ಬಚ್ಚಬೋರನಹಟ್ಟಿ, ಆರ್‌.ಜೆ.ಹಳ್ಳಿಯಲ್ಲಿ ಬಿರುಸಿನ ಮಳೆ

ಇದೇ ವೇಳೆ ಚಳ್ಳಕೆರೆ ತಾಲ್ಲೂಕಿನ ಗಡಿ ಭಾಗ ರಾಮಜೋಗಿಹಳ್ಳಿಯಿಂದ ದಂಡಿನಕುರುಬರಹಟ್ಟಿವರೆಗೆ ಉತ್ತಮ ಮಳೆಯಾಗಿದೆ. ಹೊಳಲ್ಕೆರೆ ತಾಲ್ಲೂಕಿನಲ್ಲಿ ತುಂತುರು ಮಳೆಯಾಗಿದೆ. ಚಿಕ್ಕಜಾಜೂರು ಸಮೀಪದ ಕಡೂರು ಗ್ರಾಮದಲ್ಲಿ ಸಂಜೆ ಸುರಿದ ಮಳೆಗೆ ರೈತ ನಾಗರಾಜ ಅವರ ಜಮೀನಿನಲ್ಲಿ ರಾಗಿ ಪೈರು ಕೊಚ್ಚಿಕೊಂಡು ಹೋಗಿದೆ.

ಗುಂಜಿಗನೂರು ಸುತ್ತಮುತ್ತ ಉತ್ತಮ ಮಳೆಯಾಗಿದೆ. ಸಿರಿಗೆರೆ ಸಮೀಪದ ಹಲವುದರ ಮತ್ತು ಹಳೇರಂಗಾಪುರದಲ್ಲಿ ಸಾಧಾರಣ ಮಳೆಯಾಗಿದ. ಚಿಕ್ಕಜಾಜೂರಿನ ಸಮೀಪದ ಮುತ್ತಗದೂರು, ತರಳಬಾಳು ನಗರ, ಸಾಸಲು ಗ್ರಾಮಗಳಲ್ಲಿ ಬಿರುಸಿನ ಮಳೆಯಾಗಿದೆ. ಅಂದನೂರು, ಗ್ಯಾರೆಹಳ್ಳಿ, ಬಂಡೆಬೊಮ್ಮನಹಳ್ಳಿ, ಲಿಂಗದಹಳ್ಳೀ, ಹಿರಯೂರು, ಬಿ.ದುರ್ಗ, ದಂಡಿಗನಹಳ್ಳೀಯಲ್ಲಿ ಸಾಧಾರಣ ಮಳೆಯಾಗಿದೆ.