ಟ್ರಂಪ್‌ ಹೇಳಿಕೆಗೆ ತಾಲಿಬಾನ್‌ ಎಚ್ಚರಿಕೆ

ಅಫ್ಗಾನಿಸ್ತಾನದಿಂದ ಅಮೆರಿಕ ಸೇನೆ ತೊಲಗಲಿ

ಅಫ್ಗಾನಿಸ್ತಾನದಲ್ಲಿರುವ ಸೇನೆಯನ್ನು ಅಮೆರಿಕ ವಾಪಸ್‌ ಕರೆಸಿಕೊಳ್ಳಬೇಕು ಎಂದು ತಾಲಿಬಾನ್‌ ಎಚ್ಚರಿಕೆ ನೀಡಿದೆ.

ಅಫ್ಗಾನಿಸ್ತಾನದಿಂದ ಅಮೆರಿಕ ಸೇನೆ ತೊಲಗಲಿ

ಕಾಬೂಲ್‌ (ಎಎಫ್‌ಪಿ): ಅಫ್ಗಾನಿಸ್ತಾನದಲ್ಲಿರುವ ಸೇನೆಯನ್ನು ಅಮೆರಿಕ ವಾಪಸ್‌ ಕರೆಸಿಕೊಳ್ಳಬೇಕು ಎಂದು ತಾಲಿಬಾನ್‌ ಎಚ್ಚರಿಕೆ ನೀಡಿದೆ. ಒಂದು ವೇಳೆ ಈ ಬಗ್ಗೆ ನಿರ್ಧಾರ ಕೈಗೊಳ್ಳದಿದ್ದರೆ ಅಮೆರಿಕದ ಪಾಲಿಗೆ ಅಫ್ಗಾನಿಸ್ತಾನ ಸ್ಮಶಾನವಾಗಲಿದೆ ಎಂದು ಕಠಿಣ ಸಂದೇಶ ನೀಡಿದೆ.

‘ನಮ್ಮ ನೆಲದಲ್ಲಿ ಅಮೆರಿಕದ ಒಬ್ಬ ಸೈನಿಕ ಇರುವವರೆಗೂ ಮತ್ತು ನಮ್ಮ ಮೇಲೆ ಯುದ್ಧ ಹೇರುವುದನ್ನು ನಿಲ್ಲಿಸುವವರೆಗೂ ಜಿಹಾದ್‌ ಅನ್ನು ಇನ್ನೂ ಹೆಚ್ಚು ಉತ್ಸಾಹದಿಂದ ಮುಂದುವರಿಸುತ್ತೇವೆ’ ಎಂದು ತಾಲಿಬಾನ್‌ ವಕ್ತಾರ ಝಬಿವುಲ್ಲಾಹ್‌ ಮುಜಾಹಿದ್‌ ತಿಳಿಸಿದ್ದಾರೆ.

‘ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಆಕ್ರಮಣಕಾರಿ ನಡವಳಿಕೆಯನ್ನು ಮುಂದುವರಿಸಿದ್ದಾರೆ. ಮಾಜಿ ಅಧ್ಯಕ್ಷ ಜಾರ್ಜ್‌ ಡಬ್ಲ್ಯೂ ಬುಷ್‌ ಸಹ ಇದೇ ರೀತಿ ವರ್ತಿಸಿದ್ದರು. ಅಮೆರಿಕದ ಸೈನಿಕರ ಶಕ್ತಿ ಮತ್ತು ಸಾಮರ್ಥ್ಯ ಇಲ್ಲಿ ವ್ಯರ್ಥವಾಗುತ್ತಿದೆ. ನಮ್ಮ ದೇಶವನ್ನು ಹೇಗೆ ರಕ್ಷಿಸಿಕೊಳ್ಳಬೇಕು ಎನ್ನುವುದು ನಮಗೆ ಗೊತ್ತಿದೆ. ಯಾವುದನ್ನೂ ಬದಲಾವಣೆ ಮಾಡಲು ಸಾಧ್ಯವಿಲ್ಲ’ ಎಂದು ತಾಲಿಬಾನ್‌ನ ಹಿರಿಯ ಕಮಾಂಡರ್‌ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

‘ಹಲವಾರು ವರ್ಷಗಳಿಂದ ನಾವು ಹೋರಾಟ ನಡೆಸುತ್ತಿದ್ದೇವೆ. ನಾವು ಭಯಪಟ್ಟುಕೊಂಡಿಲ್ಲ. ನಮ್ಮ ಕೊನೆ ಉಸಿರು ಇರುವವರೆಗೂ ಯುದ್ಧವನ್ನು ಎದುರಿಸುತ್ತೇವೆ. ಪ್ರಸ್ತುತ ಅಫ್ಗನ್‌ ಸರ್ಕಾರ ಅಮೆರಿಕದ ಕೈಗೊಂಬೆಯಾಗಿದೆ ಎನ್ನುವುದು ಟ್ರಂಪ್‌ ಅವರು ನೀಡಿಕೆ ಹೇಳಿಕೆಯಿಂದ ಸಾಬೀತಾಗಿದೆ’ ಎಂದು ಅವರು ಹೇಳಿದ್ದಾರೆ.

ಅಫ್ಗಾನಿಸ್ತಾನದಿಂದ ಆತುರದಲ್ಲಿ ಸೇನೆಯನ್ನು ವಾಪಸ್‌ ಕರೆಸಿಕೊಳ್ಳುವುದಿಲ್ಲ. ಬದಲಾಗಿ ಇನ್ನೂ ಸಾವಿರಾರು ಸೈನಿಕರನ್ನು ಕಳುಹಿಸುವುದಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಹೇಳಿಕೆ ನೀಡಿದ ಬಳಿಕ ತಾಲಿಬಾನ್‌ ಈ ಪ್ರತಿಕ್ರಿಯೆ ನೀಡಿದೆ.

ಅಫ್ಗಾನಿಸ್ತಾನದಲ್ಲಿನ ಸುದೀರ್ಘ ಯುದ್ಧವನ್ನು ಶೀಘ್ರದಲ್ಲಿ ಅಂತ್ಯಗೊಳಿಸುವುದಾಗಿ ಡೊನಾಲ್ಡ್‌ ಟ್ರಂಪ್‌ ಅವರು ಈ ಮೊದಲು ಹೇಳಿಕೆ ನೀಡಿದ್ದರು. ಆದರೆ, ಸೋಮವಾರ ರಾಷ್ಟ್ರವನ್ನು ಉದ್ದೇಶಿಸಿ ಮಾತನಾಡಿದ ಟ್ರಂಪ್‌ ಅವರು, ಈ ಬಗ್ಗೆ  ತದ್ವಿರುದ್ವ ಹೇಳಿಕೆ ನೀಡಿದರು. ಅಫ್ಗಾನಿಸ್ತಾನದಿಂದ ನಿರ್ಗಮಿಸುವುದು ಸರಿಯಲ್ಲ ಎಂದು ಅಭಿಪ್ರಾಯಪಟ್ಟರು. ಆದರೆ, ನಿಯೋಜಿಸಲಾಗುವ ಸೇನಾ ತುಕಡಿಗಳ ವಿವರ ನೀಡಲಿಲ್ಲ.

ಅಫ್ಗಾನಿಸ್ತಾನಕ್ಕೆ 3,900 ಸೈನಿಕರನ್ನು ನಿಯೋಜಿಸಲು ರಕ್ಷಣಾ ಸಚಿವರಿಗೆ ಟ್ರಂಪ್‌ ಸೂಚಿಸಿದ್ದಾರೆ ಎಂದು ಶ್ವೇತ ಭವನದ ಅಧಿಕಾರಿಗಳು ತಿಳಿಸಿದ್ದಾರೆ.

* ಯುದ್ಧವನ್ನು ಮುಂದುವರಿಸುವ ಬದಲಾಗಿ ಅಫ್ಗಾನಿಸ್ತಾನದಿಂದ ಹೇಗೆ ಸೇನೆಯನ್ನು ವಾಪಸ್‌ ಕರೆಸಿಕೊಳ್ಳಬೇಕು ಎನ್ನುವ ಬಗ್ಗೆ ಅಮೆರಿಕ ಚಿಂತನೆ ನಡೆಸಬೇಕು

- ಝಬಿವುಲ್ಲಾಹ್‌ ಮುಜಾಹಿದ್‌, ತಾಲಿಬಾನ್‌ ವಕ್ತಾರ

Comments
ಈ ವಿಭಾಗದಿಂದ ಇನ್ನಷ್ಟು
ಇಂಗ್ಲೆಂಡ್‌ನಲ್ಲಿ ‘ಪದ್ಮಾವತಿ’ ಬಿಡುಗಡೆಗೆ ಬ್ರಿಟಿಷ್‌ ಸೆನ್ಸಾರ್‌ ಮಂಡಳಿ ಸಮ್ಮತಿ

12ಎ ರೇಟಿಂಗ್‌
ಇಂಗ್ಲೆಂಡ್‌ನಲ್ಲಿ ‘ಪದ್ಮಾವತಿ’ ಬಿಡುಗಡೆಗೆ ಬ್ರಿಟಿಷ್‌ ಸೆನ್ಸಾರ್‌ ಮಂಡಳಿ ಸಮ್ಮತಿ

23 Nov, 2017

ಅಮೆರಿಕದ ಅವಳಿ ಗೋಪುರ ಧ್ವಂಸ ಪ್ರಕರಣ
ವಿಮಾನಯಾನ ಸಂಸ್ಥೆಗಳಿಂದ ₹617 ಕೋಟಿ ಪಾವತಿ ಒಪ್ಪಂದ

2011ರ ಸೆಪ್ಟೆಂಬರ್ 11ರಂದು ಇಲ್ಲಿನ ವಿಶ್ವ ವಾಣಿಜ್ಯ ಕೇಂದ್ರದ ಅವಳಿ ಗೋಪುರ ಧ್ವಂಸ ಪ್ರಕರಣ ಸಂಬಂಧ ಅಮೆರಿಕನ್ ಏರ್‌ಲೈನ್ಸ್ ಹಾಗೂ ಯುನೈಟೆಡ್ ಏರ್‌ಲೈನ್ಸ್‌ ಸಂಸ್ಥೆಗಳು...

23 Nov, 2017
ಉದ್ಯಮಿ ಅದಾನಿಗೆ ಚೀನಾ ಸಾಲ?

ಕಾರ್ಮೈಕಲ್ ಕಲ್ಲಿದ್ದಲು ಗಣಿಗಾರಿಕೆ ಯೋಜನೆ
ಉದ್ಯಮಿ ಅದಾನಿಗೆ ಚೀನಾ ಸಾಲ?

23 Nov, 2017
ಮಾಂಸ ಸೇವನೆ: ಗಣೇಶನ ಜಾಹೀರಾತು ಹಿಂದಕ್ಕೆ

ಜಾಹೀರಾತಿಗೆ ವ್ಯಾಪಕ ಪ್ರತಿರೋಧ
ಮಾಂಸ ಸೇವನೆ: ಗಣೇಶನ ಜಾಹೀರಾತು ಹಿಂದಕ್ಕೆ

23 Nov, 2017
ಹೈಡ್ರೋಜನ್ ಇಂಧನ ಚಾಲಿತ ಕಾರು ಶೀಘ್ರ ಬಳಕೆಗೆ?

ಲಾಂಸ್ ಏಂಜಲೀಸ್
ಹೈಡ್ರೋಜನ್ ಇಂಧನ ಚಾಲಿತ ಕಾರು ಶೀಘ್ರ ಬಳಕೆಗೆ?

23 Nov, 2017