ಅಹಮ್ಮದಾಬಾದ್: ಪಂಕಜ್ ಅಡ್ವಾನಿ ನೇತೃತ್ವದ ಚೆನ್ನೈ ಸ್ಟ್ರೈಕರ್ಸ್ ತಂಡವನ್ನು ಮಣಿಸಿದ ಬೆಂಗಳೂರು ಬಡ್ಡೀಸ್ ತಂಡದವರು ಇಂಡಿಯನ್ ಕ್ಯೂ ಮಾಸ್ಟರ್ಸ್ ಲೀಗ್ನಲ್ಲಿ ಜಯಭೇರಿ ಮೊಳಗಿಸಿದರು. ಒಂದು ಹಂತದಲ್ಲಿ 2–1ರ ಮುನ್ನಡೆ ಗಳಿಸಿದ್ದ ಬೆಂಗಳೂರು ಬಡ್ಡೀಸ್ ನಂತರ ಅಮೋಘ ಆಟವಾಡಿ ಜಯ ತನ್ನದಾಗಿಸಿಕೊಂಡಿತು. ನಿರ್ಣಾಯಕ ಪಂದ್ಯದಲ್ಲಿ ಡ್ಯಾರೆನ್ ಮಾರ್ಗನ್ ಅವರು ಪಂಕಜ್ ಅಡ್ವಾನಿ ಎದುರು ಗಳಿಸಿದ ಜಯ ಬೆಂಗಳೂರು ತಂಡ ಮೇಲುಗೈ ಸಾಧಿಸಲು ನೆರವಾಯಿತು.