಿಸಿದ್ದರೂ ಧೈರ್ಯಗುಂದದೆ ಪಕ್ಕದ ಕೊಠಡಿಗೆ ತೆರಳಿ ಆಸ್ಪತ್ರೆಯ ಸಿಬ್ಬಂದಿ ಸಹಾಯದಿಂದ ಹೆರಿಗೆ ಮಾಡಿಸಿ ವೃತ್ತಿನಿಷ್ಠೆ ಮೆರೆದು ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.