ಬಾಂಗ್ಲಾದೇಶದಲ್ಲಿ ತೀವ್ರ ಚರ್ಚೆ ಹುಟ್ಟುಹಾಕಿದ ಜರಾ ನಿರ್ಧಾರ

ಚಿನ್ನ, ಮೇಕಪ್ ಧಿಕ್ಕರಿಸಿದ ವಧು

’ನನಗನ್ನಿಸುವ ಪ್ರಕಾರ, ಈ ಮನಸ್ಥಿತಿಯನ್ನು ನಾವು ಬದಲಿಸಬೇಕಿದೆ. ಮದುಮಗಳು ಎನಿಸಿಕೊಳ್ಳಲು ಯುವತಿಯೊಬ್ಬಳಿಗೆ ಶ್ವೇತವರ್ಣ ನೀಡುವ ಕ್ರೀಮ್, ಚಿನ್ನದ ನೆಕ್ಲೆಸ್ ಅಥವಾ ದುಬಾರಿ ಸೀರೆ ಅಗತ್ಯವೇ ಇಲ್ಲ. ಇವು ಆಕೆಗೆ ಆತ್ಮವಿಶ್ವಾಸವನ್ನು ತುಂಬುತ್ತವೆ ಎಂಬುದರಲ್ಲಿ ನಂಬಿಕೆಯಿಲ್ಲ’

ಚಿನ್ನ, ಮೇಕಪ್ ಧಿಕ್ಕರಿಸಿದ ವಧು

ಢಾಕಾ‌: ಯಾವುದೇ ಆಭರಣ ಧರಿಸದೇ, ಚೂರೂ ಮೇಕಪ್ ಇಲ್ಲದೇ, ತಮ್ಮ ಅಜ್ಜಿಯ ಕಾಟನ್ ಸೀರೆಯುಟ್ಟು ಹಸೆಮಣೆ ಏರಿದ ಬಾಂಗ್ಲಾದೇಶದ ತಸ್ಮಿಮ್ ಜರಾ ಅವರ ನಿರ್ಧಾರದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.

ಬಡವರಿಗೆ ವೈದ್ಯಕೀಯ ನೆರವು ನೀಡುವ ಸಂಸ್ಥೆಯೊಂದರ ಮುಖ್ಯಸ್ಥೆಯಾಗಿರುವ ಜರಾ, ಮದುವೆಯ ದಿನ ಮದುಮಗಳು ಚಿನ್ನಾಭರಣ ಧರಿಸಲೇಬೇಕೆಂಬ ನಿಯಮವನ್ನು ಪ್ರಶ್ನಿಸಿದ್ದಾರೆ.

’ನನಗನ್ನಿಸುವ ಪ್ರಕಾರ, ಈ ಮನಸ್ಥಿತಿಯನ್ನು ನಾವು ಬದಲಿಸಬೇಕಿದೆ. ಮದುಮಗಳು ಎನಿಸಿಕೊಳ್ಳಲು ಯುವತಿಯೊಬ್ಬಳಿಗೆ ಶ್ವೇತವರ್ಣ ನೀಡುವ ಕ್ರೀಮ್, ಚಿನ್ನದ ನೆಕ್ಲೆಸ್ ಅಥವಾ ದುಬಾರಿ ಸೀರೆ ಅಗತ್ಯವೇ ಇಲ್ಲ. ಇವು ಆಕೆಗೆ ಆತ್ಮವಿಶ್ವಾಸವನ್ನು ತುಂಬುತ್ತವೆ ಎಂಬುದರಲ್ಲಿ ನಂಬಿಕೆಯಿಲ್ಲ’ ಎಂದು ಅವರು ತಮ್ಮ ಫೇಸ್‌ಬುಕ್ ಪುಟದಲ್ಲಿ ಬರೆದಿದ್ದಾರೆ. ಇದಕ್ಕೆ 91, 000 ಜನರು ಲೈಕ್ ಮಾಡಿದ್ದರೆ, 24,000 ಬಾರಿ ಇದು ಷೇರ್ ಆಗಿದೆ.

ಜರಾ ಅವರ ನಿರ್ಧಾರವನ್ನು ಅವರ ಕೆಲವು ಸಂಬಂಧಿಕರು ವಿರೋಧಿಸಿದ್ದಾರೆ. ನಿರಾಭರಣರಾಗಿದ್ದ ಜರಾ ಜತೆ ಫೋಟೊ ತೆಗೆಸಿಕೊಳ್ಳಲೂ ಕೆಲವರು ಇಷ್ಟಪಡಲಿಲ್ಲವಂತೆ.

ಜರಾ ಅವರ ಈ ನಿಲುವು ಮುಸ್ಲಿಂ ಬಾಹುಳ್ಯದ ಬಾಂಗ್ಲಾದಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದೆ. ಮದುವೆಗೆಂದೇ ಬಹುತೇಕ ಕುಟುಂಬಗಳು ಲಕ್ಷಾಂತರ ರೂಪಾಯಿ ಹಣ ಖರ್ಚು ಮಾಡುತ್ತವೆ. ಇದು ಅವರನ್ನು ಬಹುಕಾಲ ಸಾಲಕೂಪದಲ್ಲಿ ತೊಳಲಾಡುವಂತೆ ಮಾಡುತ್ತದೆ.

ಈ ನಿರ್ಧಾರವನ್ನು ಟೀಕಿಸಿರುವ ವ್ಯಕ್ತಿಯೊಬ್ಬರು, ಮೇಕಪ್ ಅಥವಾ ಆಭರಣ ಧರಿಸುವುದನ್ನು ವಿರೋಧಿಸುವ ಅಧಿಕಾರ ಜರಾ ಅವರಿಗಿಲ್ಲ ಎಂದಿದ್ದಾರೆ. ಆದರೆ ಜರಾ ಅವರ ಬರಹಕ್ಕೆ ಪ್ರತಿಕ್ರಿಯಿಸಿರುವ ಬಹುತೇಕರು ಅವರ ನಿರ್ಧಾರಕ್ಕೆ ಬೆಂಬಲ ಸೂಚಿಸಿದ್ಧಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಜೈಲುಗಳಲ್ಲಿ ನೈರ್ಮಲ್ಯ ಕೊರತೆ: ಮಲ್ಯ

ಭಾರತಕ್ಕೆ ತಿರುಗೇಟು
ಜೈಲುಗಳಲ್ಲಿ ನೈರ್ಮಲ್ಯ ಕೊರತೆ: ಮಲ್ಯ

15 Dec, 2017
ಯುವಕನಿಗೆ ಶಿಕ್ಷೆ

ಅನುಚಿತ ವರ್ತನೆ
ಯುವಕನಿಗೆ ಶಿಕ್ಷೆ

15 Dec, 2017
ಗುಂಡು ಹಾರಿಸಿಕೊಂಡು ಸಂಸದ ಆತ್ಮಹತ್ಯೆ

ಲೈಂಗಿಕ ದೌರ್ಜನ್ಯ ಆರೋಪ
ಗುಂಡು ಹಾರಿಸಿಕೊಂಡು ಸಂಸದ ಆತ್ಮಹತ್ಯೆ

15 Dec, 2017
ಭಾರತದಲ್ಲಿ ಹೆಚ್ಚುತ್ತಿರುವ ಗರ್ಭಪಾತ

ಅಧ್ಯಯನ
ಭಾರತದಲ್ಲಿ ಹೆಚ್ಚುತ್ತಿರುವ ಗರ್ಭಪಾತ

15 Dec, 2017
ಐಎಸ್‌ಎಸ್‌ನಿಂದ ಹಿಂದಿರುಗಿದ ಮೂವರು ಗಗನಯಾನಿಗಳು

ಐದು ತಿಂಗಳ ವಾಸ
ಐಎಸ್‌ಎಸ್‌ನಿಂದ ಹಿಂದಿರುಗಿದ ಮೂವರು ಗಗನಯಾನಿಗಳು

15 Dec, 2017