ಕಾರಣವೇ ಇಲ್ಲದೆ ಕೆಲವರ ಮೇಲೆ ಪ್ರೇಮಾಂಕುರವಾಗುತ್ತದೆ. ‘ಅವನು ನನ್ನ ಬಳಿ ಸುಳಿದಾಡಿದಾಗೆಲ್ಲಾ, ನನ್ನೊಳಗೆ ಏನೋ ಪುಳಕ. ಅವನು ನಡೆದುಹೋದ ಗಾಳಿಯಲ್ಲೂ ಅವನ ಪ್ರೇಮ ಗಂಧವೇ ನನ್ನ ಕಾಡುತ್ತದೆ. ನನಗವನು ಇಷ್ಟ ಎಂದು ಮನಸ್ಸು ಸಾವಿರ ಬಾರಿ ಹೇಳುತ್ತಿದೆ’ ಎಂದು ನೀವು ಹೇಳುತ್ತಿರುವಾಗ, ‘ಇದೆಲ್ಲಾ ಸುಮ್ಮನೆ ನೀನೆಂದುಕೊಳ್ಳುತ್ತಿರುವ ಕಲ್ಪನೆ’ ಎಂದು ಗೆಳತಿ ಛೇಡಿಸಿದರೆ, ‘ಇದು ತಮಾಷೆಯಲ್ಲ’ ಎಂದು ಹೇಳಿ. ಏಕೆಂದರೆ ವಿಜ್ಞಾನಿಗಳು ಇದು ಸತ್ಯ ಎಂದಿದ್ದಾರೆ.
