ವೇದಿಕೆವರೆಗೆ ಮುಖ್ಯಮಂತ್ರಿ ಕಾರು ತೆರಳುವ ರಸ್ತೆ ನಿರ್ಮಿಸಲು ಜಿಲ್ಲಾಡಳಿತ ಕಾಂಪೌಂಡ್‌ ಗೇಟ್‌ನ ಎರಡೂ ಭಾಗವನ್ನು ಒಡೆದಿದೆ. ‘ಸರ್ಕಾರಿ ಅನುದಾನದಲ್ಲಿ ಕಾಂಪೌಂಡ್‌ ನಿರ್ಮಾಣ ಮಾಡಲಾಗಿದೆ. ನಾಲ್ಕೈದು ಮೀಟರ್‌ ನಡೆದುಕೊಂಡು ಹೋದರೆ ವೇದಿಕೆ ಸಿಗುತ್ತದೆ. ಆದರೆ, ಮುಖ್ಯಮಂತ್ರಿ ಕಾರು ತೆರಳುವುದಕ್ಕಾಗಿ ಲಕ್ಷಾಂತರ ರೂಪಾಯಿ ಹಣ ವೆಚ್ಚಮಾಡಿ ನಿರ್ಮಾಣ ಮಾಡಿರುವ ಕಂಪೌಂಡ್‌ ಒಡೆದಿರುವುದು ಸರಿಯಲ್ಲ’ ಎಂದು ಬಿಜೆಪಿ ನಗರ ಘಟಕದ ಅಧ್ಯಕ್ಷ ಎಚ್‌.ಆರ್‌.ಅರವಿಂದ್‌ ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ಅಸಮಾಧಾನ ವ್ಯಕ್ತಪಡಿಸಿದರು.
