ಕಾಮಧೇನುವಿಗೆ ಕೇಳಿದ್ದೆಲ್ಲವನ್ನೂ ನೀಡುವ ಶಕ್ತಿ ಇದೆ ಎಂಬ ನಂಬಿಕೆ ಇದೆ. ಫೆಂಗ್‌ಶೂಯಿ ವಾಸ್ತುವಿನಲ್ಲಿಯೂ ಕಾಮಧೇನುವಿಗೆ ವಿಶೇಷ ಮಹತ್ವ ನೀಡಲಾಗಿದೆ. ಇದು ಮನೆಯಲ್ಲಿದ್ದರೆ ನೆಮ್ಮದಿ, ಸುಖ ನೆಲೆಸಿರುತ್ತದೆ ಎನ್ನುತ್ತದೆ ವಾಸ್ತು.
l ಸೋಮವಾರ ಮನೆಯ ನೈಋತ್ಯ ಭಾಗದಲ್ಲಿ ಇದನ್ನು ಇರಿಸುವುದರಿಂದ ಅನಾವಶ್ಯಕ ಖರ್ಚು ಕಡಿಮೆಯಾಗುತ್ತದೆ. ಇದನ್ನು ಮನೆ, ಕಚೇರಿಯಲ್ಲಿ ಇಡಬಹುದು. ಸಂಕಷ್ಟದ ವಾತಾವರಣವನ್ನು ತಿಳಿ ಮಾಡುವ ಶಕ್ತಿ ಇದಕ್ಕಿದೆ. ಆರ್ಥಿಕವಾಗಿ ಪ್ರಗತಿ ಸಾಧಿಸಬಹುದು ಎಂಬ ನಂಬಿಕೆ ಇದೆ.
l ನಿಮ್ಮ ಕೋರಿಕೆಗಳನ್ನು ಪೂರೈಸುವ ಶಕ್ತಿ ಇದಕ್ಕಿದೆ. ಈಶಾನ್ಯ-ಆಗ್ನೇಯ ದಿಕ್ಕಿನಲ್ಲಿ ಇರಿಸುವುದರಿಂದ ಮನೆ ಮಂದಿಯ ಆತಂಕ ಮಾಡಿಮೆ ಮಾಡುತ್ತದೆ. ಮನೆ ಜಗಳವೂ ಕಡಿಮೆಯಾಗುತ್ತದೆ.
l ನಕಾರಾತ್ಮಕ ಶಕ್ತಿಯನ್ನು ಮನೆ ಒಳಗೆ ಪ್ರವೇಶಿಸದಂತೆ ತಡೆಯುತ್ತದೆ. ಇದರಿಂದ ಮನೆ ಮಂದಿ ನೆಮ್ಮದಿಯಿಂದ ಇರುವುದು ಸಾಧ್ಯವಾಗುತ್ತದೆ.
l ಕೆಲಸ ಅಥವಾ ಇನ್ಯಾವುದೇ ಕಾರಣಕ್ಕೆ ನೀವು ಖಿನ್ನರಾಗಿದ್ದರೆ ಇದನ್ನು ಮನೆಯ ಪಶ್ಚಿಮ ಮತ್ತು ವಾಯವ್ಯ ದಿಕ್ಕುಗಳ ಮಧ್ಯದ ಪ್ರದೇಶದಲ್ಲಿ ಇರಿಸುವುದರಿಂದ ಖಿನ್ನತೆಯಿಂದ ದೂರಾಗಬಹುದು.
l ಗಣಿಗಾರಿಕೆ, ಕಟ್ಟಡ ನಿರ್ಮಾಣಕ್ಕೆ ಸಂಬಂಧಿಸಿದ ಕ್ಷೇತ್ರದವರು ಮನೆ ಅಥವಾ ಕಚೇರಿಯ ಪೂರ್ವ, ದಕ್ಷಿಣ ದಿಕ್ಕಿನಲ್ಲಿ ಇರಿಸುವುದರಿಂದ ಈ ಕ್ಷೇತ್ರದಲ್ಲಿ ಅಭಿವೃದ್ಧಿ ಗಳಿಸಬಹುದು.
