ಚಾರಿತ್ರಿಕ ತೀರ್ಪು

ಖಾಸಗಿತನ ಮೂಲಭೂತ ಹಕ್ಕು: ವ್ಯಕ್ತಿ ಸ್ವಾತಂತ್ರ್ಯ, ಲೈಂಗಿಕ ಒಲವು, ಗರ್ಭಪಾತದ ಹಕ್ಕುಗಳ ವ್ಯಾಖ್ಯಾನ ಬದಲು

ಎಲ್ಲ ಭಾರತೀಯರ ಬದುಕಿನ ಮೇಲೆ ಪರಿಣಾಮ ಬೀರುವಂತಹ ಚಾರಿತ್ರಿಕ ತೀರ್ಪು ನೀಡಿರುವ ಸುಪ್ರೀಂ ಕೋರ್ಟ್‌ನ ಒಂಬತ್ತು ನ್ಯಾಯಮೂರ್ತಿಗಳ ಸಂವಿಧಾನ ಪೀಠವು ಖಾಸಗಿತದ ಹಕ್ಕು ಸಂವಿಧಾನ ನೀಡಿರುವ ಮೂಲಭೂತ ಹಕ್ಕಿನ ಭಾಗವೇ ಆಗಿದೆ ಎಂದು ಸರ್ವಾನುಮತದಿಂದ ಹೇಳಿದೆ.

ಖಾಸಗಿತನ ಮೂಲಭೂತ ಹಕ್ಕು: ವ್ಯಕ್ತಿ ಸ್ವಾತಂತ್ರ್ಯ, ಲೈಂಗಿಕ ಒಲವು, ಗರ್ಭಪಾತದ ಹಕ್ಕುಗಳ ವ್ಯಾಖ್ಯಾನ ಬದಲು

ನವದೆಹಲಿ: ಎಲ್ಲ ಭಾರತೀಯರ ಬದುಕಿನ ಮೇಲೆ ಪರಿಣಾಮ ಬೀರುವಂತಹ ಚಾರಿತ್ರಿಕ ತೀರ್ಪು ನೀಡಿರುವ ಸುಪ್ರೀಂ ಕೋರ್ಟ್‌ನ ಒಂಬತ್ತು ನ್ಯಾಯಮೂರ್ತಿಗಳ ಸಂವಿಧಾನ ಪೀಠವು ಖಾಸಗಿತದ ಹಕ್ಕು ಸಂವಿಧಾನ ನೀಡಿರುವ ಮೂಲಭೂತ ಹಕ್ಕಿನ ಭಾಗವೇ ಆಗಿದೆ ಎಂದು ಸರ್ವಾನುಮತದಿಂದ ಹೇಳಿದೆ.

ಸಾಮಾಜಿಕ ಅಭಿವೃದ್ಧಿಗೆ ಸಂಬಂಧಿಸಿದ ವಿವಿಧ ಯೋಜನೆಗಳ ಅಡಿಯಲ್ಲಿನ ಸೌಲಭ್ಯಗಳನ್ನು ಪಡೆಯುವುದಕ್ಕೆ ಆಧಾರ್‌ ನೋಂದಣಿಯನ್ನು ಕಡ್ಡಾಯಗೊಳಿಸಲು ಮುಂದಾಗಿರುವ ಸರ್ಕಾರದ ಕ್ರಮವನ್ನು ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಹಲವು ಅರ್ಜಿಗಳ ವಿಚಾರಣೆ ನಡೆಸಿದ ಮುಖ್ಯ ನ್ಯಾಯಮೂರ್ತಿ ಜಿ.ಎಸ್‌. ಖೇಹರ್‌ ನೇತೃತ್ವದ ಪೀಠವು ಈ ತೀರ್ಪುನೀಡಿದೆ.

ದೇಶದಾದ್ಯಂತ ಭಾರಿ ಚರ್ಚೆಗೆ ಕಾರಣವಾಗಿದ್ದ ಈ ವಿಚಾರದ ವಿಚಾರಣೆ ಸಂದರ್ಭದಲ್ಲಿ, ಖಾಸಗಿತನವು ಮೂಲಭೂತ ಹಕ್ಕು ಅಲ್ಲ ಎಂದು ಕೇಂದ್ರ ಸರ್ಕಾರ ಪ್ರತಿಪಾದಿಸಿತ್ತು.

‘ಆಧಾರ್‌ ನೋಂದಣಿಗಾಗಿ ಜನರು ತಮ್ಮ ಬೆರಳಚ್ಚು, ಕಣ್ಣು ಪಾಪೆಯ ಗುರುತುಗಳು ಮತ್ತು ವೈಯಕ್ತಿಕ ಮಾಹಿತಿಗಳನ್ನು ಸರ್ಕಾರಕ್ಕೆ ನೀಡಬೇಕು. ಆದರೆ ಈ ಮಾಹಿತಿಗಳನ್ನು ವಾಣಿಜ್ಯ ಸಂಸ್ಥೆಗಳು ಬಳಸಿಕೊಳ್ಳುತ್ತಿವೆ. ಹಾಗಾಗಿ ಇದು ಖಾಸಗಿತನದ ಹಕ್ಕಿನ ಉಲ್ಲಂಘನೆ’ ಎಂದು ಆಧಾರ್‌ ಕಡ್ಡಾಯಗೊಳಿಸುವಿಕೆಯನ್ನು ಪ್ರಶ್ನಿಸಿದ್ದ ಅರ್ಜಿದಾರರು ವಾದಿಸಿದ್ದರು.

ತೀರ್ಪಿನ ಸಾರಾಂಶವನ್ನು ಜೆ.ಎಸ್‌. ಖೇಹರ್‌ ಅವರು ಓದಿದರು. ಪೀಠದ ಒಂಬತ್ತು ನ್ಯಾಯಮೂರ್ತಿಗಳಲ್ಲಿ ಖಾಸಗಿತನ ಮೂಲಭೂತ ಹಕ್ಕು ಹೌದು ಎಂಬ ಬಗ್ಗೆ ಯಾವುದೇ ಭಿನ್ನಾಭಿಪ್ರಾಯ ಇರಲಿಲ್ಲ. ಆದರೆ ಕೆಲವು ನ್ಯಾಯಮೂರ್ತಿಗಳು ಈ ನಿರ್ಧಾರಕ್ಕೆ ಬರಲು ಬೇರೆ ಬೇರೆ ಆಧಾರಗಳನ್ನು ನೀಡಿದ್ದಾರೆ. ಹಾಗಾಗಿ ಅವರು ಪ್ರತ್ಯೇಕ ತೀರ್ಪುಗಳನ್ನು ಬರೆದಿದ್ದಾರೆ ಎಂದು ತೀರ್ಪು ಓದುವ ಮುನ್ನ ಖೇಹರ್‌ ತಿಳಿಸಿದರು.

ಸಂವಿಧಾನ ಪೀಠ ನೀಡಿರುವ ತೀರ್ಪು ಖಾಸಗಿತನ ಮೂಲಭೂತ ಹಕ್ಕು ಹೌದೇ ಅಲ್ಲವೇ ಎಂಬುದನ್ನು ನಿರ್ಧರಿಸುವುದಕ್ಕೆ ಮಾತ್ರ ಸೀಮಿತವಾಗಿದೆ. ಆಧಾರ್‌ ಯೋಜನೆಯು ಮೂಲಭೂತ ಹಕ್ಕುಗಳನ್ನು ಉಲ್ಲಂಘಿಸುತ್ತಿದೆಯೇ ಎಂಬುದನ್ನು ಐವರು ನ್ಯಾಯಮೂರ್ತಿಗಳ ಪ್ರತ್ಯೇಕವಾದ ಸಂವಿಧಾನ ಪೀಠ 2015ರಿಂದಲೇ ವಿಚಾರಣೆ ನಡೆಸುತ್ತಿದೆ.

ಈಗಿನ ತೀರ್ಪಿನ ಆಧಾರದಲ್ಲಿ ಆಧಾರ್‌ ಯೋಜನೆಯು ಮೂಲಭೂತ ಹಕ್ಕುಗಳನ್ನು ಉಲ್ಲಂಘಿಸುತ್ತಿದೆಯೇ ಎಂಬುದು ನಿರ್ಧಾರವಾಗಲಿದೆ. 

ಸಂವಿಧಾನ ಪೀಠ: ಮುಖ್ಯ ನ್ಯಾಯಮೂರ್ತಿ ಜೆ.ಎಸ್‌. ಖೇಹರ್‌, ನ್ಯಾಯಮೂರ್ತಿಗಳಾದ ಜೆ. ಚಲಮೇಶ್ವರ್‌, ಎಸ್‌.ಎ. ಬೊಬ್ಡೆ, ಆರ್‌.ಕೆ. ಅಗರ್‌ವಾಲ್‌, ಆರ್‌.ಎಫ್‌. ನಾರಿಮನ್‌, ಎ.ಎಂ. ಸಪ್ರೆ, ಡಿ.ವೈ. ಚಂದ್ರಚೂಡ್‌,  ಎಸ್‌. ಕೆ. ಕೌಲ್‌, ಎಸ್‌. ಅಬ್ದುಲ್‌ ನಜೀರ್‌

Comments
ಈ ವಿಭಾಗದಿಂದ ಇನ್ನಷ್ಟು
ಸೋಮವಾರ ಫಲಿತಾಂಶ: ಗುಜರಾತ್‌ ಚುನಾವಣೆ ವೇಳೆ ಸುದ್ದಿಯಾದ ಪ್ರಮುಖ ಹತ್ತು ವಿವಾದಗಳು

ಗುಜರಾತ್‌ ಗುದ್ದಾಟ
ಸೋಮವಾರ ಫಲಿತಾಂಶ: ಗುಜರಾತ್‌ ಚುನಾವಣೆ ವೇಳೆ ಸುದ್ದಿಯಾದ ಪ್ರಮುಖ ಹತ್ತು ವಿವಾದಗಳು

17 Dec, 2017
'ರಾಹುಲ್ ಗುಲಾಬಿ', 'ರಾಹುಲ್ ಹರ್ಬಲ್ ಟೀ' ನಂತರ ಇದೀಗ 'ರಾಹುಲ್ ಹಾಲು': ರಾಹುಲ್ ಅಭಿಮಾನಿಯಿಂದ ವಿನೂತನ ಪ್ರಚಾರ

ರಾಹುಲ್ ಅಧ್ಯಕ್ಷರಾದ ಖುಷಿಗೆ ಹಾಲು ವಿತರಣೆ
'ರಾಹುಲ್ ಗುಲಾಬಿ', 'ರಾಹುಲ್ ಹರ್ಬಲ್ ಟೀ' ನಂತರ ಇದೀಗ 'ರಾಹುಲ್ ಹಾಲು': ರಾಹುಲ್ ಅಭಿಮಾನಿಯಿಂದ ವಿನೂತನ ಪ್ರಚಾರ

17 Dec, 2017
ಮಥುರಾದಲ್ಲಿ ಭಗವದ್ಗೀತೆ ಸಂಶೋಧನಾ ಕೇಂದ್ರ ಸ್ಥಾಪನೆ : ಉತ್ತರ ಪ್ರದೇಶ ಸಚಿವ ಲಕ್ಷ್ಮಿ ನಾರಾಯಣ ಚೌಧರಿ

ಮಥುರಾ
ಮಥುರಾದಲ್ಲಿ ಭಗವದ್ಗೀತೆ ಸಂಶೋಧನಾ ಕೇಂದ್ರ ಸ್ಥಾಪನೆ : ಉತ್ತರ ಪ್ರದೇಶ ಸಚಿವ ಲಕ್ಷ್ಮಿ ನಾರಾಯಣ ಚೌಧರಿ

17 Dec, 2017
ಭಾರತೀಯ ಹೈಕಮಿಷನ್ ಕಚೇರಿ ಅಧಿಕಾರಿಗಳಿಂದ ಹನಿಟ್ರ್ಯಾಪ್ ಮೂಲಕ ಮಾಹಿತಿ ಸೋರಿಕೆಗೆ ಯತ್ನಿಸಿದ ಐಎಸ್‌ಐ; ಪಾಕ್ ತಂತ್ರ ವಿಫಲ

ಸೋರಿಕೆಯಾಗಿಲ್ಲ ಮಾಹಿತಿ
ಭಾರತೀಯ ಹೈಕಮಿಷನ್ ಕಚೇರಿ ಅಧಿಕಾರಿಗಳಿಂದ ಹನಿಟ್ರ್ಯಾಪ್ ಮೂಲಕ ಮಾಹಿತಿ ಸೋರಿಕೆಗೆ ಯತ್ನಿಸಿದ ಐಎಸ್‌ಐ; ಪಾಕ್ ತಂತ್ರ ವಿಫಲ

17 Dec, 2017
ವಿದ್ಯಾರ್ಥಿನಿಯನ್ನು ಆಲಿಂಗಿಸಿದಕ್ಕೆ ಪ್ಲಸ್ ಟು ವಿದ್ಯಾರ್ಥಿ ವಿರುದ್ಧ ಶಿಸ್ತು ಕ್ರಮ

ಶಾಲೆಯ ವಿರುದ್ಧ ನ್ಯಾಯಾಲಯದ ಮೆಟ್ಟಿಲೇರಿದ ಹೆತ್ತವರು
ವಿದ್ಯಾರ್ಥಿನಿಯನ್ನು ಆಲಿಂಗಿಸಿದಕ್ಕೆ ಪ್ಲಸ್ ಟು ವಿದ್ಯಾರ್ಥಿ ವಿರುದ್ಧ ಶಿಸ್ತು ಕ್ರಮ

17 Dec, 2017