ನೀರಿನ ಮೇಲೆ 8 ಕಿ.ಮೀ. ಮತ್ತು ನೀರಿನ ಒಳಗೆ 4 ಕಿ.ಮೀ. ಇರುವ ಒರೆಸುಂದರ್ ಮಾರ್ಗ ವಿಶಿಷ್ಟ ವಿನ್ಯಾಸದಿಂದ ಎಲ್ಲರ ಗಮನ ಸೆಳೆಯುತ್ತಿದೆ.
ಸ್ವೀಡನ್ನಿಂದ ಡೆನ್ಮಾರ್ಕ್ಗೆ ಸಂಪರ್ಕ ಕಲ್ಪಿಸುವ ಈ ಮಾರ್ಗವು ಕೃತಕ ದ್ವೀಪ ಪೆಬರ್ಹಾಲ್ಮ್ ಮಾರ್ಗವಾಗಿ ಡ್ರಾಗ್ಡೆನ್ ಟನಲ್ ಮೂಲಕ ಡೆನ್ಮಾರ್ಕ್ನ ಅಮಾಗರ್ ದ್ವೀಪ ಸೇರುತ್ತದೆ.
ಈ ಮಾರ್ಗದಲ್ಲಿ ವಾಹನಗಳ ಸಂಚಾರಕ್ಕೆ ಉತ್ತಮ ಗುಣಮಟ್ಟದ ರಸ್ತೆ ಇದೆ. ಅದರ ಜತೆಗೆ ರೈಲು ಹಳಿಯೂ ಇರುವುದು ವಿಶೇಷ. ವಾಹನ ಮತ್ತು ರೈಲು ಓಡಾಟ ಸಾಧ್ಯವಿರುವ ವಿಶ್ವದ ಅತಿ ಉದ್ದದ ಸೇತುವೆ ಎಂಬ ಶ್ರೇಯವೂ ಇದರದು.
ದ್ವೀಪದ ಹತ್ತಿರದಲ್ಲೇ ಕೋಪನ್ಹೇಗನ್ ವಿಮಾನ ನಿಲ್ದಾಣ ಇದೆ. ಸೇತುವೆಯಿಂದ ವಿಮಾನ ಸಂಚಾರಕ್ಕೆ ತೊಂದರೆಯಾದೀತು ಎಂಬ ಮುಂದಾಲೋಚನೆ ಮತ್ತು ಹಡಗು ಸಂಚಾರಕ್ಕೆ ತೊಂದರೆಯಾಗಬಾರದು ಎಂಬ ಕಾಳಜಿಯಿಂದ ಎಂಜಿನಿಯರ್ಗಳು ಸೇತುವೆಯನ್ನು ನೀರಿನಾಳಕ್ಕೆ ಇಳಿಸುವ ಯೋಜನೆ ರೂಪಿಸಿದರು.