ಅಮೆರಿಕದ ನಡೆಗೆ ಇರಾನ್ ಆಕ್ರೋಶ

ಟ್ರಂಪ್‌ಗೆ ಇರಾನ್ ತಿರುಗೇಟು

‘ಟ್ರಂಪ್ ಅವರು ಒಪ್ಪಂದವನ್ನು ಮುರಿಯಲು ಸದಾ ಯತ್ನಿಸುತ್ತಿದ್ದಾರೆ. ಏಕಾಂಗಿಯಾಗುವುದನ್ನು ತಡೆಯಲು ಅವರು ಇರಾನ್ ಮೇಲೆ ಆರೋಪ ಹೊರಿಸುತ್ತಿದ್ದಾರೆ’ ಎಂದು ವಿದೇಶಾಂಗ ಸಚಿವ ಮಹಮ್ಮದ್ ಜಾವೇದ್ ಜಾರಿಫ್ ಅವರು ಟ್ವೀಟ್ ಮಾಡಿದ್ದಾರೆ.

ಟ್ರಂಪ್‌ಗೆ ಇರಾನ್ ತಿರುಗೇಟು

ಟೆಹರಾನ್: ತನ್ನ ಖಂಡಾಂತರ ಕ್ಷಿಪಣಿ ಕಾರ್ಯಕ್ರಮಗಳ ವಿರುದ್ಧ ಎಚ್ಚರಿಕೆ ನೀಡಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಿಗೆ ಇರಾನ್ ಶನಿವಾರ ತಿರುಗೇಟು ನೀಡಿದೆ. 2015ರ ಪರಮಾಣು ಒಪ್ಪಂದ ವಿಚಾರದಲ್ಲಿ ಅವರು ಅಪನಂಬಿಕೆ ಹೊಂದಿದ್ದಾರೆ ಎಂದು ಅದು ಆರೋಪಿಸಿದೆ.

‘ಟ್ರಂಪ್ ಅವರು ಒಪ್ಪಂದವನ್ನು ಮುರಿಯಲು ಸದಾ ಯತ್ನಿಸುತ್ತಿದ್ದಾರೆ. ಏಕಾಂಗಿಯಾಗುವುದನ್ನು ತಡೆಯಲು ಅವರು ಇರಾನ್ ಮೇಲೆ ಆರೋಪ ಹೊರಿಸುತ್ತಿದ್ದಾರೆ’ ಎಂದು ವಿದೇಶಾಂಗ ಸಚಿವ ಮಹಮ್ಮದ್ ಜಾವೇದ್ ಜಾರಿಫ್ ಅವರು ಟ್ವೀಟ್ ಮಾಡಿದ್ದಾರೆ.

‘ಒಪ್ಪಂದವನನ್ನು ಇರಾನ್ ಪಾಲಿಸುತ್ತಿದ್ದ. ನಿಯಮಗಳಿಗೆ ತಕ್ಕಂತೆ ಅದು ನಡೆದುಕೊಳ್ಳುತ್ತಿಲ್ಲ’ ಎಂದು ಟ್ರಂಪ್ ಆರೋಪಿಸಿದ್ದರು. ಇದೊಂದು ಅಪಾಯಕಾರಿ ಒಪ್ಪಂದ ಎಂದೂ ಅವರು ಕರೆದಿದ್ದರು.

ಪರಮಾಣು ಶಸ್ತ್ರಾಸ್ತ್ರ ಉತ್ಪಾದನೆಯನ್ನು ಇರಾನ್ ಸ್ಥಗಿತಗೊಳಿಸುವುದು ಹಾಗೂ ಇದಕ್ಕೆ ಪ್ರತಿಯಾಗಿ ಅದರ ಮೇಲಿರುವ ದಿಗ್ಬಂಧನ ತೆರವುಗೊಳಿಸುವ ಒಪ್ಪಂದ ಇದಾಗಿತ್ತು.

ಒಪ್ಪಂದದಿಂದ ಹಿಂದೆ ಸರಿಯುವುದಾಗಿ ತಮ್ಮ ಚುನಾವಣಾ ಪ್ರಚಾರದ ವೇಳೆ ನೀಡಿದ್ದ ಭರವಸೆ ಅನುಷ್ಠಾನಕ್ಕೆ ಮುಂದಾಗಿದ್ದ ಟ್ರಂಪ್ ಅವರು ಕೊನೆ ಕ್ಷಣದಲ್ಲಿ ಒತ್ತಡ ಹೆಚ್ಚಾದ ಕಾರಣ ತಮ್ಮ ನಿರ್ಧಾರ ಬದಲಿಸಿದ್ದರು.

ಇದು ಅತ್ಯಂತ ಕೆಟ್ಟ ಒಪ್ಪಂದ ಎಂದು ಕರೆದಿದ್ದ ಟ್ರಂಪ್, ಮಧ್ಯಪ್ರಾಚ್ಯದಲ್ಲಿ ತೀವ್ರಗಾಮಿಗಳಿಗೆ ಇರಾನ್ ನೆರವು ನೀಡುವುದನ್ನು ಮುಂದುವರಿಸಿದೆ ಎಂದು ಆರೋಪಿಸಿದ್ದರು.

ಆದರೆ ಜುಲೈ 17ರಂದು ಪ್ರಕಟಣೆ ಹೊರಡಿಸಿದ್ದ ಶ್ವೇತಭವನ, ಒಪ್ಪಂದಕ್ಕೆ ಇರಾನ್ ಬದ್ಧವಾಗಿದೆ ಎಂದು ಘೋಷಿಸಿತ್ತು. ಆದರೆ ಕೆಲ ದಿನಗಳ ಬಳಿಕ ಕ್ಷಿಪಣಿ ಕಾರ್ಯಕ್ರಮ ಹಮ್ಮಿಕೊಂಡ ಆರೋಪದ ಮೇಲೆ ಇರಾನ್ ಮೇಲೆ ನಿರ್ಬಂಧಗಳನ್ನು ವಿಧಿಸಿ ಅಮೆರಿಕ ಅದೇಶ ಹೊರಡಿಸಿತ್ತು.

ಟ್ರಂಪ್ ಸಹಿ: ಇರಾನ್‌ ಪ್ರತಿಭಟನೆ

ಇರಾನ್‌ನ ಕ್ಷಿಪಣಿ ಕಾರ್ಯಕ್ರಮ ಹಾಗೂ ಮಾನವ ಹಕ್ಕು ಉಲ್ಲಂಘನೆ ಆರೋಪ ಹೊರಿಸಿ ಮಂಡಿಸಲಾಗಿರುವ ಮಸೂದೆಗೆ ಟ್ರಂಪ್ ಅವರು ಸಹಿ ಹಾಕಿದ್ದು, ಮುಂದಿನ ವಾರ ಅಮೆರಿಕ ಸಂಸತ್ತಿನಲ್ಲಿ ಮತದಾನ ನಡೆಯಲಿದೆ.

ಈ ಮಧ್ಯೆ ಅಮೆರಿಕ ವಿಧಿಸಿದ ನಿರ್ಬಂಧಗಳು ಪರಮಾಣು ಒಪ್ಪಂದದ ಉಲ್ಲಂಘನೆ ಎಂದು ಇರಾನ್ ಪ್ರತಿಭಟನೆ ದಾಖಲಿಸಿದೆ. ತನ್ನ ಕ್ಷಿಪಣಿ ಕಾರ್ಯಕ್ರಮಗಳು ಸ್ವಯಂ ರಕ್ಷಣೆಗೆ ಮಾತ್ರವೇ ಎಂದು ಇರಾನ್ ಸಮರ್ಥಿಸಿಕೊಂಡಿದೆ.

Comments
ಈ ವಿಭಾಗದಿಂದ ಇನ್ನಷ್ಟು

ಬೈರೂತ್‌
ಕಾಬೂಲ್ ದಾಳಿ ಐಎಸ್‌ ಹೊಣೆ

‘ಐಎಸ್‌ನ ಸುನ್ನಿ ಉಗ್ರರು ಮಸೀದಿ ಮೇಲೆ ಬಾಂಬ್‌ ದಾಳಿ ನಡೆಸಿದ್ದಾರೆ’ ಎಂದು ಟೆಲಿಗ್ರಾಂ ಸಂದೇಶದಲ್ಲಿ ತಿಳಿಸಿದೆ.

22 Oct, 2017

ಕರಾಚಿ
ಪೊಲೀಸ್‌ಗೆ ಬೈಕ್‌ ಡಿಕ್ಕಿ ಹೊಡೆಸಿದ ಯುವಕನಿಗೆ ಸಿಗ್ನಲ್‌ನಲ್ಲಿ ನಿಲ್ಲುವ ಶಿಕ್ಷೆ

2015 ರ ಸೆಪ್ಟೆಂಬರ್‌ 27 ರಂದು ಆಗಿನ ಅಧ್ಯಕ್ಷ ಪರ್ವೇಜ್‌ ಮುಷರಫ್‌ ಅವರು ಸಾಗುವ ರಸ್ತೆಯ ಸಿಗ್ನಲ್‌ನಲ್ಲಿ ನಿಂತಿದ್ದ ಕಾನ್‌ಸ್ಟೆಬಲ್‌ಗೆ ವೇಗವಾಗಿ ಬೈಕ್‌ನಲ್ಲಿ ಬಂದು...

22 Oct, 2017
ಬಾಲಕಿ ಪತ್ತೆಗಾಗಿ ಅಮೆರಿಕನ್ನರ ಪ್ರಾರ್ಥನೆ

ವಿದೇಶ
ಬಾಲಕಿ ಪತ್ತೆಗಾಗಿ ಅಮೆರಿಕನ್ನರ ಪ್ರಾರ್ಥನೆ

22 Oct, 2017

ಕೈರೋ
ಉಗ್ರರೊಂದಿಗೆ ಘರ್ಷಣೆ: ಸೈನಿಕರು ಸೇರಿ 50 ಪೊಲೀಸರ ಸಾವು

ರಕ್ಷಣಾ ಪಡೆ ಹಾಗೂ ಹಾಸ್ಮ್‌ ಎಂಬ  ಉಗ್ರಗಾಮಿ ಸಂಘಟನೆ  ನಡುವೆ ಶುಕ್ರವಾರ ನಡೆದ ಘರ್ಷಣೆಯಲ್ಲಿ ಕೆಲ ಉಗ್ರರೂ ಸಾವನ್ನಪ್ಪಿರುವುದಾಗಿ ಈಜಿಪ್ಟ್‌ನ ಆಂತರಿಕ ಸಚಿವಾಲಯ ತಿಳಿಸಿತ್ತು. ...

22 Oct, 2017

ವಾಷಿಂಗ್ಟನ್‌
ದೀಪಾವಳಿ: ಅಮೆರಿಕ ಸಂಸತ್ತಿನಲ್ಲಿ ಪ್ರಸ್ತಾವ

‘ಈ ನಿರ್ಣಯ ಮಂಡಿಸಲು ನನಗೆ ಸಂತಸವಾಗುತ್ತಿದೆ. ಹಿಂದೂ, ಸಿಖ್‌, ಜೈನ ಸಮುದಾಯದವರಿಗೆ ಪರಸ್ಪರ ಧನ್ಯವಾದ ಹೇಳಲು, ಕೆಟ್ಟದ್ದರ ವಿರುದ್ಧ ಒಳ್ಳೆಯದು ಗೆಲುವು ಸಾಧಿಸಿದ್ದನ್ನು ಸಂಭ್ರಮಿಸುವ...

22 Oct, 2017